Matiə 20:30 - LAWA A BOO SONBORE

³⁰ Yii tere-a min paa kɔ́n nə́ goã giã-n tán-a zii para-a. Ǹ bɛ́ ǹ nə́ ma mà Yezu n kiɛ̃, ǹ nə́ yoo ǹ nə́ n lɛ dɛ a ganaa: «Dɛnaa, kii Davida tɔrɔ ganaa, makara bɔ wɔsɛn ganaa!»

LAWA A BOO SONBORE 2011

³⁰ Yii tere-a min paa kɔ́n nə́ goã giã-n tán-a zii para-a. Ǹ bɛ́ ǹ nə́ ma mà Yezu n kiɛ̃, ǹ nə́ yoo ǹ nə́ n lɛ dɛ a ganaa: «Dɛnaa, kii Davida tɔrɔ ganaa, makara bɔ wɔsɛn ganaa!»

Matiə 20:30 ပူးပေါင်းရင်းမြစ်များ

Loen 146:8

Dɛnaa Lawa n yii tere-an yii buĩ. A din nə talaa wolen kuĩ ǹ koɛ lon. A n min peperen narɛ.

Izayii 29:18

Bɛa pinaa boo mɛn bɛ́ kiɛ̃-n sɛ́wɔ kɛ nɛ, too tere-an tá re bɛ miɛ. Yii tere-an tá re soe tèlò-n wɔlɔ tì li, ǹ yii n wɔlɔ yii foaã nɛ.

Izayii 42:16

Yii tere-an bɛ́ ǹ ba zii mɛn doɛ̃ wa, man diɛ ǹ kiɛ bɛ la. Man die ǹ kiɛ tɔ wɔ ganaa zii la, zii mɛn bɛ ǹ ba doɛ̃ wa. Man die tèlò bɔyɛɛ ma baa wɔlɔ fúlu lɛa ǹ nyɛɛnɛ. Ǹ bɛ́ n gòã niɛ̃ màn mɛn ganaa, man bɛ boe ma bɔ ǹ nyɛɛnɛ. Ma sii mɛn taasɛ, a din nə ke. Ma a re wusii ma kio-n wa.

Izayii 42:18

Kasɛn, too tere-an lɛn, ka n too kɔ! Kasɛn yii tere-an lɛn, ka n yii bũ, ka yii wɔlɔ yɛ!

Izayii 59:10

Wɔ ǹ tɔ we ka yii tere-an bɛ́ lɔn, wɔ nə n gɔnɔn tatalɛɛ kigiala gɔ̀nɔn ganaa. Wɔ ǹ woe wɔ mìi gialaa ka min mɛn bɛ́ a yii ná a banban. Penleen, wɔ nə n gòã niniɛ̃ ka tèlò bɛ́ lɔn. Wɔ ǹ kakabaa la, sɛnɛ, wɔ ǹ wɔ kɔnbɔ ka geren ne.

Matiə 13:4

A bɛ́ màn tɔrɔ lɛ pɛsɛ̃, ǹ kɔ́n mɛnaa zii lɛkoro-a. Bàanan nə́ daa ǹ nə́ mui.

Matiə 15:22

Kanaan lɔ goon dɔ goã giã-n walan, á daa Yezu li á n lɛ dɛ a ganaa: «Mìinaa, kii Davida tɔrɔ, makara bɔ masɛ ganaa! Nɔ̀ɔnɔn man maa nɛlɔ ganaa, a giã ǹ gɔn ba siĩn duduu wa!»

Matiə 20:31

Zaman lɛ yoo ǹ gialaa, màn mɛn bɛ́ toɛ, ǹ nə n lɛ tã. Sɛnɛ, ǹ nə́ wusoo ǹ nə́ màn da ǹ lɛ-dɛ li: «Dɛnaa, wɔsɛn kii Davida tɔrɔ lɛɛ, makara bɔ wɔ ganaa!»

Matiə 21:14

Yii tere-an kɔnɔn laanka bɔlɔka tɔrɔ kɔsɔn nə́ n zɔ̃ ǹ nə́ dɔ Yezu li Lawa a kion, Yezu nə́ ǹ busu nya.

Matiə 21:9

Min mɛnɛn bɛ́ Yezu nyɛɛnɛ, min mɛnɛn bɛ́ a kio, ǹ tumaa na á goã n lɛ dii ǹ nə́ pii: «Kii Davida tɔrɔ da ka n bǐɛ̃ nɛ! Min mɛn bɛ́ die ka wɔa Dɛnaa tɔ nɛ, Lawa die a barka wɔ a nɛ! Wɔsɛn tá fòo diɛ Lon a Lawa nɛ!»

Matiə 22:42

«Minin Nyin-sili lɛ, Lawa n die diɛ, kaa taasiɛ n ka wàa-n bɛ wɔ gɔn la? Die tɔrɔ nɛ?» Ǹ nə́ tɔ́n pɛ nɛ: «Kii Davida tɔrɔ nɛ.»

Marki 10:46

Yezu laanka a kialandɛnan nə́ dɔ Zerikoo kiwi. Ǹ bɛ́ soe Zerikoo ǹ mɛn waáraa kun ka zaman gole ne, bɛ̀ yii tere-a goon tá giã-n tán zii para-a nyankoe: Tiimee a nɛgiĩ Bartimee ne.

Luku 4:18

Dɛnaa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ,

Luku 7:21

A din biikoo lɛ gɔ́ɔ̃ nɛ Yezu min gigiã a busu nya, á bɔlɔkan kaka kɔ, á nɔ̀ɔn baraan loo, á yii tere-a gigiã yii bũ.

Nya ǹ dín 2:30

Sɛnɛ, Davida na á goã Lawa a boo gii-dali lɛa, á dɔ̃ mà Lawa nə́ n liɛ asɛ nɛ ka sonbore tumaa nɛ, mà á re a tɔrɔ min boe a nɛnyaanan bii, a koa a kii dankan la.