Matiə 20:34 - LAWA A BOO SONBORE

³⁴ Ǹ makara Yezu kũ, á nɔmaa á n gɔn da ǹ yiin ganaa. A din bǎã-n gɔrɔ, ǹ yiin nə́ n bũ, ǹ nə́ kɔ Yezu kio lɛ.

LAWA A BOO SONBORE 2011

³⁴ Ǹ makara Yezu kũ, á nɔmaa á n gɔn da ǹ yiin ganaa. A din bǎã-n gɔrɔ, ǹ yiin nə́ n bũ, ǹ nə́ kɔ Yezu kio lɛ.

Matiə 20:34 ပူးပေါင်းရင်းမြစ်များ

Loen 119:67

Ma bɛ́ ma tɔn nɔmaa wa, man má goã siɛ̃ woe. Sɛnɛ kanna, man koe n da ǹ boon kɛn lɛ.

Loen 119:71

Maa nɔmaa kɛ din na á bǐɛ̃ baa ma ganaa. Á ke á toa má n foo siin dɔ̃.

Loen 145:8

Dɛnaa Lawa din nə Lawa bǐɛ̃ lɛa, a tá min makara doɛ̃. A foo a yui fufuu wa, kɔn-narɛɛ ná a foo pã.

Matiə 14:14

Yezu bɛ́ á soo tà kuru ǹ goo lɛ nɛ, á zaman gigiã yɛ. Bɛa minin lɛn makara bɔ a ganaa, á yoo á ǹ busulən kaka kɔ.

Matiə 15:32

Yezu ná a kialandɛnan bíi, á pɛ ǹ nɛ: «Minin kɛn makara á boe masɛ ganaa, a giala ǹ lɛawaa sɔɔ n ke kun ka masɛ nɛ, sɛnɛ, màn kɔ́n banban doo ǹ tá re bii wa. Ma ba li ma ǹ toa ǹ wo ka ǹ gɔ́ɔ̃ kooro-n wa, ǹ tá re kerekaɛ̃ zii la.»

Matiə 20:33

Ǹ nə́ tɔ́n pɛ Yezu ni: «Wɔ n giɛ li n wɔ yiin bũ.»

Matiə 21:1

Ǹ bɛ́ ǹ nə́ diri Zeruzalɛmu la, ǹ bɛ́ Bɛtfazee kiwi, kunu *Olivie dan kele ganaa, Yezu ná a kialandɛnaa min paa dia a nyɛɛnɛ, á pɛ ǹ nɛ: «Kiwi mɛn bɛ́ ka nyɛɛnɛ, ka wo walan. Bɛ̀ ka dɔ lɔn gɔrɔ, ka tá re dundun dan yii doa nɛ, a nɛ banɛɛ n kun ni. Ka ǹ fore ka da ǹ kɔ ma la.

Matiə 8:15

Yezu ná a gɔn kũ, a gɔ̀nɔn wɛɛ̃ lɛ nya. Bɛ kio á yoo, á màn-bii zɛnaa á kɔ Yezu la.

Matiə 9:29

Yezu nɔmaa á n gɔn da ǹ yiin ganaa, á pɛ ǹ nɛ: «A n zɛnaa ka nɛ, a kɔnpɛ ka kaa golee masɛ li ni!»

Matiə 9:36

Bɛ̀ á zaman mɛn yɛ, minin lɛn makara n kuĩ, a giala maǹ nɔmaa nɛ, ǹ foo n ziziɛ̃ nɛ, ka sèren mɛnɛn bɛ́ lɛduə̃li ná a ba ǹ la wa.

Marki 7:33

Yezu tɔ́n giĩ lɛ dinsɔɔ̃ kũ, á n zɔ̃ á n bɔ zaman ganaa, á n gòonən wɔ a toon ne, á sɛ̀ kaa, á n gɔn da a lɛwɔn ganaa.

Luku 18:43

A din bǎã-n gɔrɔ, a yii boo la á wɔlɔ yɛ, á goã koe Yezu lɛ bɛ̀ a n Lawa tɔ boe. Zaman lɛ tumaa bɛ yɛ, ǹ dɔn nə́ yoo ǹ nə́ barka diɛ Lawa nɛ.

Luku 22:51

Sɛnɛ, Yezu boo saa á pɛ kɛnɛn: «Ka golee ka kiĩni.» Á n gɔn da giĩ lɛ too lɛ ganaa, á da a bǎã nɛ.

Luku 7:13

Yezu bɛ́ á lɔ lɛ yɛ, a makara kũ, á pɛ lɔ lɛ nɛ: «N baran wuu pɛ doo wa.»

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Ebrəə 2:17

Bɛ lɛ na á toa, á n din baa ka n dɔɔ̃n minbuiin nɛn bɛ́ lɔn yɔrɔ tumaa la, màn mɛn bɛ́ toɛ, a n baa wúlu-bɔlen kiã lɛa, á n makara doɛ̃ a dí kɛ nɛ Lawa yɔrɔ-a, a minin sii baraa tuturu.

Piɛrɛ1 3:8

Bɛ din tumaa kio, ka toa kaa taasiɛn nə goã goon, ka toa ka sii dɔ̃ kɔn la. Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka makara bɔ kɔn ganaa, ka ka dinin boɛɛn kɔ kɔn nɛ.