Matiə 18:19 - LAWA A BOO SONBORE

¹⁹ «Masɛ n pii ka-n dɔn, bɛ̀ min paa yɛ ka bii kanaa kɛ gɔ́ɔ̃ nɛ, ǹ nə́ n lɛ kaa kun ǹ nə́ màn mɛn nyankɔ masɛ Di Lawa lon, á die bɛ koe ǹ la.

LAWA A BOO SONBORE 2011

¹⁹ Masɛ n pii ka-n dɔn, bɛ̀ min paa yɛ ka bii kanaa kɛ gɔ́ɔ̃ nɛ, ǹ nə́ n lɛ kaa kun ǹ nə́ màn mɛn nyankɔ masɛ Di Lawa lon, á die bɛ koe ǹ la.

Matiə 18:19 ပူးပေါင်းရင်းမြစ်များ

Matiə 21:22

Bɛ̀ golee Lawa li tá ka lon, bɛ̀ ka màn woo màn nyankɔ Lawa lon, ka tá re bɛ yii.

Matiə 5:24

n *wúlu màn lɛ toa walan a bɔ ǹ bǎã nɛ, n wo sii lɛ nya n bɔ ka biin ni bɔrɔ. Bɛ kio, n tɔn wusoo n da n wúlu lɛ bɔ Lawa nɛ.

Matiə 7:7

Ka màn nyankɔ, Lawa á re màn koe ka la. Ka ga màn li, ka á re màn yii. Ka kiɛnlɛ dɛ, ǹ tá re kiɛnlɛ buĩ ka nɛ.

Marki 11:24

Bɛ lɛ na á toa ma á pii ka nɛ: Bɛ̀ ka á màn mɛn nyankoe Lawa lon, ka golee li ka á re yii, bɛa màn lɛ á die n koe ka la.

Zaã a sɛ́wɔ 15:16

Kasɛn bie ka masɛ bɔ wa, masɛ n má kasɛn bɔ, má ka dia máa ka woo, ka dí nya, kaa dí lɛ a là goã. Bɛ lɛ n toɛ, bɛ̀ ka màn woo màn nyankɔ masɛ a Díi lon ka masɛ tɔ nɛ, á re bɛ koe ka la.

Zaã a sɛ́wɔ 15:7

Bɛ̀ ka tá doa-n kɔn ka masɛ nɛ, bɛ̀ maa boon kɛn dɔn tá ka foo ne, ka bɛ́ màn mɛn li, ka a nyankɔ, ka á re yii.

Zaã a sɛ́wɔ 16:23

«Bɛ̀ bɛa pinaa dɔ, ka a re nɔ̀n diɛ masɛ la ka sii kɔ́n nɛ doo wa. Man taãn pii ka nɛ: Bɛ̀ ka màn mɛn nyankɔ maa Díi lon ka masɛ tɔ nɛ, á re bɛ koe ka la.

Nya ǹ dín 1:14

Lɔn kɔnɔn dɔn nə́ goã kunun ǹ ni, Yezu din a náa Mariya nɛ ka Yezu ǹ dɔɔ̃nɔn nɛ. Ǹ tumaa na á goã bɛ̀ ǹ nə n lɛ kaa kun, ǹ Lawa nyankɔ.

Nya ǹ dín 12:5

Piɛrɛ bɛ́ kòso-n, Lawa a sɔmɔ minin kɛn man nə́ goã Lawa nyankoe a lɛa parsiini.

Nya ǹ dín 16:10

Pooli yii bɛ́ á bɛa màn kɛ lɛ yɛ, wɔ́ yoo fufuu wɔ́ ga wo Masedoanɛ ǹ gɔn li, a giala, wɔ dɔ̃ taãn-taãnɛ wáa Lawa n wɔ bíi walan, mà wɔ a din a boo tii kɔɔ̃n kɛ pɛ ǹ nɛ.

Nya ǹ dín 6:4

Wɔsɛn dininmaan kɛn tá re woe nyɛɛnɛ, wɔ n dinin kɔ Lawa nyankɔ la, ka Lawa a boo pɛ kɛ a dí ni.»

Filipi minin 1:19

A giala, ma á doɛ̃ máa bɛ tumaa n die ǹ bɔyɛɛ, a ma kirisibaa ǹ sii baa, Lawa n kaa Lawa-nyankɔ pàã nɛ, ka Yezu Krita a Yiri Fu a dɔmalɛ kɛ pàã nɛ.

Zaã1 3:22

Wɔ bɛ́ màn mɛn nyankoe la, wɔ n bɛ yii. A giala, mà wɔ tá a dí-pɛn lɛ sii, wɔ ná a foo kɔɔ̃n kɔ ǹ sii zɛnɛɛ.