Matiə 20:21 - LAWA A BOO SONBORE

²¹ Yezu tɔ́n nɔ̀n da la: «Ma n giɛ wàa li?» Á tɔ́n pɛ nɛ: «Bɛ̀ n dɔ n kiibaa lɛ nɛ ǹ mɛn waáraa, masɛ a nɛnyaan min paa ke bii-a, lɛ kɔ goon nə giã n gusin, goon nə giã n gɔsɛ.»

LAWA A BOO SONBORE 2011

²¹ Yezu tɔ́n nɔ̀n da la: «Ma n giɛ wàa li?» Á tɔ́n pɛ nɛ: «Bɛ̀ n dɔ n kiibaa lɛ nɛ ǹ mɛn waáraa, masɛ a nɛnyaan min paa ke bii-a, lɛ kɔ goon nə giã n gusin, goon nə giã n gɔsɛ.»

Matiə 20:21 ပူးပေါင်းရင်းမြစ်များ

Kiin1 2:19

Bati-Seebaa woo kii Salomɔn li, á n die boo diɛ nɛ Adoniya wɔ paǹ li. Kii lɛ yoo á woo n da lɛ, á kaa tán ǹ dan lɛ giulun. Bɛ kio, á giã a kii dankan la. Ǹ nə́ dankan lɛ a kɔsɔ da tán kii lɛ gusin ǹ dan wɔ lɛa, á giã la.

Kiin1 3:5

Gabawɔ̃ lɛ nɛ, Dɛnaa Lawa nə́ n din nyaa Salomɔn nɛ ka narɛɛ nɛ tèlò-n. Lawa pɛ nɛ: «Ma n giɛ li ma wàa n màn kɔ n la?»

Loen 110:1

Davida a loe goon ne. LOE ne. Dɛnaa Lawa na á pɛ maa dɛnaa lɛ nɛ kɛnɛn: Giã ma gusin, yǎa ma gɔ̀lɔ̀baa lɛ piɛ̃ koe n la, n zɔ́ɔn la, ǹ die kiɛ tán n gòãn giulun.

Loen 45:9

N mɔnaa tumaa n *miíri nyɔɔ gìĩ kɔɔ̃n-a lɛa. N kiibaa ǹ kion ke, ǹ ná a nyaǹ kɔ ka don a díi sɔ nɛ, bɛ̀ dɛ ǹ mànan wuu n boe walan, n foo kɔɔ̃n koe.

Zeremii 45:5

Sɛnɛ nsɛ n nɔ̀n diɛ sii dadaran li n din wɔ lɛa! N nyan màn kɔn nyankɔ wa. Á ke, man koe boe màn yiikoonaa tumaa ganaa, Dɛnaa Lawa a da ǹ boo ne. Sɛnɛ nsɛ, n bɛ́ re màn mɛn yii, bɛ á ke: N bɛ́ re woe bǎã woo bǎã nɛ, n yii á re goɛ̃ koo.

Matiə 18:1

Bɛa biikoo li, Yezu a kialandɛnan nə́ n zɔ̃ ǹ nə́ dɔ a li, ǹ nə́ nɔ̀n da la: «Lon a kiibaa ǹ bǎã nɛ, die n gole á la ǹ miãn manɛ?»

Matiə 19:28

Yezu tɔ́n pɛ ǹ nɛ: – Masɛ n pii ka nɛ sonbore: Bɛ̀ Min a Nɛgiĩ giã a gugurubaa ǹ kii dankan la, kasɛn min fulupaa mɛn kɔ ma kio lɛ, ka dɔn tá re giɛ̃ kii dankanan la, ka kiri wɔ Izirayeli tɔrɔ fulupaa kɛ lɛ ganaa.

Matiə 20:22

Yezu tɔ́n pɛ: «Ka bɛ́ màn mɛn nyankoe, ka a doɛ̃ wa. Masɛ bɛ́ re là-paparɛɛ mɛn yii, ka tá re boe la ka bɛ si ka ganaa?» Ǹ nə́ tɔ́n pɛ Yezu ni: «Wɔsɛn tá boe la.»

Matiə 20:32

Yezu golee, á lɛ dia ǹ la, á tɔ́n pɛ ǹ nɛ: «Ka n giɛ li ma wàa zɛnaa ka nɛ?»

Marki 10:51

Yezu tɔ́n nɔ̀n da la: «Ma n giɛ li ma wàa zɛnaa n nɛ?» Yii tere-a lɛ ná a lɛ si kɛnɛn: «Mìinaa, ma yii bũ a wusoo a wɔlɔ yɛ.»

Marki 16:19

Wɔa Dɛnaa Yezu bɛ́ á boo da á nya ǹ mɛn waáraa, Lawa saa á woo-n lon ne, á woo giã a din gusin.

Marki 6:22

Erɔdiadi a nɛlɔ wɔ ǹ bii walan, á bɛ̀ baa, bɛ́ kɔɔ̃n kɔ Erɔdi laanka a min mɛnɛn bíi màn-bii ganaa. Erɔdi tɔ́n pɛ nɛniɛ lɛ nɛ mà a bɛ́ màn mɛn li, mà a pɛ asɛ nɛ, mà asɛ á die koe la.

Luku 18:41

mà a n giɛ li asɛ wàa zɛnaa nɛ? A ná a lɛ si: «Mìinaa, masɛ yii bũ a wusoo a wɔlɔ yɛ.»

Luku 19:11

Yezu bɛ́ á diri Zeruzalɛmu la, minin bɛ́ n too koe bɛa boon kɛn lɛn-a, ǹ nə́ taasɛ mà Lawa kiibaa lɛ n die die sisia gɔrɔ. Yezu boo giməə goon kɔsɔ da.

Luku 22:24

Kialandɛnaa fulupaa lɛ yoo, ǹ nə́ liere koe, mà ǹsɛn man giɛ li, ǹ dɔ̃ mà die n siĩni a goã gole ǹsɛn bii.

Zaã a sɛ́wɔ 15:7

Bɛ̀ ka tá doa-n kɔn ka masɛ nɛ, bɛ̀ maa boon kɛn dɔn tá ka foo ne, ka bɛ́ màn mɛn li, ka a nyankɔ, ka á re yii.

Nya ǹ dín 1:6

Ǹ lɛ bɛ́ soe-n kɔn, ǹ nə́ nɔ̀n da la: «Dɛnaa, ma n die wusii n Izirayeli gána a kiibaa lɛ koa sisia ya?»

Rɔmu minin 12:10

Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka n zɔɔ̃ kɔn ka kɔn guguru kɔ nɛ.

Rɔmu minin 8:34

Die n boe la kəni, a dɔlɔ da ǹ mìi ni? Min kɔ́n, a giala, Yezu Krita na á gã, ka bɛ dɔ nɛ a yii kaa, á giã-n Lawa gusin, á n Lawa nyankoe wɔ a lɛa.

Kolɔɔsi minin 3:1

Haya, ka laanka *Krita yii bɛ́ á kaa kun, ka toa ka ga lon mànan li, Krita din bɛ́ giã-n bǎã mɛn nɛ, Lawa gusin.