Matiə 22:13 - LAWA A BOO SONBORE

¹³ Kii lɛ tɔ́n pɛ a dí-nyalin manɛ: «Ka kũ ka a gòã laanka a gɔnɔn yii, ka saa ka zũ kanaa wɔlɔ tì li. Á die wuu pii walan, a sɔ kere bɔ.»

LAWA A BOO SONBORE 2011

¹³ Kii lɛ tɔ́n pɛ a dí-nyalin manɛ: «Ka kũ ka a gòã laanka a gɔnɔn yii, ka saa ka zũ kanaa wɔlɔ tì li. Á die wuu pii walan, a sɔ kere bɔ.»

Matiə 22:13 ပူးပေါင်းရင်းမြစ်များ

Loen 112:10

Min baraa n die yii, a n lɛ məə li, a n die n lɛ sɔ̃sɔ̃ li, a fɔ̃. A gɔ́ɔ̃gɔ́ɔ̃ ǹ sii tumaa n kooro biɛ.

Loen 37:12

Min baraa n kuu koe min sonbore ganaa, a nə́ n lɛ sɔsoɛ̃ li.

Izayii 52:1

N yii kaa, n yii kaa, n pàã nyaa *Siɔn. N mɔnaa sonboren wɔ Zeruzalɛmu, nsɛ kiwi sonbore. A giala, tiin ni ka min mɛnɛn bɛ́ gɔ̀dɛnan lɛa, bɛn gòã á re miɛ n li doo wa.

Matiə 12:29

«Min kɔ́n ba we min kaka a kion, a na a gɔn mànan goa, bɛ̀ a ná a na a din yii bɔrɔ á da tán wa. Bɛ̀ á yii ǹ mɛn waáraa, á boe la a na a kion màn din tumaa goa.

Matiə 13:30

Ka toa ǹ gole kɔ kun, yǎa a kurii waáraa. Bɛa waáraa, dí-nyalin mɛnɛn bɛ́ re kuri, ma á die pii bɛn manɛ, máa ǹ buu babaraa lɛ kuru bɔrɔ ǹ yii gɔn-sara-yii ǹ kaa tɛ-n, bɛ kio, ǹ màn tɔrɔ sonbore lɛ kaa maa dɔǹ nɛ.»

Matiə 13:42

ǹ nə ǹ kaa tɛ-n, ǹ wuu pɛ walan ǹ sɔ kere bɔ.

Matiə 13:50

ǹ nə ǹ kaa tɛ-n. Maǹ die wuu pii walan ǹ sɔ kere bɔ.»

Matiə 24:51

Á die dɔlɔ babaraa boe dí-nyali lɛ ganaa, ka gɔ́ɔ̃ tì-an dɔlɔ kɛ tɔrɔ bɛ́ lɔn. Á re wuu pii bɛa bǎã lɛ nɛ, a sɔ kere bɔ.

Matiə 25:30

Dí-nyali là baãnaa ke, ka kũ ka zũ kanaa wɔlɔ tì li, á die wuu pii walan, a sɔ kere bɔ.»

Matiə 8:12

Sɛnɛ, *Lawa a kiibaa ǹ bǎã lɛ bɛ́ min mɛnɛn kíɛ̃ lɛa, ǹ tá re bɛa dɛnan lui ǹ nə ǹ kaa kanaa wɔlɔ tì biribiri li, ǹ wuu pɛ walan, ǹ sɔ kere bɔ.»

Luku 13:28

Wuu-pɛ laanka sɔ kerebɔ á re yii, biikoo mɛn waáraa bɛ̀ ǹ nə́ wɔ digolo Abrahamu yɛ, ka Izaaki ni ka Zakɔba nɛ, ka Lawa a boo gii-dalin kɛn tumaa nɛ, bɛn nə́ Lawa a kiibaa ǹ bǎã kɛ nɛ, ǹsɛn nə́ zuĩ-n kanaa.

Zaã a sɛ́wɔ 21:18

Man taãn pii n ni: N bɛ́ nɛnyaan lɛa ǹ mɛn waáraa, n din ni n maabɛlɛ yii, bǎã mɛn bɛ́ kɔɔ̃nɛ n ganaa n soo bɛ̀ n wo walan. Sɛnɛ, bɛ̀ n zizi kɔ ǹ mɛn waáraa, n tá re n gɔnɔn goɛ lon, min kɔsɔ n die yii, n bɛ́ n ba li n wo bǎã mɛn nɛ wa, a n kũ a wo n ne walan.»

Nya ǹ dín 21:11

A bɛ́ á daa wɔ yaa, á Pooli a maabɛlɛ si, a ná a din gòãn laanka a gɔnɔn yii ni, á pɛ: «Á ke, Yiri Fu n pii kɛnɛn. Maabɛlɛ kɛ bɛ́ min mɛn wɔ lɛa, Zuifun man die bɛa dɛnaa yii kɛnɛn Zeruzalɛmu, ǹ wɔ tɔrɔ kɔsɔn gɔn.»

Nya ǹ dín 7:54

Boon kɛn nə́ tɛ da kiri-wɔlen lɛn foo-a, yǎa ǹ nə́ n lɛ sɔsɔ̃ Itian li.

Tesaloniki2 1:9

Dɔlɔ mɛn bɛ́ re n diɛ ǹ mìi ni, bɔ̀n gole á re ǹ yii, ǹ wɔlɔ á re lui Dɛnaa ganaa, ka a pàã sonbore kɛ nɛ.

Piɛrɛ2 2:17

Bɛa minin-daraali soɛ-bɔlen kɛn lɛn man goon ka mu yalan nɛ, mu ba ǹ nɛ wa. Maǹ ka labaran mɛnɛn bɛ́ piɛ̃ nə́ ǹ goɛ kiɛ̃ ǹ nɛ. Nɔmaa ǹ bǎãn mɛnɛn bɛ́ wɔlɔ tì lɛa taãn-taãnɛ, Lawa n bɛn koɛ ǹ nɛ.

Piɛrɛ2 2:4

Lon a dia dí-a wolen mɛnɛn nə sii baraa zɛnaa, Lawa bɛn dinin toa wa. A na á ǹ kaa papaã ǹ bǎã wɔlɔ tì kɛ li, ǹ nə́ kòso-n walan, n yii diɛ kiri-kurii pinaa kɛ la.

Zude 1:13

Bɛa minin kɛn lɛn man ka yìsi mu a bìn-diɛ gàãnaa bɛ́ lɔn, yìsi mu bɛ́ woe lɔn a kaã gɔgɔrɛ toa walan, ǹ nya ǹ dín là n ka ǹ dinin sìi ni. Maǹ goon ka leeren bibiə̃ wolen kɛn nɛ, Lawa na á ǹ koa wɔlɔ tì biribiri kɛ wɔn lɛa yǎa duduu.

Zude 1:6

Ka n yiri kɔ kɛ dɔ nɛ, lon a dia dí-a wolen mɛnɛn bɛ́ ǹ giã ǹ dia dí-a wolebaa-n wa, ǹ nə́ ǹ bǎã toa walan, Lawa na á bɛn gisĩ á ǹ kaa wɔlɔ tì li, á fɔlɔ biɛn kaa ǹ ganaa. Maǹ die goɛ̃ bɛ-n duduu yǎa kiri kuru ǹ lɛawaa gole kɛ a pinaa.

Sii-nyaan 21:27

Màn mɛn tumaa bɛ́ *gɔ̀ lɛa, bɛ kɔ́n ba we kiwi kɛ-n wa, min gɛsɛ a we wa, soɛ-bɔle dɔ a we wa. Sɛnɛ, min mɛnɛn tɔ bɛ́ kiɛ̃-n Sère Nɛ a yiikoonaabaa ǹ sɛ́wɔ kɛ nɛ, bɛn dininsɔɔ̃nɔn man we kiwi lɛ nɛ.