Matiə 21:5 - LAWA A BOO SONBORE

⁵ «Ka pɛ *Siɔn kele minin manɛ Zeruzalɛmu kiwi: Kaa kii á ke die ka li, á n din boɛɛn kɔ, á dii dundun dan la, ka a nɛ banɛɛ nɛ, dundun dan a nɛ lɛa.»

LAWA A BOO SONBORE 2011

⁵ «Ka pɛ *Siɔn kele minin manɛ Zeruzalɛmu kiwi: Kaa kii á ke die ka li, á n din boɛɛn kɔ, á dii dundun dan la, ka a nɛ banɛɛ nɛ, dundun dan a nɛ lɛa.»

Matiə 21:5 ပူးပေါင်းရင်းမြစ်များ

Siin Giala 49:10

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Samayeli2 16:2

Kii nɔ̀n da Siibaa la: «Ma n die kɛ tumaa biɛ lɔn?» Siibaa ná a lɛ si: «Dundunun kɛn, bɛn manə n din a kion minin wɔn lɛa, ka tá re dii ǹ la. Buuru kɛ laanka gɔ́rɔ nɛ ke, bɛ á die tɔntɔraan lɛn màn-bii biɛ. Duvɛ̃ ke, min mɛnɛn bɛ́ re nɔmiɛ̃ don lɛ nɛ, bɛn tá re bɛ mii.»

Kiin1 1:33

Á pɛ ǹ nɛ: «Ka kaa dɛnaagiĩ a dí-nyalin lɛn kũ, ka ǹ kaa kun ka nɛ, ka maa nɛgiĩ Salomɔn da ma din a dundun sùi la, ka wo ne Giyɔn a mu yala lɛ-a.»

Kiin1 10:26

Salomɔn zia da ǹ wotoron kaa kɔn li, ka dii sùi la wolen ne. Zia da ǹ wotoron lɛn man nə́ goã duu goon biɛsii (1 400), dii sùi la wolen man nə́ goã duu fulupaa (12 000). Á ǹ tɛnɛn koa, zia da ǹ wotoron koa ǹ kiwin ni, á ǹ tɛnɛn toa a din li, Zeruzalɛmu kiwi.

Loen 9:14

Makara bɔ ma-a, Dɛnaa Lawa. Maa zɔ́ɔn kɛn nə nɔmaa mɛn da ma mìi ni, n din ga bɛ ganaa. N din ma kanbaa gɛ̀ ganaa,

Izayii 12:6

Nsɛ mɛn bɛ́ giã-n *Siɔn, foo kɔɔ̃nbaa ǹ lɛ dɛ ka n foo tumaa nɛ, a giala, min mɛn bɛ́ kunun n ni, á gole Izirayeli a Lawa sonbore kɛ nɛ.

Izayii 40:9

*Siɔn boo tii kɔɔ̃n pɛle, dii kele sasa la, Zeruzalɛmu, boo tii kɔɔ̃n pɛle, n lɛn saa ka pàã nɛ, n lɛn saa lon, nyɛ́ɛ nyan nə n kũ wa. A pɛ Zudaa kiwin manɛ: «Kaa Lawa á ke!

Izayii 62:11

Á ke, Dɛnaa Lawa lɛ n boe yǎa tán lɛ dan ganaa. Ka pɛ Siɔn kiwi ni: «N kirisibaa wole á ke yii die. A màn mɛn yɛ a n die ka bɛ nɛ. A n die ka a dí a saraa nɛ.»

Ezekieli 34:24

Masɛ Dɛnaa Lawa n die ǹ Lawa biɛ, maa dí-nyali Davida n die ǹ nyɛnaandɛnaa biɛ. Ma din Dɛnaa Lawa má pɛ.

Ezekieli 37:24

Maa dí-nyali Davida n die giɛ̃ ka tumaa mìi la kii lɛa, ka tumaa lɛduə̃li goon toto lɛa. Ka á re tɔ we a kɔnpɛ ka maa sii yɔrɔ bɔ ǹ boon kɛn nɛ, ka á re maa landa boon kɛn tamaɛ, ka kɔ ǹ lɛ.

Ozee 1:7

Sɛnɛ, Zudaa minin kɛn, ma á re makara boe bɛn ganaa. Ma din Dɛnaa Lawa nə ǹ Lawa lɛa, ma din nə die ǹ kirisibiɛ. Sɛnɛ, ma bie re ǹ kirisibiɛ ka sa-n wa, gɔya sa bie wa, zia bie wa, sùin bie wa, sùi da-baalin bie wa.»

Misee 5:2

Bɛ lɛ na á toa, Lawa á re n gɔn boe a zaman ganaa, yǎa nɔnaa kɛ nɛ yii. Bɛa biikoo li, ǹ dɔɔ̃nɔn lɛn mɛnɛn bɛ́ re n sɔlɛɛ a nɛ, bɛn tá re die kiɛ kun ka Izirayeli minin gialakunun kɛn nɛ.

Minin nimi 24:19

Zakɔba tɔrɔ lɛ n die giɛ̃ a ziadɛnan mìi la. Kiwi lɛ a min gialakunun mɛnɛn yii goã koo, a n die bɛn bɔ̀n biɛ.

Matiə 11:29

Ma a kakaarɛ wa, ma a min puusə koe wa. Ma bɛ́ guĩ mɛn koe ka la ka bɛ lɛ si, ka maa doroo ma, piɛ̃ á re kiɛ ka ganaa.

Matiə 2:2

Ǹ nə́ nɔ̀n da ǹ nə́ pɛ: «Nɛnyaan mɛn bɛ́ á yɛ, a n die Zuifun kii biɛ, a n maa? Wɔ́ n toa wɔa gána nɛ, wɔ́ a leere yɛ á bɔ lɛ̀giala-n, wɔ n wɔ́ daa a guguru kɔ.»

Matiə 2:6

«Kasɛn Bɛtlehɛmu minin lɛn, ka baran taasɛ mà ka dɔn dinin kiwi kɛ lɛ n kiɛɛrɛ Zudee gána a kiwin bii wa, a giala, goledɛnaa á re boe a nɛ, a giã Izirayeli mìi la, ma din a minin lɛn, a ǹ tamaa.»

Matiə 21:6

Kialandɛnaa min paa lɛ woo, ǹ nə́ zɛnaa ka Yezu pɛ ǹ nɛ lɔn,

Luku 24:27

Bɛ kio á boo saa doo, Lawa a boo á màn mɛn tumaa diɛ a wɔ gɔn la, á bɛ giala pɛ ǹ nɛ. A ná a giala kɔ Muizu a sɛ́wɔn ganaa, á daa Lawa a boo gii-dalin gialakunun kɛn wɔn yaa.

Zaã a sɛ́wɔ 1:49

Bɛ kio, Natanayeli tɔ́n pɛ Yezu ni: «Mìinaa, masɛ dɔ̃ sisia, máa ma n Lawa a Nɛ lɛa, máa ma n Izirayeli minin kii lɛa.»

Korɛnti2 10:1

Masɛ Pooli dinmaa n kɛ pii ka nɛ, masɛ mɛn bɛ́, ǹ nə pii mà bɛ̀ ma á ka li, mà man min basiɛ̃ lɛa, sɛnɛ, mà bɛ̀ ma a ka li wa, mà man kakaarɛ ka ganaa. Man ka nyankoe ka *Krita a foo basiɛ̃ laanka a sonborebaa nɛ.

Timəə dí-pɛn 17:16

Sɛnɛ, kii lɛ a sùin doamaa bie ǹ goã gigiã wa. A doamaa dɔ bie a zaman lɛ lɛ goa a dia Ezipti, mà ǹ wo sùin pii ǹ da ǹ nɛ, màn mɛn bɛ́ toɛ, asɛ a sùin nə mɔnaa wa. A giala, Dɛnaa Lawa pɛ ka nɛ mà ka nyan toa ka n bɔyaa ka kɔ zii kɛ lɛ doo wa.

Sii yɔrɔ-bɔlen 12:14

Nɛgiĩ pusi na á goã a lon. A nɔ̀ɔnɔn man nə́ goã min pɔsɔɔ, bɛn nə́ goã dii dundun pɔsɔbaa la. Á Izirayeli minin lɛn sii yɔrɔ bɔ lɛ̀ kiwisi gɔ́ɔ̃ nɛ.

Sii yɔrɔ-bɔlen 5:10

Kasɛn mɛnɛn bɛ́ ká dii dundun dan fufun la, kasɛn mɛnɛn bɛ́ giã-n tán mɔnaa sonboren la, kasɛn mɛnɛn dɔn bɛ́ zii tɔ we, ka n taasɛ.