Matiə 19:26 - LAWA A BOO SONBORE

²⁶ Yezu ga ǹ ganaa ka gongon, á tɔ́n pɛ ǹ nɛ: «Minbuiin nɛ ba boe la a n din kirisibaa wa. Sɛnɛ, Lawa á boe sii din tumaa la.»

LAWA A BOO SONBORE 2011

²⁶ Yezu ga ǹ ganaa ka gongon, á tɔ́n pɛ ǹ nɛ: «Minbuiin nɛ ba boe la a n din kirisibaa wa. Sɛnɛ, Lawa á boe sii din tumaa la.»

Matiə 19:26 ပူးပေါင်းရင်းမြစ်များ

Siin Giala 18:14

Sii tan, bɛ n kaka á la yii ni, masɛ Dɛnaa Lawa n foɛ̃ bɛa zɛnaa li? Ma bɛ́ re n bɔyɛɛ, ma da n li ǹ mɛn waáraa lɛ̀ boe kɛnɛn yoroo, Saaraa á die nɛgiĩ yii.»

Kiin1 17:16

Wùsu lɛ goã nyɛɛ kunun lɛ-n wa, nyɔɔ lɛ dɔ goã nyɛɛ tàan lɛ-n wa, ka Dɛnaa Lawa goã á Yilii da a pɛ ganaa lɔn.

Zɔbu 42:2

– Má dɔ̃ máa n tá boe sii din tumaa la, sii kɔn ba piɛ̃ n ganaa wa.

Loen 3:8

Dɛnaa Lawa, n dɔ ma lɛ! E, maa Lawa, da ma la! N din lɛ n dɔlɔ boe maa zɔ́ɔn tumaa ganaa. N din lɛ n toɛ, min baraan kɛn ba boe la ǹ basaã kɔ ma-n wa.

Loen 62:11

Ka baran n foo doa baraabaa sii zɛnaa ǹ gɔnɔn ganaa wa, màn mɛn bɛ́ n sii ka pàã nɛ, ka baran n yiri koa màn kɔn ganaa bɛ gɔ́ɔ̃-n wa. Bɛ̀ kaa naforon tá mɔnɛɛ, ka baran n foo kɔ bɛn la wa.

Zeremii 32:17

«E! Dɛnaa Lawa, n din ni n tán laanka lon zɛnaa, ka n Pàã gole ne, ka n boo sii la nɛ! Sii kɔn ba kaka koe n ganaa wa.

Zeremii 32:27

– Masɛ Dɛnaa Lawa n màn yiikoonaa tumaa a Dɛnaa lɛa. Sii á boe la a kaka kɔ masɛ ganaa?

Zakarii 8:6

Dɛnaa Lawa Pàãyiidɛnaa a da ǹ boo á ke: «Bɛ̀ bɛ á kaãbaa ǹ sii lɛa Izirayeli minin gialakunun kɛn yii li, a kaãbaa ǹ sii lɛa masɛ Dɛnaa Lawa Pàãyiidɛnaa yii li wa. Dɛnaa Lawa Pàãyiidɛnaa a da ǹ boo ne.

Minin nimi 11:23

Dɛnaa Lawa tɔ́n pɛ Muizu ni: «Masɛ pàã lɛ na á woo maa? Ma boo mɛn da, n tá re yii sisia, bɛ̀ bɛ á re n zɛnɛɛ n nɛ, hinlaa bɛ̀ a re n zɛnɛɛ n nɛ wa?»

Matiə 19:25

A kialandɛnan lɛn bɛ̀ ǹ nə́ bɛa boo lɛ ma lɔn, á kaãbaa da ǹ ganaa parsiini, ǹ nə́ tɔ́n pɛ: «Bɛ á miɛ̃, die n boe la a kirisibaa?»

Matiə 19:27

Bɛa biikoo li, Piɛrɛ nə́ n lɛ da boo lɛ nɛ, á pɛ nɛ: «Ga! Wɔsɛn bɛ́ wɔ́ màn tumaa toa walan, wɔ kɔ n lɛ, wɔsɛn wɔ n die n biɛ lɔn kəni?»

Marki 10:27

Yezu ga ǹ ganaa ka gongon, á pɛ ǹ nɛ: «Minbuiin nɛ a boe la a n din kirisibaa wa, yǎa Lawa na a kirisibiɛ, a giala, Lawa n boe sii din tumaa la.»

Luku 1:37

A dɔ̃ sonbore, mà sii kɔ́n ba piɛ̃ Lawa ganaa wa.»

Luku 18:27

Yezu nə́ ǹ lɛ si: «Min ba boe la a nə n din kirisibaa wa, yǎa Lawa ná a kirisibiɛ.»

Ebrəə 6:6

Bɛ̀ ǹ nə́ ǹ goleemali daa kanna, ǹ ba boe la ǹ yɛ doo wa. A n ka maǹ Lawa a Nɛgiĩ lɛ dere gɔn ganaa doo, ǹ nə́ sìi diɛ a ganaa zaman tumaa yɔrɔ-a.

Samayeli1 14:6

Zonaatan pɛ a ziabaa ǹ mànan-gũli lɛ nɛ: «Kiɛ̃ n daa, wɔ wo yǎa soroman kɛn bǎã nɛ. Bɛ̀ a n doa wa, Dɛnaa Lawa á re n doe wɔ lɛ. A giala, ta minin man mɔnaa nɛ hinlaa ta manə ǹ ba tɛ wa, màn kɔn ba Dɛnaa Lawa kurii gɔ̀lɔ̀baa kɔ ganaa wa.»