Matiə 21:37 - LAWA A BOO SONBORE

³⁷ Nyɔɔbaa, a ná a din a nɛgiĩ dia. A na á goã taasɛ: «Bɛ bɛ́ n maa nɛ lɛa, ǹ tá re nyɛ́ɛ biɛ bɛ-n sɛn.»

LAWA A BOO SONBORE 2011

³⁷ Nyɔɔbaa, a ná a din a nɛgiĩ dia. A na á goã taasɛ: «Bɛ bɛ́ n maa nɛ lɛa, ǹ tá re nyɛ́ɛ biɛ bɛ-n sɛn.»

Matiə 21:37 ပူးပေါင်းရင်းမြစ်များ

Izayii 5:4

Má n parsii tumaa bɔ maa rezɛ̃ wuru kɛ taman yii, ma ba boe la ma kiɛ̃ kɛ la doɛ̃ doo wa. Má goã n yii diɛ rezɛ̃ nɛ sonbore la, sɛnɛ, rezɛ̃ da lɛ na á nɛ pipiã kɔ. Bɛ giala n ka wàa-n kəni?

Zeremii 36:3

Kɔntan, Zudaa minin tá re a woo ǹ bǎã yii mà man die koe boe ǹ ganaa. Kɔntan, didie á re a giã ǹ gɔn baraa kiɛ, màn mɛn bɛ́ toɛ ma ǹ sii baraa laanka ǹ giã ǹ gɔn baraa toa ǹ nɛ.»

Sofonii 3:7

Má pɛ ma din ni: Sisia, kiwi lɛ á die ma guguru koe, á re n too koe maa doroon li. Bɛ̀ á miɛ̃, ma a re maa dɔlɔn kɛn boe a ganaa doo wa, ma a re a bɔ̀n biɛ doo wa. Sɛnɛ, haayii! Kiwi lɛ a minin man nə́ n gòã yii fuu saa ǹ nə́ kaa sii baraa nɛ.

Matiə 21:36

Wurudɛnaa lɛ wusoo a dí-nyali kɔsɔn dia, bɛn nə́ gigiã ǹ nə́ la bibinaa wɔn kɛn manɛ. Wuru-lɛduə̃lin lɛn nə́ bɛn dɔn baa miɛ̃.

Matiə 21:38

Sɛnɛ, wuru dí-nyalin lɛn bɛ́ ǹ nə́ yɛ die, ǹ nə́ pɛ kɔn nɛ: «Haya, a kíɛ̃-saali lɛ á ke. Ka daa, wɔ dɛ, wɔ wuru lɛ si.»

Matiə 3:17

Boo-diɛ lɛn bɔ lon á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ.»

Marki 12:6

Wurudɛnaa lɛ a nɛgiĩ dinsɔɔ̃ na á goã sisia, a min lɛa goon toto, a n bɛ lɛ narɛ parsiini. Nyɔɔbaa á bɛ lɛ dia ǹ li. A na á goã taasɛ mà bɛ bɛ́ asɛ a nɛ lɛa mà ǹ tá re nyɛ́ɛ biɛ bɛ-n sɛn.

Luku 20:13

Wurudɛnaa lɛ tɔ́n pɛ mà asɛ n die wàa zɛnɛɛ kəni? Asɛ a nɛgiĩ mɛn bɛ́ kɔɔ̃n asɛ-a parsiini, mà asɛ n die bɛ lɛ diɛ. Mà kɔntan, ǹ tá re nyɛ́ɛ biɛ bɛ-n sɛn.

Zaã a sɛ́wɔ 1:18

Min kɔ́n bin Lawa yɛ ka a yii-n wa, sɛnɛ, Nɛgiĩ goon toto kɛ lɛ Lawa lɛa, giã-n Díi Lawa din li, bɛ lɛ na á nyaa wɔ nɛ, wɔ dɔ̃.

Zaã a sɛ́wɔ 1:34

Ma din yii na á Yiri Fu lɛ yɛ gisĩ la, bɛ lɛ n toɛ ma tá a siére pii máa giĩ kɛ lɛ, Lawa a Nɛgiĩ ni.»

Zaã a sɛ́wɔ 3:16

«A giala Lawa kanaa narɛ parsiini, yǎa a ná a Nɛgiĩ kɔ, a Nɛgiĩ goon toto, màn mɛn bɛ́ toɛ, bɛ̀ min woo min golee li, ǹ dɛnaa baran bɔ̀n baa wa, sɛnɛ, a nyin nyabaã yɛ.