Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matiə 23:15 - LAWA A BOO SONBORE

15 «Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Ka nə n gɔ̀nɔn diɛ ka dinin ganaa, bɛ̀ ka n bibiə̃ gánan gɔ́ɔ̃ nɛ, mà kasɛn nə min goon dinsɔɔ̃ yɛ ka da Zuifun Lawa a zii ni. Bɛ̀ ka gɔn dɔ a ganaa, ka n wusii ka bɛa dɛnaa baa *Sɛtaan a piɛ min lɛa á la ka dinin manɛ gunyin paa.»

အခန်းကိုကြည့်ပါ။ ကော်ပီ

LAWA A BOO SONBORE 2011

15 Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Ka nə n gɔ̀nɔn diɛ ka dinin ganaa, bɛ̀ ka n bibiə̃ gánan gɔ́ɔ̃ nɛ, mà kasɛn nə min goon dinsɔɔ̃ yɛ ka da Zuifun Lawa a zii ni. Bɛ̀ ka gɔn dɔ a ganaa, ka n wusii ka bɛa dɛnaa baa *Sɛtaan a piɛ min lɛa á la ka dinin manɛ gunyin paa.

အခန်းကိုကြည့်ပါ။ ကော်ပီ




Matiə 23:15
17 ပူးပေါင်းရင်းမြစ်များ  

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [


ZAÃ bɛ́ á yɛ ǹ mɛn waáraa, mà *Fariziɛ̃ gigiã laanka *Sadusɛɛ̃ gigiã á die asɛ li, mà asɛ batɛmu da ǹ ganaa, a na á pɛ ǹ nɛ: «Ka kɔrɔka tɔrɔn kɛn! Die na á pɛ ka nɛ, mà Lawa a foo busu ǹ kiri gole mɛn bɛ́ die, mà ka á boe la ka baa si ka la bɛ la?


Sɛnɛ, masɛ n pii ka nɛ, bɛ̀ min mɛn foo yoo ǹ miã li, ka doamaa nɛ ka dɔlɔ bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «N là banban,» ka doamaa nɛ ka dɔlɔ gole bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «Gàãnaa nə n nɛ!» ka doamaa nɛ ka bɛa dɛnaa da bɔ̀nbaa ǹ tɛ gole ne.


Ta n gusin a yii n die n diɛ sii baraa nɛ, a gɔsɛ n zũ, n bɔ n yɔrɔ nɛ. A giala, n bɔ̀n baa n gɔ̀nɔn paǹ kɔ́n nɛ n kirisibaa, bɛ á soɛ gɔ̀nɔn siĩ din tumaa a wo bɔ̀n baa tɛ gole-n ne.


Kaa díi n ka *Sɛtaan nɛ, ka ǹ giɛ li ka kaa díi foo sii zɛnaa. A kũ kanaa a giala kɔ waáraa ganaa, a dí n ka gɛ̀ dɛ nɛ. A lɛ kɔ sonbore ganaa wa, a giala, sonbore kɔ́n ba a gɔ́ɔ̃-n wa. Bɛ̀ á soɛ boe, a din lɛ mui sii na á zɛnɛɛ, a giala, a n soɛ-bɔle lɛa, soɛ a díi dɔ nɛ.


á pɛ nɛ: «*Sɛtaan min ni, yiri tá n lon n nə́ sii kɔkɔrɔ tɔrɔ tumaa zɛnɛɛ nɛ, n ba lɛ koe sii pepere kɔ́n zɛnaa ganaa wa. N ba Dɛnaa a sii yɔrɔ bɔn kɛn sàabaa lɛ diɛ wa?


Lɛsɔkɔn lɛ kio, Zuifun ni ka tɔrɔ kɔsɔn mɛnɛn nə wɔ Zuifubaa nɛ, bɛn gigiã kɔ Pooli laanka Barnabaasi lɛ. Ǹ bɛ́ sùn biɛ kunun ǹ ni, Pooli laanka Barnabaasi nə́ ǹ foo taã, mà ǹ goã golee Lawa li kɛ gɔ́ɔ̃ nɛ, Lawa din nə ǹ mɛn kɔ ka a bǐɛ̃baa barka nɛ.


Sɛnɛ, Zuifun kɔnɔn nə́ bɔ Antiɔsi kiwi Pisidii gána nɛ ka Ikoniɔmu kiwi ni, ǹ nə́ zaman lɛ baã, ǹ nə́ kaa kunun ǹ dinin ni. Ǹ nə́ Pooli dɛ ka kɔlɔ nɛ mà a gã, bɛ kio, ǹ nə́ giɛraa ǹ nə́ woo daa kiwi lɛ lɛkoro-a, a giala maǹ nə́ goã taasɛ mà á gã.


Sɛnɛ, Zuifu kɔsɔn mɛnɛn bɛ́ ǹ lɛ kɔ boo lɛ a sonborebaa ganaa wa, bɛn nə́ tɔrɔ kɔsɔn lɛn gòãn sɔsɔmɔ, ǹ nə́ ǹ kaa Lawa-nyankɔlen lɛn ganaa.


Sɛnɛ, Tesaloniki a Zuifun lɛn dinin nə ma lɔn gɔrɔ, mà Pooli tá Lawa a boo pii Beere dɔ nɛ, ǹ nə́ daa walan dɔ nɛ, ǹ nə́ zaman lɛ sɔsɔmɔ ǹ nə́ ǹ lɔlɔkɔn.


Frizii ni ka Panfilii gána nɛ, Ezipti ni ka Liibii a Sirɛni gána nɛ, Rɔmu minin ni


Zaman lɛ tumaa lɛ kɔ boo kɛ ganaa. Ǹ nə́ Itian bɔ, golee Lawa li tá a lon parsiini, Yiri Fu dɔ tá la. Maǹ ná asɛ bɔ ka Filipi ni, Prokɔɔrɔ nɛ, Nikanɔɔrɔ nɛ, Tiimɔn nɛ, Parmanaasi ni, ka Nikolaa nɛ, bɛ n Antiɔsi kiwi min lɛa á wɔ Zuifubaa nɛ.


Minin tá n là kakaɛ̃ ka li, sɛnɛ, kaa bǐɛ̃ kɔ a lɛa bie wa. Maǹ giɛ li mà ǹ ka na kɔn ka masɛ nɛ, ń giɛ ka á n là kakaɛ̃ ǹsɛn dinin li.


Min mɛnɛn bɛ́, minbuiinbaa a din nyaa sii nə́ ǹ ganaa, bɛn lɛn man ke mà yǎa ka n kuri. Sɛnɛ, a zɛnaa miɛ̃ giala n ka kɛ dinsɔɔ̃ nɛ: Zuifun baran bɔ ǹsɛn yii ni, Krita a dere ǹ gɔn kɛ a lɛa wa.


Wɔ tumaa n wɔ́ goã ka bɛn lɛn bɛ́ lɔn, wɔ ǹ wɔ́ goã wɔa sii zɛnɛɛ wɔa minbuiinbaa ǹ foo sii babaraan li. Wɔ gɔ̀nɔn laanka wɔ yiri bɛ́ giɛ màn mɛn li, wɔ ǹ bɛ zɛnɛɛ. Wɔa minbuiinbaa kɛ lɛ a lɛa nɛ, wɔ́ goã kɔnboe ka Lawa a foo-yoo kɛ lɛ nɛ, ka gialakunun tumaa wɔ bɛ́ lɔn.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ