Matiə 21:15 - LAWA A BOO SONBORE

¹⁵ Lawa a wúlu-bɔlen goledɛnan laanka landa sii-daraalin bɛ́ ǹ nə́ Yezu yɛ á kaãbaa ǹ siin zɛnaa, nɛnyaanan kɛn dɔn nə́ n lɛ dii Lawa a kion ka a tɔ nɛ mà "ǹsɛn kii Davida tɔrɔ, mà a da ka a bǐɛ̃ nɛ", ǹ foo busu Yezu li.

LAWA A BOO SONBORE 2011

¹⁵ Lawa a wúlu-bɔlen goledɛnan laanka landa sii-daraalin bɛ́ ǹ nə́ Yezu yɛ á kaãbaa ǹ siin zɛnaa, nɛnyaanan kɛn dɔn nə́ n lɛ dii Lawa a kion ka a tɔ nɛ mà "ǹsɛn kii Davida tɔrɔ, mà a da ka a bǐɛ̃ nɛ", ǹ foo busu Yezu li.

Matiə 21:15 ပူးပေါင်းရင်းမြစ်များ

Izayii 26:11

Dɛnaa Lawa, n gɔn-munii n lon, ǹ yii ba a ganaa wa. Sɛnɛ, ǹ tá re n miãgoã-bɔ kɛ yii n zaman kɛa paǹ li, sìi á re ǹ kuĩ. N tɛ mɛn yɔrɔ bɔ n zɔ́ɔn wɔ lɛa, bɛ á re ǹ kuĩ.

Matiə 20:24

Kialandɛnaa fù gialakun lɛ bɛa boo lɛ ma lɔn, ǹ foo busu dɔɔ̃n min paa lɛ li.

Matiə 21:23

Yezu bɛ́ á wɔ Lawa a kion, a n minin darɛɛ, Lawa a wúlu-bɔlen goledɛnan laanka Zuifun goledɛnan nə́ n zɔ̃ ǹ nə́ dɔ a li, ǹ nə́ nɔ̀n da la: «Ma n bɛa siin kɛn lɛn zɛnɛɛ ka wàa pàã nɛ? Die na á bɛa pàã lɛ kɔ n la?»

Matiə 21:9

Min mɛnɛn bɛ́ Yezu nyɛɛnɛ, min mɛnɛn bɛ́ a kio, ǹ tumaa na á goã n lɛ dii ǹ nə́ pii: «Kii Davida tɔrɔ da ka n bǐɛ̃ nɛ! Min mɛn bɛ́ die ka wɔa Dɛnaa tɔ nɛ, Lawa die a barka wɔ a nɛ! Wɔsɛn tá fòo diɛ Lon a Lawa nɛ!»

Matiə 22:42

«Minin Nyin-sili lɛ, Lawa n die diɛ, kaa taasiɛ n ka wàa-n bɛ wɔ gɔn la? Die tɔrɔ nɛ?» Ǹ nə́ tɔ́n pɛ nɛ: «Kii Davida tɔrɔ nɛ.»

Matiə 26:3

Bɛa biikoo li, Lawa a wúlu-bɔlen goledɛnan laanka Zuifun goledɛnan kɔsɔn nə́ woo n lɛ sɔkɔn wúlu-bɔlen kiã Kayifu a sumu-n,

Matiə 26:59

Lawa a wúlu-bɔlen goledɛnan laanka kiri-kurulin gialakunun tumaa ga Yezu biɛ kɔ ǹ gɔn li, haalɛ ta a din ni kɔkɔrɔ lɔn, màn mɛn bɛ́ toɛ, ǹ dɛ a gã.

Matiə 27:1

Baayɛlɛ yiisoon ne, Lawa a wúlu-bɔlen goledɛnan tumaa nə́ n lɛ kaa kun ka Zuifun goledɛnan kɔsɔn nɛ, mà maǹ die Yezu dii a gã.

Matiə 27:20

Lawa a wúlu-bɔlen goledɛnan laanka Zuifun goledɛnan nə́ zaman lɛ gòãn sɔmɔ, mà ǹ Pilati nyankɔ a Barabaasi da, a Yezu dɛ.

Matiə 9:27

Yezu soo á n bɔ walan. A bɛ́ kiɛ̃ bǎã kɔ́n nɛ, yii tere-a min paa yoo, ǹ nə́ kɔ lɛ ka lɛ-dɛ nɛ, ǹ nə́ pii: «Kii Davida tɔrɔ, makara bɔ wɔsɛn ganaa!»

Marki 11:18

Lawa a wúlu-bɔlen goledɛnan laanka landa sii-daraalin bɛ́ ǹ nə́ bɛ ma, ǹ nə́ ga Yezu dɛ ǹ gɔn li. Ǹ nə́ goã nyɛ́ɛbiɛ nɛ, a giala, a daraa lɛ zaman lɛ din tumaa kũ.

Luku 20:1

Ǹ kɔ́n pinaa Yezu na á goã minin darɛɛ Lawa a kion. A na á goã Boo Tii Kɔɔ̃n kɛ pii. Wúlu-bɔlen goledɛnan nə́ daa ka landa sii-daraalin ni ka min golen ne,

Luku 22:2

Wúlu-bɔlen goledɛnan nɛ ka landa sii-daraalin man nə́ goã giɛ li ǹ Yezu kũ ka durii ni ǹ dɛ, a giala, maǹ nə́ goã nyɛ́ɛ biɛ zaman lɛ nɛ.

Luku 22:66

Lɛ̀ bɛ́ á waa, Lawa a wúlu-bɔlen goledɛnan laanka landa sii-daraalin mɛnɛn bɛ́ kiri-kurulin kuru lɛa, bɛn nə́ n lɛ sɔkɔn, ǹ nə́ woo ka Yezu ni ǹ kiri wɔ ǹ bǎã nɛ.

Zaã a sɛ́wɔ 11:57

Wúlu-bɔlen goledɛnan laanka Fariziɛ̃n man nə́ pɛ ǹ nə́ laa, mà bɛ̀ min mɛn nə́ Yezu bǎã dɔ̃, mà ǹ dɛnaa da a giala pɛ ǹsɛn manɛ, màn mɛn bɛ́ toɛ, ǹsɛn nə wo kũ.

Zaã a sɛ́wɔ 12:19

*Fariziɛ̃n nə́ tɔ́n pɛ kɔn nɛ mà haya! Mà ǹ yii bɛ́ a ganaa, mà ǹ ba re boe sii kɔ́n la wa. Mà min tumaa á ke toɛ̃ koe a kio lɛ!

Zaã a sɛ́wɔ 4:1

*Fariziɛ̃n nə́ ma minin lɛ-n, mà min gigiã á koe Yezu kio lɛ á la ZAÃ nɛ, a bɛ́ *batɛmu diɛ ǹ mɛnɛn ganaa, bɛn dɔn nə́ la ZAÃ wɔn manɛ.

Zaã a sɛ́wɔ 7:42

Mà Lawa a boo bie pii mà a n die kii Davida tɔrɔ biɛ, a yɛ Davida a kiwi Bɛtlehɛmu, wa ya?