Matiə 22:16 - LAWA A BOO SONBORE

¹⁶ Ǹ nə́ ǹ kialandɛnan dia, kun ka min mɛnɛn bɛ́ kii Erɔdi a pàã li, mà ǹ wo pɛ Yezu ni: «Mìinaa, wɔsɛn tá doɛ̃, n tá sonbore pii, n tá minin darɛɛ Lawa a zii ganaa ka a peperebaa nɛ, n ba nyɛ́ɛ biɛ minbuiinin taasiɛ-n wa, a giala n ba minin bɔkɔnlɛ we wa.

LAWA A BOO SONBORE 2011

¹⁶ Ǹ nə́ ǹ kialandɛnan dia, kun ka min mɛnɛn bɛ́ kii Erɔdi a pàã li, mà ǹ wo pɛ Yezu ni: «Mìinaa, wɔsɛn tá doɛ̃, n tá sonbore pii, n tá minin darɛɛ Lawa a zii ganaa ka a peperebaa nɛ, n ba nyɛ́ɛ biɛ minbuiinin taasiɛ-n wa, a giala n ba minin bɔkɔnlɛ we wa.

Matiə 22:16 ပူးပေါင်းရင်းမြစ်များ

Kiin1 22:14

Sɛnɛ, Misee tɔ́n nə n toa: «Dɛnaa Lawa Yiikoonaa tɔ lɛ taman yii, Dɛnaa Lawa bɛ́ re màn mɛn pii ma nɛ, bɛ nɛ masɛ tá re pii!»

Loen 12:2

N dɔ ma lɛ, Dɛnaa Lawa! Min sonbore din banban doo wa. Foo doama a wole din ba minbuiinin bii doo wa.

Loen 5:9

Dɛnaa Lawa, n din ma nyɛɛnaan bɔ ka n peperebaa kɛ nɛ. Maa zɔ́ɔn lɛn bɛ́ ke kuu koe ma ganaa, n din nə n zii kɛ lɛ wɔraa ma nyɛɛnɛ.

Loen 55:21

Maa lɛlɛ a dàã kɛ lɛ nə́ n bɔyaa a giaáran li. Á lɛ kɔ kɔn la kɛ lɛ ziziɛ̃ wɔ biin ni.

Suusun 29:5

Min mɛn bɛ́ ǹ miãn bebele, a n kan koe a din ni.

Malakii 2:6

Bɛa minin kɛn lɛn daraa ǹ boo tumaa na á goã pepere, ǹ soɛ boo kɔn da wa. Maǹ nə́ goã giã-n kũ ka masɛ nɛ yii-nyɛɛ gɔ́ɔ̃ nɛ ka peperebaa nɛ, ǹ nə́ min gigiã kurəə sii baraa zɛnaa ganaa.

Malakii 2:9

A bɛ́ miɛ̃, masɛ n die Izirayeli a zaman tumaa kɛ yii soe ka ganaa, ǹ ka pɔpɔsɛ, ǹ sìi da ka-a, a giala ka a ma foo sii zɛnɛɛ wa, ka n kun paǹ goon ne ka paǹ goon toa wolan maa laanda siin wɔ paǹ li.

Matiə 22:24

«Mìinaa, Muizu na á pɛ Landa gɔ́ɔ̃ nɛ: bɛ̀ giĩ mɛn gã a ná a lɔ toa walan, a ná a nɛ yɛ a ganaa wa, ǹ dɔɔ̃n doamaa nɛ a lɔ giɔɔrɔ lɛ saa, a nɛnyaanan yɛ a ganaa, ǹ dɔɔ̃n papaã wole lɛ wɔn lɛa.

Matiə 22:26

Ǹ paabaa ǹ wɔ dɔ na á n baa miɛ̃, ka ǹ sɔɔbaa ǹ wɔ nɛ, yǎa a woo ǹ sɔbaamaa lɛ tumaa yaa.

Matiə 26:18

Yezu tɔ́n pɛ ǹ nɛ: – Ka wo min kɔ́n li kiwi gɔ́ɔ̃ nɛ ka pɛ nɛ: «Mìinaa n kɛ pii mà asɛ a biikoo dɔ, mà asɛ n die kiɛ̃mala ǹ zɔ́n màn bii a piɛ, kun ka a kialandɛnan nɛ.»

Matiə 26:49

Zudaasi nə́ n zɔ̃ á dɔ Yezu li gɔrɔ, á pɛ nɛ: «Fòo le, Mìinaa!» Bɛ kio á n sɔɔ a nɛ.

Marki 10:17

Yezu bɛ́ á mɛ zii la á n woe, giĩ goon baa si á daa kaa tán a giulun á nɔ̀n da la kɛnɛn: «Mìinaa sonbore, masɛ doamaa-n ma wàa zɛnaa ma tɔn nyin nyabaã yɛ?»

Marki 12:13

*Fariziɛ̃n laanka min mɛnɛn bɛ́ kii Erɔdi a pàã li, ǹ nə́ bɛn kɔnɔn dia Yezu li, mà ǹ wo a lɛ zulu, ǹ gɔn da a ganaa ka a din lɛ gɔ́ɔ̃ ǹ boo ne.

Marki 12:14

Ǹ nə́ woo ǹ nə́ nɔ̀n da la kɛnɛn: «Mìinaa, wɔsɛn tá doɛ̃, wáa n tá sonbore pii, minbuiinin bɛ́ màn mɛn taasɛ, n ba nyɛ́ɛ biɛ bɛ-n wa, a giala, n ba minin bɔkɔnlɛ we wa, sɛnɛ, ma n minin darɛɛ Lawa a zii ganaa ka peperebaa nɛ. Á siĩni wɔ nyin giɔ̀mɔ saraa Rɔmun kii gole gole la hinlaa, wɔ baran saraa wa?»

Marki 3:6

Minin mɛnɛn bɛ́ kii Erɔdi a pàã li, *Fariziɛ̃n nə́ soo lɛsɔkɔn kion, ǹ nə́ n lɛ kaa kun bɛn nɛ gɔrɔ, ǹ nə́ ga Yezu dɛ a gã ǹ gɔn li.

Marki 8:15

Yezu tɔ́n nə n gɔn waa ǹ nɛ kɛnɛn: «Haya, ka n parabaa Fariziɛ̃n yɔ bù ni, ka n parabaa kii Erɔdi a yɔ bù ni.»

Luku 20:21

Ǹ nə́ nɔ̀n kɛ da la: «Mìinaa, wɔsɛn tá doɛ̃ wáa n bɛ́ màn mɛn pii, n bɛ minin darɛɛ ǹ mɛn-a, bɛ á pepere. N ba bɔkɔnlɛ we wa. Minin doamaa bɛ́ nɛ ǹ tɔ wɔ pepere lɔn Lawa a zii la, ma n minin darɛɛ bɛ ganaa sɔnbɔraanɛ.

Luku 7:40

Yezu boo saa á pɛ nɛ: Simɔn ganaa, boo tá ma lɛ-n ma pɛ n nɛ. Yǎa Simɔn nə́ n toa a ganaa mà Mìinaa, mà a pɛ.

Zaã a sɛ́wɔ 14:6

Yezu pɛ nɛ: «Masɛ din nə zii lɛa, sonbore lɛa, yiikoonaabaa lɛa. Min kɔ́n ba woe Díi Lawa li, bɛ̀ a ná a kɔ masɛ lɛ wa.

Zaã a sɛ́wɔ 18:37

Pilati tɔ́n pɛ nɛ mà a n kii lɛa le? Yezu ná a lɛ si: «N din nə pii mà man kii lɛa. Masɛ n má yɛ má daa sonbore nyaa kanaa gɔ́ɔ̃ nɛ. Min woo min tá sonborebaa ǹ zii tɔ we, bɛa dɛnaa nə n too koe masɛ a boo ganaa.»

Zaã a sɛ́wɔ 7:18

Bɛ̀ min mɛn tá boo diɛ a din gɔn wìi a lɛa, bɛa dɛnaa n giɛ tɔ li. Sɛnɛ, min mɛn bɛ́ giɛ li mà a dia wole tɔ bɔ, bɛa dɛnaa n sonbore pii, gɔ́ɔ̃ tìbaa ba a lon wa.

Korɛnti2 2:17

Masɛ bie pii koe Lawa a boo ganaa, ka min gigiã kɔsɔn kɛn bɛ́ lɔn wa. Haayii, Krita wɔbaa gɔ́ɔ̃ nɛ, masɛ n boo diɛ ka fubaa nɛ, ka Lawa din tɔ nɛ, a din yɔrɔ-a.

Korɛnti2 4:2

Siin mɛnɛn bɛ́ durii ni, ǹ nə́ sìi diɛ, má n piã ka bɛn nɛ. Ma a sii zɛnɛɛ ma minin yiri sã-n wa, ma a Lawa a boo lɛ bɔbɔyɛɛ wa. Haayii, man Lawa a boo a taãnbaa nyɛɛ minin ni foaãnɛ. Man giɛ li, máa min tumaa nə n foo doa ma ganaa Lawa yɔrɔ-a.

Korɛnti2 5:16

Bɛ lɛ nɛ, ma bie min kɔ́n doɛ̃ doo minbuiinbaa ǹ yɔrɔ kɛ la wa. Haalɛ ta má Krita dɔ̃ minbuiinbaa ǹ yɔrɔ la lɛlɛ, kanna, ma bie doɛ̃ bɛa yɔrɔ kɛ la doo wa.

Galaasi minin 1:10

Maa boo kɛ á nyɛɛ, mà man giɛ li, man din sii kɔɔ̃n kɔ minbuiinin ganaa ya? Haayii, man giɛ li máa ma sii kɔɔ̃n kɔ Lawa ganaa. Man giɛ li, máa maa sii kaa minbuiinin foo la? Haayii, bɛ̀ man tɔn giɛ li, mà maa sii kaa minbuiinin dɔn foo la, bɛ̀ ma a Krita a dí-nyali lɛa doo wa.

Galaasi minin 2:6

Sɛnɛ, ǹsɛn mɛnɛn nə goã nyɛɛnaandɛnan lɛa, ǹ yiri dii kɔ́n da masɛ yiri li wa. Ǹ bɛ́ ǹ nə́ goã màn mɛn lɛa, bɛ kaa masɛ a sii li wa. A giala, Lawa a bɔǹbii-a we wa.

Timəə dí-pɛn 33:9

Ǹ nə́ n din narɛ á la ǹ díin laanka ǹ náan manɛ, ǹ nə́ n piã ka ǹ dɔɔ̃nɔn nɛ n din a lɛa, ǹ nə́ ǹ nɛnyaanan tii n din a lɛa. Ǹ nə́ n boo kɛ tamaa, ǹ nə́ n yiri koa n lɛ kɔ kɔn la lɛ li.

Tesaloniki1 2:4

Sɛnɛ, wɔ ǹ boo diɛ biikoo yii li, á n kɔnpii ka Lawa dùũ ni, a giala, Lawa ga wɔ ganaa dí lɛ a nyalin lɛa, á tɔ́n Boo Tii Kɔɔ̃n pɛ ǹ dí kɛ kɔ wɔ la. Wɔ bie giɛ li wáa wɔ sii kɔɔ̃n kɔ minbuiinin ganaa wa, wɔ ǹ giɛ li wáa wɔ sii kɔɔ̃n kɔ Lawa ganaa, asɛ mɛn bɛ́ minbuiinin gɔ́ɔ̃gɔ́ɔ̃ ǹ taasiɛ doɛ̃.

Zaaki 3:17

Sɛnɛ, Lawa bɛ́ sii-doɛ̃ mɛn koe, bɛ̀ bɛ tá min mɛn lon, bibinaa nɛ, a bɛ miã sii gɔgɔrɛ kɛ zɛnɛɛ wa, bɛa sii-doɛ̃ lɛ n die ka là nyantoro ne. Ǹ dɛnaa a sii n basiɛ̃ nɛ, a n giɛ minin lɛ a kaa kun li. Ǹ dɛnaa a makara-doɛ̃ n gole, a n sii sonbore zɛnɛɛ parsiini. Ǹ dɛnaa ba n gɔ́ɔ̃ lonlankoe wa, a bɔlɔ paa pii min ni wa.

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.