Matiə 20:28 - LAWA A BOO SONBORE

²⁸ Min a Nɛgiĩ dinmaa kɛ lɛ na á daa miɛ̃, a bie á daa mà minin nə dí nya asɛ-n wa, sɛnɛ, a na á daa dí nya minin manɛ, á n din nyin kɔ minbuiin tumaa nyin si ǹ giɔ̀mɔ lɛa.»

LAWA A BOO SONBORE 2011

²⁸ Min a Nɛgiĩ dinmaa kɛ lɛ na á daa miɛ̃, a bie á daa mà minin nə dí nya asɛ-n wa, sɛnɛ, a na á daa dí nya minin manɛ, á n din nyin kɔ minbuiin tumaa nyin si ǹ giɔ̀mɔ lɛa.»

Matiə 20:28 ပူးပေါင်းရင်းမြစ်များ

Zɔbu 33:24

á makara bɔ a ganaa, á pɛ Lawa nɛ, mà a nyan toa a wo yala-n wa, mà asɛ ná a nyin si ǹ giɔ̀mɔ yɛ,

Loen 49:7

Min mɛnɛn bɛ́ n foo doɛ ǹ gɔn màn ganaa, min mɛnɛn bɛ́ n dinin koɛ ǹ pàãmabaa ǹ màn gigiã a lɛa, bɛ n wàa mɛn nyɛ́ɛ diɛ ma ganaa?

Izayii 53:5

Sɛnɛ, wɔ dinin siɛ̃n taman yii ni, ǹ nə́ dɛ ǹ nə́ busu da a ganaa. Wɔa sii baraan taman yii, ǹ nə́ yɔyɔrɛ. Dɔlɔ mɛn bɛ́ là nyantoro koe wɔ la bɛ na á mɛ asɛ la. A busulɛn taman yii, wɔsɛn man kakabaa yii.

Izayii 53:8

Ǹ nə́ kũ, ǹ nə́ kiri wɔ a ganaa, ǹ nə́ dɛ. Sɛnɛ, a din a waáraa minin bii, die na á n yiri kɔ bɛ li. Sonbore, maǹ nə́ dɛ ǹ nə́ bɔ yiikoonaan bii. Ǹ nə́ dɛ á gã, a zaman a sii baraan taman yii.

Matiə 20:27

Bɛ̀ min mɛn dɔ tá ka bii, a n giɛ nyɛɛnaandɛnaabaa li, yǎa ǹ dɛnaa nə n din biɛ kaa bɛ̀rɛ lɛa.

Matiə 26:28

kɛ n masɛ mà lɛa, á kaa minbuiin tumaa a lɛa, màn mɛn bɛ́ toɛ, Lawa nə ǹ sii baraan toa ǹ nɛ. A n nyɛɛ mà Lawa lɛ kɔ kɔn la wɔ ka minbuiinin ni.

Matiə 8:20

Yezu tɔ́n pɛ nɛ: «Tolokan yalan tan, bàanan kii tan, sɛnɛ, bǎã kɔ́n ba Min a Nɛgiĩ lon á n mìi susui a-n wa.»

Marki 10:45

A giala Min a Nɛgiĩ dinmaa kɛ lɛ bie á daa mà minin nə dí nya-n wa, sɛnɛ, a na á daa di nya minin manɛ, á n din nyin kɔ minbuiin tumaa nyin si ǹ giɔ̀mɔ lɛa.»

Marki 14:24

Yezu tɔ́n pɛ ǹ nɛ: «Masɛ mà n ka kɛ nɛ, á kaa minbuiin tumaa a kirisibaa a lɛa, á n nyɛɛ mà Lawa lɛ kɔ kɔn la wɔ ka minbuiinin ni.

Luku 22:27

Ka dinin kánaa, man nɔ̀n diɛ ka la, min paa kɛ bii die n gole: Min mɛn bɛ́ tán màn bii, hinlaa min mɛn bɛ́ màn lɛ siɛ koe a biili la? Giã tán a màn-biili lɛ bie gole wa? Sɛnɛ, masɛ n ka bii, ka dí-nyali bɛ́ lɔn!

Rɔmu minin 4:25

A na á toa Yezu lɛ gã, màn mɛn bɛ́ toɛ, a wɔa sii baraan tuturu. A na á ná a yii kaa á bɔ geren bii, màn mɛn bɛ́ toɛ, a wɔa zɛ̀rɛn nya, wɔ boo la, wɔ n baa min peperen lɛa a din yɔrɔ-a.

Korɛnti2 8:9

A giala, ka á wɔa Dɛnaa Yezu *Krita a bǐɛ̃baa ǹ gɔn doɛ̃: asɛ mɛn bɛ́ pàãma lɛa, á n din baa doobaa lɛa kaa lɛa, a boo la a kasɛn baa pàãman lɛa, ka a doobaabaa lɛ nɛ.

Galaasi minin 3:13

Koe mɛn goã wɔ mìi-n dí-pɛn lɛ-tii a lɛa, Krita na á wɔ kirisibaa bɛ lɛ ganaa. A giala, koe bɔ a dinmaa lɛ ganaa wɔ a lɛa. Ka Lawa a sɛ́wɔ bɛ́ á pɛ lɔn: «Bɛ̀ ǹ nə́ min mɛn gere da da la, koedɛnaa n ka bɛ nɛ.»

Efɛɛzi minin 1:7

Krita na á wɔ si bɛ̀rɛbaa la ka a din mà nɛ. A din na á toa wɔa sii baraan nə́ n toa wɔ nɛ. Lawa a bǐɛ̃baa lɛ á gole!

Efɛɛzi minin 5:2

Ka goã kɔn-narɛɛ gɔ́ɔ̃ nɛ, ka *Krita din bɛ́ á wɔ narɛ lɔn, yǎa á n din kɔ wɔ a lɛa, *wúlu màn gìĩ kɔɔ̃n-a lɛa, á n kɔɔ̃n Lawa ganaa.

Timote1 2:6

Asɛ lɛ na á n din kɔ minbuiin tumaa nyin si ǹ giɔ̀mɔ lɛa. A na á bɛ zɛnaa á kɔnpɛ ka a biikoo ne.

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.

Ebrəə 2:10

Sonbore, Lawa din na á màn tumaa zɛnaa, a din dɔ n màn tumaa tamaɛ. A na á goã giɛ li, mà a nɛnyaan gigiã dɔ a din a kiibaa guguru bǎã kɛ nɛ. Bɛ lɛ nɛ á zɛnaa, Yezu mɛn nə ǹ nyɛɛnaan bɔ kirisibaa ǹ zii lɛ la, bɛa sii tumaa lɛ pã fuu gɔ́ɔ̃ nɛ. Bɛ na á kɔnpɛ ka Lawa din sɔ̀n nɛ.

Ebrəə 5:8

A laanɛ á goã Lawa a Nɛ lɛa, a na á n daraa Lawa bɔlɔ sii ganaa a nɔmaa ǹ siin gɔ́ɔ̃ nɛ.

Ebrəə 9:28

Bɛa yɔrɔ kɛ lɛ dɔ la, Krita na á n din kɔ gunyin goon toto, màn mɛn bɛ́ toɛ, a min tumaa a sii baraan nya. A bɛ́ re wusii a daa doo ke, a bie re sii kɔ́n zɛnɛɛ sii baraa wɔ gɔn la doo wa. Min mɛnɛn bɛ́ n yii diɛ la kirisibaa a lɛa, a n die bɛn lɛa.

Piɛrɛ1 2:24

Krita na á n din kɔ, á wɔa sii baraan gũ gɔn ganaa, màn mɛn bɛ́ toɛ, wɔsɛn mɛnɛn dɔn bɛ́ ka geren bɛ́ lɔn kanna, sii baraan wɔ a paǹ li, wɔ boo la wɔ peperebaa ǹ dí nya. Asɛ a màbɔmaa busulɛn man nə́ wɔsɛn wɔn nya.

Piɛrɛ1 3:18

Sonbore, Krita dinmaa lɛ na á gã minbuiinin sii baraan lɛa, gunyin goon toto. Asɛ pepere lɛ gã, ka minbuiin bɛ́ lɔn, min pepere baãnaan lɛa, sɛnɛ, a yii wusoo á kaa á n bɔ geren bii ka Yiri Fu barka nɛ, màn mɛn bɛ́ toɛ, a ka nyaa Lawa nɛ.

Zaã1 2:2

A din na á n din baa *wúlu màn lɛa, ń giɛ, wɔsɛn sii baraan tá n toɛ wɔ nɛ. Wɔsɛn dininsɔɔ̃nɔn wɔn lɛa bie wa, sɛnɛ kanaa din tumaa wɔn lɛa nɛ.

Sii-nyaan 1:5

Yezu lɛ n siére sonbore lɛa, a din yii na á kaa bibinaa nɛ á n bɔ geren bii, a n kanaa a kiin tumaa mìi la. Min mɛn bɛ́ a wɔ narɛ, a din na á wɔ si wɔa sii baraan la ka a gɛ̀ nɛ.