Matiə 21:41 - LAWA A BOO SONBORE

⁴¹ Ǹ nə́ tɔ́n pɛ Yezu ni: «A n die bɛa min baraan kɛn dii baraa, yǎa ǹ giɛ̃, a na a da wuru lɛ koa dí-nyali kɔsɔn li, bɛ̀ a tá a wɔ gii li ǹ mɛn waáraa, bɛ̀ ǹ kɔ la a biikoo li.»

LAWA A BOO SONBORE 2011

⁴¹ Ǹ nə́ tɔ́n pɛ Yezu ni: «A n die bɛa min baraan kɛn dii baraa, yǎa ǹ giɛ̃, a na a da wuru lɛ koa dí-nyali kɔsɔn li, bɛ̀ a tá a wɔ gii li ǹ mɛn waáraa, bɛ̀ ǹ kɔ la a biikoo li.»

Matiə 21:41 ပူးပေါင်းရင်းမြစ်များ

Loen 2:9

Pàã mɛn bɛ́ kaka ka fɔlɔ nɛ, n tá re bɛ nyɛɛ ǹ nɛ, n tá re ǹ yɔyɔrɛ ka gì donkolon bɛ́ lɔn.

Izayii 65:15

Ma min mɛnɛn bɔ má ǹ koa, ka tɔ n die goɛ̃ lɛn baraa bíi ǹ màn lɛa bɛn gɔn: «Dɛnaa Lawa toa n gã ka min kɛ bɛ́ lɔn!» Sɛnɛ, min mɛnɛn bɛ́ dí nyɛɛ ma nɛ, tɔ kɔsɔ n die n koe bɛn ganaa.

Zakarii 12:12

Sumun lɛn mɛnɛn tumaa bɛ́ gána lɛ nɛ, ǹ tumaa n die bɛa gɛ̀ lɛ zɛnɛɛ totoro: Davida a sumu minin, ǹ giĩn laanka ǹ lɔn nɛ, Natan a sumu minin, ǹ giĩn laanka ǹ lɔn nɛ,

Zakarii 13:8

Dɛnaa Lawa Pàãyiidɛnaa a da ǹ boo á ke: «Gána lɛ a zaman a talɛɛ sɔɔ a talɛɛ paa n die giɛ̃, a talɛɛ goon yii goã koo.

Matiə 21:34

Da nɛ ma waáraa bɛ́ á dɔ, a ná a dí-nyalin dia da wuru dí-nyalin lɛn li, maǹ na asɛ wɔ gii kɔ ǹ la ǹ da nɛ.

Matiə 21:40

Yezu tɔ́n nɔ̀n da ǹ la: «Bɛ̀ wurudɛnaa lɛ daa ǹ mɛn waáraa, a n die wàa zɛnɛɛ dí-nyalin lɛn man kəni?»

Matiə 21:43

Bɛ lɛ nɛ, masɛ á pii ka nɛ, kaa tá Lawa wɔbaa-n ke, a kiibaa giulun, bɛ á die n sii ka la, a n kɔ tɔrɔ kɔsɔn la, ǹ mɛnɛn zɛnaa ǹ sii bɛ́ kɔnpii ni. [

Matiə 3:12

A n die min sonboren laanka min baraan niɛ̃ a ǹ bɔ kɔn, ka buu-kɔsɔli bɛ́ màn nàn laanka a kaása niɛ̃ á boe kɔn lɔn, màn mɛn bɛ́ toɛ, a na a màn nàn bɔ a kaa dɔǹ nɛ. Sɛnɛ, á die màn kaása kɛ sɛ tiɛ̃ tɛ-n, tɛ mɛn bɛ́ a ba nimi duduu wa.»

Luku 20:16

A n die die a wuru dí-nyalin kɛn lɛn dɛ ǹ gã, á wuru lɛ koa min kɔsɔn li, ǹ na a dí nya.» Minin bɛ́ ǹ nə́ boon kɛn ma, ǹ nə́ pɛ mà Lawa die a ǹsɛn kanbaa kɛ ganaa!

Nya ǹ dín 15:7

Liere lɛ bɛ́ á sasa kɔ, Piɛrɛ nə́ n lɛ bũ á pɛ: «Ma dɔɔ̃nɔn lɛn, táa ka á doɛ̃ mà Lawa na á masɛ bɔ ka bii a giala koe li, màn mɛn bɛ́ toɛ, ma boo tii kɔɔ̃n pɛ tɔrɔ kɔsɔn manɛ, ǹ lɛ kɔ a ganaa ǹ golee Yezu li.

Nya ǹ dín 18:6

Zuifun lɛn bɛ́ n piɛ̃, ǹ nə́ sɔ koe, Pooli nə́ n gɔn pii á bɔ ǹ sii ni. Á pɛ ǹ nɛ: «A n kuĩ ka dinin mìi ni, màn kɔ́n ba boe masɛ li doo wa. Sisia kəni, masɛ n die n yɔrɔ diɛ tɔrɔ kɔsɔn la.»

Nya ǹ dín 28:28

Ka dɔ̃ kəni, mà Lawa na á bɛa kirisibaa ǹ boo kɛ lɛ dia tɔrɔ kɔsɔn la, bɛn tá re n too koe.

Nya ǹ dín 28:8

Ǹ di na a goã lon wa, gɔ̀nɔn-wɛɛ̃ laanka gɔ́ɔ̃-kuri na á goã a ganaa. Pooli woo a mìi la, á n gɔn da la á Lawa nyankɔ nɛ, a ná a kaka kɔ.

Tesaloniki1 2:16

Min mɛnɛn bɛ́ ǹ ba Zuifun lɛa wa maǹ wɔ kurii, mà wɔ baran kirisibaa ǹ boo kɛ pɛ bɛn man wa. Maǹ màn diɛ ǹ dinin sii baraa li miɛ̃ biikoo tumaa li, ǹ tá a lɛ piɛ̃. Sɛnɛ, a giala-nyɔmiɛ li, Lawa a foo-busii yu ǹ mìi ni.

Ebrəə 12:25

Ka n yiri kɔ ka dinin li, ka baran n piã mà ka a n too koe Lawa kɛ lon, boo diɛ ka-n wa. A giala, Izirayeli minin lɛn bɛ́ Sinayii kele li, ǹ nə n too kɔ ǹ gɔn waaman wole lɛ lon wa. Ǹ kirisibaa dɔlɔ lɛ ganaa wa. Sanparɛ ka wɔsɛn nɛ, bɛ̀ wɔ́ n piã wɔ n too kɔ lon a Lawa kɛ lon boo diɛ wɔ-n wa, wɔ dɔn ba kirisibiɛ dɔlɔ lɛ ganaa wa,

Ebrəə 2:3

wɔsɛn dɔn kəni, wɔ ǹ die liɛ lɔn, bɛ̀ wɔ́ sàn kɔ ka kirisibaa gole kɛ nɛ? Kirisibaa mɛn bɛ́ Dɛnaa din ná a boo da bɔrɔ, bɛ kio, min mɛnɛn na a boo ma ka ǹ too ne, bɛn dɔn nə́ wusoo ǹ ná a sonborebaa pɛ.