Matiə 20:15 - LAWA A BOO SONBORE

¹⁵ Bɛ̀ ma tá li ma sii mɛn zɛnaa ka ma din a wɔrɔ nɛ, ma a boe la ma bɛ zɛnaa-n wa? Ma nə n yii baraa boe ma li sii sonbore zɛnaa lɛ taman yii!»

LAWA A BOO SONBORE 2011

¹⁵ Bɛ̀ ma tá li ma sii mɛn zɛnaa ka ma din a wɔrɔ nɛ, ma a boe la ma bɛ zɛnaa-n wa? Ma nə n yii baraa boe ma li sii sonbore zɛnaa lɛ taman yii!»

Matiə 20:15 ပူးပေါင်းရင်းမြစ်များ

Bɔ bɛ̀rɛbaa nɛ 33:19

Dɛnaa lɛ tɔ́n pɛ: – Man die kiɛ̃ n yɔrɔ-a, ma maa bǐɛ̃ kɛ tumaa nyaa n nɛ, ma ma din tɔ pɛ n nɛ: «Dɛnaa.» Bɛ̀ min mɛn kɔɔ̃n kɔ masɛ ganaa, man makara boe bɛ ganaa, man din nyaa nɛ. Bɛ lɛ nɛ, má makara bɔ n ganaa, má n din nyaa nɛ.

Suusun 23:6

Min mɛn foo bɛ́ wuu pii ǹ miãn li, n nyan màn-bii kun ni wa. Ń yii nyan bɔ a màn-bii kɔɔ̃n li wa.

Suusun 28:22

Min mɛn bɛ́ baa sii naforo kio, a ba doɛ̃ mà doobaabaa á re yii wa.

Zeremii 18:6

«Izirayeli minin lɛn, ma dɔ n ma a boe la ma sii zɛnaa ka nɛ ka dɔn-bɔle kɛ bɛ́ lɔn wa? Kasɛn Izirayeli minin lɛn, ka ǹ ma gɔn ka gì bɛ́ dɔn-bɔle gɔn lɔn. Ma din Dɛnaa Lawa a da ǹ boo ne.

Matiə 11:25

A din waáraa kɛ lɛ nɛ, Yezu pɛ: «Ma Di Lawa ganaa, lon laanka tán a Dɛnaa, masɛ n barka diɛ n nɛ. A giala n din ni ń siin kɛn duru sii-dɔ̃lin laanka yiridɛnan la, ń nyaa baãnaanan manɛ.

Matiə 20:14

N wɔ si n woo. Ma màn mɛn kɔ n la, a na á kɔɔ̃n kɔ ma-a ma bɛ lɛ miã kɔ a dɔ la.

Matiə 6:23

Sɛnɛ, bɛ̀ min yii nàn ba siĩn wa, a gɔ̀nɔn din tumaa n wɔlɔ tì li. Bólon mɛn bɛ́ n ganaa, bɛ̀ bɛa wɔlɔ fúli wa, ma n wɔlɔ tì gole li.

Marki 7:22

naarɛbaa nɛ, yii a bɔ min kɔsɔ gɔn màn li ni, baraabaa nɛ, din kũ-doɛ̃baã nɛ, minin bebele ne, foo a wuu pɛ nɛ, min kɔsɔ tɔ ziziɛ̃ nɛ, din gole kɔ nɛ, ka baãnaabaa nɛ.

Zaã a sɛ́wɔ 17:2

N din nə́ n pàã kɔ masɛ la minbuiinin tumaa mìi la. A kɔnpɛ ka bɛ lɛ nɛ, n min mɛn tumaa kɔ masɛ la, má nyin nyabaã kɔ bɛn lɛn la.

Nya ǹ dín 13:45

Zuifun bɛ́ ǹ nə́ bɛa zaman kɛ lɛ yɛ, busii wɔ ǹ foo-n parsiini, ǹ ná a giala kɔ ǹ tá Pooli a boo tumaa lɛ sii ka sɔ nɛ.

Korɛnti1 4:7

Wàa nə n laanka n miãn bɔ kɔn lɛ lɛa? Màn mɛn tumaa bɛ́ yii n lon, Lawa bie á kɔ n la wa? Bɛ̀ á miɛ̃, wàa na á baa n tá n din koɛ nɛ, ka n pɛ mà ǹ bie ǹ nə́ kɔ n dɔ la wa?

Efɛɛzi minin 1:11

Wɔa tá kun Krita-n lɛ gɔ́ɔ̃ nɛ, Lawa nə n lɛ kɔ a minin la ka màn mɛn nɛ, wɔ dɔn nə́ wɔa wɔ gii yɛ. Bɛ na á kɔnpɛ ka a din a sii yɔrɔ bɔ a koa nɛ. A giala, a din nə sii tumaa zɛnɛɛ á kɔnpii ka a din foo sii ni. Lawa din na á saa lɛlɛ á wɔ bɔ,

Efɛɛzi minin 2:1

Lɛlɛ, ka ǹ ká goã geren lɛa Lawa wɔ paǹ li, kaa sã ǹ siin lɛa, ka kaa sii baraan nɛ.

Efɛɛzi minin 2:5

Bɛ lɛ nɛ, wɔ bɛ́ geren lɛa wɔa sã ǹ siin lɛa ǹ mɛn waáraa, a din na á wusoo á yiikoonaabaa kɔ wɔ la kun ka *Krita nɛ. Lawa a bǐɛ̃baa a lɛa nɛ ká kirisibaa.

Timəə dí-pɛn 15:9

Haya! Ka yiri bɔ, ka nyan toa ka taasiɛ kooron wɔ ka pɛ mà lɛ̀ sɔbaabaa ǹ wɔ lɛ, giɔ̀mɔ toa ǹ lɛ̀ lɛa, mà bɛ́ dɔ á nya wa. Ka baran n saa bɛa taasiɛ kɛ li, ka n yii baraa bɔ ka dɔɔ̃n doobaa li, ka nu ka màn nɛ wa. Bɛ̀ ká bɛ zɛnaa, bɛ̀ a n lɛ dɛ Dɛnaa Lawa ganaa, a n die sii baraa biɛ ka mìi ni.

Timəə dí-pɛn 28:54

Ka bii, giĩ mɛn bɛ́ min sonbore lɛa a n makara doɛ̃, bɛ n die n yii baraa boe a din dɔɔ̃nɔn li, a din gòã li ǹ lɔ nɛ ka a din a nɛgiĩn mɛnɛn nə́ ke á ǹ koa.

Zaaki 1:18

A na á kɔɔ̃n kɔ Lawa ganaa, a yiikoonaabaa dii kɔ wɔ la ka boo sonbore kɛ barka nɛ, màn mɛn bɛ́ toɛ, a bɛ́ re min kɔsɔn mɛnɛn dɔn yii miɛ̃, wɔ bɛn nyɛɛnaandɛnan baa.

Zaaki 5:9

Ma dɔɔ̃nɔn lɛn, ka nyan kiri da kɔn la wa, màn mɛn bɛ́ toɛ Lawa baran kiri wɔ ka ganaa wa. Min mɛn bɛ́ kiri kuri, bɛa daa dɔ á nya.