Matiə 23:13 - LAWA A BOO SONBORE

¹³ Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

LAWA A BOO SONBORE 2011

¹³ Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Matiə 23:13 ပူးပေါင်းရင်းမြစ်များ

Izayii 33:14

Siɔn kiwi, nyɛ́ɛ n zɛ̀rɛdɛnan ganaa. Min baraan gɔ̀nɔn nə bìn diɛ. Maǹ nɔ̀n diɛ: «Wɔ bii, die n boe la a n mɔrɔ tɛ baraa kɛ ganaa, hinlaa a diri tɛ girigiri kɛ la, a ná a nimi duduu wa?»

Zakarii 11:17

Tɔɔn-lɛduə̃li baãnaa mɛn bɛ́ n la boe a tɔɔn ganaa, bɛ wɔ n ka bɔ̀n nɛ! Gɔya sa á re a nyàa goon niɛ̃, a na a gusin a yii puru! A nyàa á re laɛ, a laa kakaka. A gusin a yii á re tiɛ̃, a tã lenlen!

Matiə 23:16

Kasɛn nyɛɛnaan sabɔle yii tere-an kɛn, kaa wɔ n ka bɔ̀n nɛ! Ka n pii: «Bɛ̀ min nə́ n liɛ ka Lawa a kion ne, bɛa sii lɛa wa, sɛnɛ, bɛ̀ min mɛn nə́ n liɛ ka Lawa a kion a sana nɛ, bɛa dɛnaa parsii ni.»

Matiə 23:23

«Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Ka n Lawa wɔ gii boe ka dù luu buruu bisin tumaa nɛ. Sɛnɛ, Lawa a dí-pɛn lɛn mɛnɛn dinin sii bɛ́ kaka, ka peperebaa á ke lɔn, ka makara bɔ min ganaa laanka bɔlɔgoondɛnaabaa nɛ, ka a bɛn diɛ sii li wa. Bɛ̀ ka doamaa nɛ, ka bɛn lɛn zɛnaa, a ná a ba gialakun kɛ lɛ dɔ sàabiɛ wa.

Matiə 23:25

«Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Ka n paan laanka kunun dɔ̀ɔ̃ pii mà ǹ *yoreen kɔ. Sɛnɛ, ǹ piɛ̃maa-n ka mɛnaa minin la ǹ mànan laanka taasiɛ babaraan nɛ.

Matiə 23:27

«Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Gere yalan mɛnɛn lalan bɛ́ fu, ka n goon ka bɛn nɛ. Ǹ tá siĩn yɔrɔ-a, sɛnɛ, ǹ gɔ́ɔ̃ piɛ̃maa-n ka gere wen laanka màn bɔnɛɛ tɔrɔ din tumaa nɛ.

Matiə 23:29

«Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Ka digolon nə Lawa a boo gii-dalin mɛnɛn dɛ, kasɛn man bɛn yala lalan doe sɔnbɔraanɛ. Ka Lawa bɔlɔ-silin mɛnɛn dɛ, ka ǹ nyaǹ kiɛ bɛn yalan ganaa.»

Matiə 3:7

ZAÃ bɛ́ á yɛ ǹ mɛn waáraa, mà *Fariziɛ̃ gigiã laanka *Sadusɛɛ̃ gigiã á die asɛ li, mà asɛ batɛmu da ǹ ganaa, a na á pɛ ǹ nɛ: «Ka kɔrɔka tɔrɔn kɛn! Die na á pɛ ka nɛ, mà Lawa a foo busu ǹ kiri gole mɛn bɛ́ die, mà ka á boe la ka baa si ka la bɛ la?

Luku 11:52

«Kaa wɔ n ka bɔ̀n nɛ, kasɛn landa sii-daraalin lɛn. Ka n ka wɔ sii-doɛ̃ nɛ ǹ kiɛnlɛ lɛ a goo nɛ saa. Ka dinin ba we wa, min mɛnɛn dɔn bɛ́ zoɛ̃ mà ǹ wɔ, ka n bɛn dɔn kurii.»

Zaã a sɛ́wɔ 9:22

A yɛ wolen lɛn man nə́ pɛ miɛ̃, a giala, maǹ nə́ goã nyɛ́ɛ biɛ Zuifun goledɛnan lɛn manɛ. A giala, bɛn nə́ saa lɛlɛ ǹ nə́ n lɛ kaa kun, mà bɛ̀ min mɛn nə́ pɛ mà Yezu n Minin Nyin-sili lɛa, mà maǹ die bɛa dɛnaa lui, ǹ ba toɛ a da lɛsɔkɔn kion doo wa.

Zaã a sɛ́wɔ 9:24

Fariziɛ̃n nə́ yii tere-a zizi lɛ bíi doo ka a paabaa ǹ wɔ nɛ, ǹ nə́ pɛ nɛ: «Nyɛ́ɛ baa Lawa yii ni, n sonbore pɛ dɛ! Wɔsɛn tá doɛ̃ wáa giĩ kɛ lɛ n sii baraa-zɛnaali lɛa.»

Zaã a sɛ́wɔ 9:34

Ǹ nə́ tɔ́n pɛ yii tere-a zizi lɛ nɛ: «Ma nə́ n yɛ sii baraa-zɛnaali lɛa, ma nə́ n daa wɔsɛn dɔn daraa a ganaa kəni!» Bɛ kio, ǹ nə́ loo ǹ nə́ bɔ lɛsɔkɔn kion lɛ nɛ.

Nya ǹ dín 13:8

Sɛnɛ, Bara-Yezu lɛ, a tɔ kɔsɔ n Elimasi, bɛ giala mà "Koe siin-zɛnaali", bɛ́ Barnabaasi laanka Sooli liere kɔ, a na á goã giɛ li a kii lɛ kurəə golee Lawa li ganaa.

Nya ǹ dín 5:28

«Táa wɔsɛn nə́ pɛ wɔ́ laa ka ganaa, wáa ka baran minin daraa bɛa tɔ kɛ lɛ ganaa wa. Á ke, ka kaa daraa lɛ wɔ Zeruzalɛmu kiwi minin tumaa yiri ni. Ka ǹ li mà giĩ kɛ lɛ a gɛ̀ dɔlɔ wɔsɛn kũ?»

Nya ǹ dín 5:40

Ǹ nə́ lɛ dia dia dí-a wolen lɛn la, mà ǹ da wɔ. Ǹ nə́ minin kaa ǹ-a ǹ nə́ ǹ dɛ. Ǹ nə́ tɔ́n nə n gòon pepere ǹ yii li doo, mà ǹ baran toa ǹ Yezu tɔ kɛ pɛ doo wa. Bɛ kio, ǹ nə́ ǹ kaa.

Nya ǹ dín 8:1

Itian dɛ a gã kɛ lɛ kɔɔ̃n kɔ Sooli dɔ ganaa. A din pinaa kɛ lɛ nɛ, fuu gole yoo Lawa a sɔmɔ gialaa Zeruzalɛmu kiwi. Bɛ̀ á n bɔ dia dí-a wolen kɛn nɛ, Lawa-nyankɔlen lɛn tumaa sasawaa, ǹ nə́ woo Zudee gána bǎã gialakunun ni ka Samarii gána nɛ.

Timote2 3:8

Zanɛsi laanka Zanbrɛsi Muizu liere kɔ lɔn, bɛa minin kɛn lɛn dɔn man sonbore liere koe miɛ̃. Bɛ miã minin kɛn lɛn Lawa a zii tɔ-we ziziɛ̃ á nya.

Timote2 4:15

N dɔ yiri bɔ li, a giala, á wɔa da ǹ boon liere kɔ parsiini.