Matiə 18:13 - LAWA A BOO SONBORE

¹³ Bɛ̀ á yɛ, man pii ka nɛ, bɛa nyɛnyɛɛ á gole a ganaa á la pɔmanangɔrɔwenmanangɔrɔ kɛ lɛ wɔ nɛ, ǹsɛn mɛnɛn bɛ́ ǹ papaã wa.

LAWA A BOO SONBORE 2011

¹³ Bɛ̀ á yɛ, man pii ka nɛ, bɛa nyɛnyɛɛ á gole a ganaa á la pɔmanangɔrɔwenmanangɔrɔ kɛ lɛ wɔ nɛ, ǹsɛn mɛnɛn bɛ́ ǹ papaã wa.

Matiə 18:13 ပူးပေါင်းရင်းမြစ်များ

Loen 147:11

Sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, min mɛnɛn bɛ́ n foo doɛ a kɔn-narɛɛ gole kɛ ganaa, bɛn lɛn sii n kɔɔ̃n a ganaa.

Izayii 53:11

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.

Izayii 62:5

Ká tɔntɔraa bɛ́ kɔn we ka a nɛniɛ-n lɔn, min mɛn bɛ́ n doe, bɛ lɛ n die n zuũ biɛ. Ka lɔ tii bɛ́ n zuũ foo kɔɔ̃n koe lɔn, n dɔ n die Dɛnaa Lawa foo kɔɔ̃n koe miɛ̃.

Ezekieli 34:4

Tɔɔn mɛnɛn pàã bɛ́ á nya, ǹ màn-bii kɔ bɛn la ǹ nə́ pàã yɛ wa. Ǹ mɛn bɛ́ busulə lɛa, ǹ dagòã bɔ bɛ-n wa. Ǹ mɛn gòã bɛ́ á yiɛ, ǹ màn yii bɛ gòã ganaa wa. Ǹ mɛn bɛ́ á n na, ǹ bɛ loo ǹ nə́ daa-n wa. Ǹ mɛn papaã, ǹ wo ga bɛ li ǹ nə́ daa-n wa. Sɛnɛ, maǹ nə́ ǹ lɛduə̃ ka kakaarɛbaa nɛ, ǹ nə́ bɔ ǹ yii ni.

Misee 7:18

N kɔnboe n ka wàa nɛ Lawa? N din nə minbuiinin sii baraa siɛ boe ǹ mìi ni. N din nə ǹ bɔlɔ-tii siin kɛn toɛ ǹ nɛ. N minin lɛn mɛnɛn yii goã koo, n din wɔn lɛn, n foo a die goɛ̃ yoo-n bɛn li miɛ̃ yǎa duduu wa. A giala, min makara doɛ̃ lɛ n kɔɔ̃nɛ n ganaa.

Sofonii 3:17

Dɛnaa Lawa, n Lawa ta kunun n ni. A din nə gɔ̀lɔ̀ lɛa, a n gɔ̀lɔ̀ biɛ miɛ̃, a foo n kɔɔ̃nɛ n wɔ paǹ li. A kɔn-narɛɛ n nyin dii koe n la. A n foo kɔɔ̃n lɛ dii n din taman yii,

Matiə 18:12

«Ka n wàa taasɛ? Bɛ̀ sère paabiɛ n min lon kəni, yǎa a goon nə papaã, ǹ dɛnaa n die wàa zɛnɛɛ? A ba a gialakun pɔmanangɔrɔwenmanangɔrɔ kɛ lɛ toɛ walan kele lalan, a wo ga a papaã wole kɛ lɛ li wa?

Matiə 18:14

A n miɛ̃, kaa Díi Lawa ba li golee masɛ li wole tiin kɛn lɛn kɔ́n nə papaã wa.

Korɛnti1 13:6

Kɔn-narɛɛ a toɛ min nə n nyɛnyɛɛ ka kɔkɔrɔbaa ǹ sii-n wa, sɛnɛ, a n toɛ min foo kɔɔ̃n kɔ ka taãn pɛ nɛ.

Zaaki 2:13

Min mɛnɛn bɛ́ ǹ nə ǹ miãn makara dɔ̃ wa, bɛ̀ Lawa á die kiri kuri bɛn la ǹ mɛn pinaa, a die ǹ dɔn makara doɛ̃ wa. Makara-doɛ̃ á kiri siɛ a bɔ min la.