Matiə 18:27 - LAWA A BOO SONBORE

²⁷ A makara ná a mìinaa lɛ kũ, á nɔmaa a ná a giɔ̀mɔ lɛ toa nɛ, á da á woo.

LAWA A BOO SONBORE 2011

²⁷ A makara ná a mìinaa lɛ kũ, á nɔmaa a ná a giɔ̀mɔ lɛ toa nɛ, á da á woo.

Matiə 18:27 ပူးပေါင်းရင်းမြစ်များ

Nehemii 9:17

Ǹ nə́ n piã ǹ nə n too kɔ wa, n goã ń kaãbaa ǹ sii mɛnɛn zɛnaa ǹ nɛ, ǹ nə n yiri kɔ ka bɛn nɛ wa, ǹ nə́ n too laa. Ǹ gòãn dii lɛ gɔ́ɔ̃ nɛ, á wɔ ǹ mìi ni, mà ǹsɛn manə n lɛ goɛ ǹ wo bɛ̀rɛbaa ǹ bǎã lɛ-n doo. Sɛnɛ n nə ǹ toa walan wa, a giala n nə Lawa lɛa, Lawa mɛn nə́ ke minin sii baraan toɛ ǹ nɛ, bǐɛ̃ zɛnɛɛ, min makara doɛ̃, a foo ná a ba yui fufuu wa, a bǐɛ̃baa á gole taãn-taãnɛ.

Loen 145:8

Dɛnaa Lawa din nə Lawa bǐɛ̃ lɛa, a tá min makara doɛ̃. A foo a yui fufuu wa, kɔn-narɛɛ ná a foo pã.

Loen 78:38

Sɛnɛ, Lawa n makara doɛ̃ wole lɛa, a ǹ dɛ wa, a na á goã ǹ sãn toɛ ǹ nɛ. Biikoo gigiã, a n kirii a din foo la, a toa a foo yoo á la yii-n wa.

Loen 86:15

Sɛnɛ, Dɛnaa, nsɛ n Lawa lɛa, makara doɛ̃, n nə́ bǐɛ̃ zɛnɛɛ. N foo a yui fufuu wa, ma n piɛ̃-n ka kɔn-narɛɛ gole laanka bǐɛ̃ duduu ni.

Loen 86:5

Dɛnaa, n din mɛn bɛ́ bǐɛ̃ zɛnɛɛ, n nə́ sã toɛ, min mɛnɛn tumaa bɛ́ lɛ diɛ n la, n kɔn-narɛɛ á gole bɛn wɔ paǹ li.

Ozee 11:8

Man siɛ lɔn man la bɔ n ganaa Efrayimu, ma n wɔ minin gɔn Izirayeli? Man siɛ lɔn ma n baa ka Admaa bɛ́ lɔn, ma n baa ka Seboyimu á ke lɔn? Ma yiri nə n lɔlɔkɔn, n makara bɔ ma-a.

Matiə 18:28

Dí-nyali lɛ bɛ́ á soo, á kaa ǹ miã dí nya kun wole kɔsɔ lɛ, a dɔ a wɔrɔ we paabiɛ n bɛ ganaa. Á kũ a bɔlɔ-a, á sɔɔ ka a daa a na a bɔlɔ yu, á pɛ nɛ: «Maa giɔ̀mɔ lɛ saraa!»

Matiə 18:32

A mìinaa lɛ tɔ́n bíi, á pɛ nɛ: «Dí-nyali babaraa, masɛ n má giɔ̀mɔ kɛ lɛ din tumaa toa n nɛ, a giala n ma nyankɔ parsiini.

Luku 7:42

Sɛnɛ, màn kɔ́n bɛ́ a ba bɛa min paa kɛ lɛ lon ǹ tá ǹ giɔ̀mɔ sarɛɛ-n wa, giɔ̀mɔ-dali lɛ giɔ̀mɔ lɛ toa ǹ nɛ. Bɛa min paa kɛ lɛ bii, die n die giɔ̀mɔ-dali lɛ narɛ á la yii ni?»

Luku 7:43

Simɔn pɛ mà asɛ n taasɛ mà min mɛn bɛ́ ǹ nə́ giɔ̀mɔ lɛ a gole gole kɛ toa nɛ. Yezu mà a taãn pɛ.

Sii yɔrɔ-bɔlen 10:16

Tɔrɔ kɔsɔn lawan kɛn, ǹ nə́ bɛn goa ǹ nə́ ǹ bɔ ǹ dinin li, ǹ nə́ dí nya Dɛnaa Lawa nɛ. Izirayeli minin nə goã nɔmaa mɛn we, Dɛnaa Lawa boo la á bɛ si a ganaa doo á belebɔ-n wa.