Matiə 2:11 - LAWA A BOO SONBORE

¹¹ Ǹ nə́ wɔ kion lɛ nɛ, ǹ nə́ nɛ lɛ laanka ǹ dan Mariya yɛ. Ǹ nə́ kaa tán-a, ǹ nə́ nɛ lɛ guguru kɔ. Bɛ kio, ǹ nə́ ǹ mànan lɛ bũ ǹ nə́ gɔ ka sana nɛ, ka da yon gìĩ kɔɔ̃n laanka *miíri nyɔɔ gìĩ kɔɔ̃n nɛ, ǹ tumaa giɔ̀mɔ n kaka parsiini.

LAWA A BOO SONBORE 2011

¹¹ Ǹ nə́ wɔ kion lɛ nɛ, ǹ nə́ nɛ lɛ laanka ǹ dan Mariya yɛ. Ǹ nə́ kaa tán-a, ǹ nə́ nɛ lɛ guguru kɔ. Bɛ kio, ǹ nə́ ǹ mànan lɛ bũ ǹ nə́ gɔ ka sana nɛ, ka da yon gìĩ kɔɔ̃n laanka *miíri nyɔɔ gìĩ kɔɔ̃n nɛ, ǹ tumaa giɔ̀mɔ n kaka parsiini.

Matiə 2:11 ပူးပေါင်းရင်းမြစ်များ

Siin Giala 43:11

Ǹ di Zakɔba lɛ tɔ́n pɛ: «Bɛ̀ á miɛ̃, ka gána lɛ a da nɛ sonbore kɔ́n na, ka kaa kaa mànan nɛ, ka wo giĩ lɛ gɔ nɛ. Ka wo ka da gon giĩ kɔɔ̃n kɔnɔn nɛ, ka zoo nyɔɔ nɛ, ka pistaasi laanka amandie nàn nɛ.

Kiin1 10:10

Á bǐɛ̃ baa kii Salomɔn lɛ la ka sana tɔnɔ sɔɔ ka talɛɛ nɛ, ka nyɔɔ gìĩ kɔɔ̃n gigiã laanka kɔlɔ giɔ̀mɔ kaka-an nɛ. Saabaa gána a kii lɔ lɛ nyɔɔ gìĩ kɔɔ̃n gigiã mɛn kɔ Salomɔn la, a bin bɛ miã yɛ duduu doo wa.

Kiin1 10:2

A na á daa Zeruzalɛmu ka zaman gole ne a kio. Nyɔɔmaan nə́ goã kun ni, nyɔɔ gìĩ kɔɔ̃n nə́ ǹ dɔ̀ɔ̃ nɛ, ka sana didi laanka kɔlɔ giɔ̀mɔ kaka-a nɛ. A bɛ́ á dɔ Salomɔn li, màn mɛn din tumaa goã a gɔ́ɔ̃ nɛ, á bɛ yii pɛ nɛ.

Loen 2:12

Ka a nɛgiĩ lɛ guguru kɔ. Bɛ bie wa, bɛ̀ a foo yoo, ka laan bɛ̀ ka dɔ̃, bɛ̀ bɔ̀n ka yɛ. A giala, a foo á re yui fufuu. Min mɛnɛn bɛ́ kiɛ Dɛnaa yele, bɛn foo á re kɔɔ̃n koe.

Loen 45:8

Peperebaa n kɔɔ̃nɛ n ganaa, n ba sii baraa li wa. Bɛ lɛ na á toa, Lawa lɛ, n Lawa lɛa, bɛ nə́ n soɛ kɔ n miãn tumaa nɛ. Á zɔ́n nyɔɔ kaa n mìi ni, á n bɔ á n koa kii lɛa.

Loen 72:10

Tarsisi kiwi laanka gánan mɛnɛn bɛ́ mu bii, bɛn kiin tá re min gɔ ǹ mànan diɛ la. Saabaa laanka Seebaa gánan kiin tá re màn boboe, ǹ kɔ la.

Loen 72:15

Lawa die a nyin sasa kɔ kii lɛ la. Ǹ tá re Saabaa gána a sana koe la, a gɔ ǹ màn lɛa. Ǹ tá re Lawa nyankoe a lɛa biikoo tumaa li, ǹ Lawa bǐɛ̃ bíi li baraabaraa.

Loen 95:6

Ka daa wɔ wɔ, wɔ kaa tán, wɔ a guguru kɔ, wɔ n musin koa tán Dɛnaa Lawa lɛ yɔrɔ-a. A din na á wɔ zɛnaa.

Bɔ bɛ̀rɛbaa nɛ 30:23

– Ga nyɔɔn li, ǹ goã nyɔɔ tɔrɔ sonboren lɛa, màn ná a ba ǹ nyɛɛn nyɔɔ lɛa wa. N ga nyɔɔ tɔrɔn kɛn li: *miíri nyɔɔ gìĩ kɔɔ̃n: bɛa kilo sooro, sinaamono nyɔɔ gìĩ kɔɔ̃n ke: bɛa kilo paa ka talɛɛ, buruu nyɔɔ gìĩ kɔɔ̃n kɛ dɔ: bɛa kilo paa ka talɛɛ,

Bɔ bɛ̀rɛbaa nɛ 30:34

Dɛnaa pɛ Muizu ni: «Ga màn gìĩ kɔɔ̃nɔn li: sitoraksi ni ka oniksi ni, galbanumu gìĩ kɔɔ̃n nɛ, ka da yon gìĩ kɔɔ̃n sonbore ne. N die n toa ǹ tumaa kɔnpɛ.

Loe kɔɔ̃n kɔɔ̃n 3:6

Die n ke á soo diə gole li die, gusuũ yui ka tɛmaa bara bɛ́ lɔn? A gìĩ tumaa n *miíri nyɔɔ gìĩ kɔɔ̃n lɛa, da yon gìĩ kɔɔ̃n lɛa, ka pii-kɔlen bɛ́ die ka màn gìĩ kɔɔ̃n tɔrɔ mɛn tumaa nɛ.

Izayii 60:6

Nyɔɔmaa kuru gigiã á re n gána piɛ̃, Madiã gána laanka Ɛfaa gána a nyɔɔmaa tenən kɛn tumaa á re boe Sabaa. Ǹ tá re die sana laanka da yon gìĩ kɔɔ̃n nɛ, ǹ loe lɔ min tumaa yɔrɔ-a, ǹ Dɛnaa Lawa tɔ bɔ nɛ.

Lawa a wúlu-bɔlen 6:15

Ka bɛ́ re nyɔɔ kiɛ Aarɔn a nɛgiĩ lɛ mɛn mìi ni, ka bɔ ka koa a bǎã nɛ wúlu-bɔle lɛa, bɛ dɔ doamaa nɛ, a zɛnaa miɛ̃. A zɛnaa ǹ gɔn lɛ n ka bɛ lɛ nɛ miɛ̃ duduu. Ka a tumaa tã lenlen Dɛnaa Lawa wɔ lɛa.

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Minin nimi 7:86

Sana kaaran lɛ gogoonmaa a gugurubaa n garamu paabiɛ. A fulupaa lɛ tumaa a gugurubaa a kaa kun nə Lawa a kion kɛa màn zɔɔ̃ ǹ màn a kilo goon ka garamu biɛ paa (200). Ǹ tumaa na á goã piɛ̃ nɛ ka da yon gìĩ kɔɔ̃n kɛ nɛ, ǹ tá tiɛ̃.

Matiə 1:18

Yezu Krita a yɛ ǹ gɔn nə ka kɛ nɛ: Ǹ dan Mariya lɛ na á goã Zozɛfu a lɔ wɔsiɛ lɛa. Ǹ laan bɛ̀ ǹ giã kun, á daa yaa bɛ̀ Mariya nɔ̀ si ka Lawa a Yiri Fu pàã nɛ.

Matiə 12:46

Yezu bɛ́ tɔn boo diɛ zaman lɛ nɛ, ǹ dan laanka ǹ dɔɔ̃nɔn nə́ daa ǹ nə́ dɔ. Ǹ nə́ golee kanaa, maǹ giɛ li mà ǹ boo da nɛ.

Matiə 14:33

Yezu a kialandɛnan mɛnɛn bɛ́ goo lɛ gɔ́ɔ̃ nɛ, bɛn nə́ nɔmaa ǹ nə́ kaa tán-a Yezu giulun, ǹ nə́ pɛ: «Sonbore pɛ á pɛsã, ma n Lawa a Nɛgiĩ lɛa!»

Matiə 2:10

Leere lɛ a yɛ nyɛnyɛɛ gole baa ǹ ganaa parsiini.

Matiə 2:2

Ǹ nə́ nɔ̀n da ǹ nə́ pɛ: «Nɛnyaan mɛn bɛ́ á yɛ, a n die Zuifun kii biɛ, a n maa? Wɔ́ n toa wɔa gána nɛ, wɔ́ a leere yɛ á bɔ lɛ̀giala-n, wɔ n wɔ́ daa a guguru kɔ.»

Luku 2:16

Ǹ nə́ yoo fufuu, ǹ nə́ woo kiwi lɛ nɛ, ǹ nə́ woo Zozɛfu laanka Mariya yaa, ka nɛnyaan boɛɛn lɛ dɔ nɛ naa-n tɔɔn màn bii ǹ goo ne.

Luku 2:38

A dɔ bɛ́ á soo gɔrɔ á kɔnpɛ ka nɛnyaan lɛ a kɔ Lawa la nɛ, á yoo á n Lawa tɔ boe. Bɛ kio, á nɛ lɛ boo da Zeruzalɛmu kiwi minin manɛ, ǹsɛn mɛnɛn bɛ́ ǹ yii diɛ mà Lawa á die ǹsɛn gána nyin sii.

Zaã a sɛ́wɔ 19:39

Nikodɛmu mɛn bɛ́ á goã á woo Yezu li tèlò basa li, bɛ dɔ́ daa ka nyɔɔ gìĩ kɔɔ̃n kɔ́n nɛ, ǹ nə́ bíi *miíri, lɔloɛ-n kɔn ka nyɔɔ gìĩ kɔɔ̃n-a kɔ́n nɛ, ǹ nə́ bíi "aloɛsi"; á kilo pɔsɔɔ boe.

Sii-nyaan 19:10

Má kaa tán lon a dia dí-a wole lɛ giulun, máa ma na a guguru koe. Sɛnɛ, á pɛ ma nɛ: «N nyan toa n bɛ zɛnaa wa! Lawa din sɔɔ̃ guguru kɔ. Masɛ dɔ n Lawa a dí-nyali lɛa ka n dɔ bɛ́ lɔn, ka n dɔɔ̃nɔn mɛnɛn bɛ́ Yezu boo taãn nyaa ǹ nɛ, a nə́ ǹ gɔn.» Yezu boo taãn mɛn nyaa, a din ni Yiri Fu nyaa Lawa a boo gii-dalin dɔn manɛ.

Sii-nyaan 5:8

A bɛ́ á sɛ́wɔ lɛ si biikoo mɛn li, màn yiikoonaa pàãdɛnaa sii kɛ laanka *min gole fuəwensii kɛ kaa tán Sère Nɛ lɛ giulun, tùtu n didie gɔn. Sana donkolon dɔ n didie tumaa gɔn, a piɛ̃maa-n ka màn gìĩ kɔɔ̃n-a nɛ. Bɛa màn gìĩ kɔɔ̃n-a lɛ n Lawa a min sonboren Lawa-nyankɔ giala pii.

Samayeli1 10:27

Sɛnɛ min kɔrɔn nə́ yɛ, ǹ nə́ goã pii kɛnɛn: «Wàa-n sɛn! Kɛ lɛ n die wɔsɛn boe a nɛ!» Ǹ pàã wɔ Sayulu n wa, ǹ bǐɛ̃ goon baa la wa. Sɛnɛ Sayulu giã ka a din ni.