Matiə 18:12 - LAWA A BOO SONBORE

¹² «Ka n wàa taasɛ? Bɛ̀ sère paabiɛ n min lon kəni, yǎa a goon nə papaã, ǹ dɛnaa n die wàa zɛnɛɛ? A ba a gialakun pɔmanangɔrɔwenmanangɔrɔ kɛ lɛ toɛ walan kele lalan, a wo ga a papaã wole kɛ lɛ li wa?

LAWA A BOO SONBORE 2011

¹² Ka n wàa taasɛ? Bɛ̀ sère paabiɛ n min lon kəni, yǎa a goon nə papaã, ǹ dɛnaa n die wàa zɛnɛɛ? A ba a gialakun pɔmanangɔrɔwenmanangɔrɔ kɛ lɛ toɛ walan kele lalan, a wo ga a papaã wole kɛ lɛ li wa?

Matiə 18:12 ပူးပေါင်းရင်းမြစ်များ

Kiin1 21:17

Dɛnaa Lawa boo da ka Tisibii min Yilii ni:

Loen 119:176

Ma nə n binbirin boe ka sère papaã wole bɛ́ lɔn. Masɛ nə n bɛ̀rɛgiĩ lɛa, ma basa bɔ, n ga ma li, a giala, ma yiri a boe ka n dí-pɛn kɛn nɛ wa.

Izayii 53:6

Wɔ tumaa n wɔ goã ka sère papaã wolen bɛ́ lɔn, didie n woe a din mìi gialaa, Dɛnaa Lawa wɔ tumaa a siɛ̃n da a mìi ni.

Zeremii 50:6

Maa zaman lɛ a minin man nə́ goã ka sère papaã wolen bɛ́ lɔn. Ǹ lɛduə̃lin man nə́ goã ǹ yiri siɛ̃. Maǹ nə n toɛ walan bɛ̀ ǹ wo kelen la, ǹ dinin gɔn wìi a lɛa. Ǹ nə́ woo kelen la ka tentenen ne, ǹ yiri bɔ ǹ zìãn ganaa.

Ezekieli 34:12

Bɛ̀ tɔɔn-lɛduəli a tɔɔn nə́ papaã ǹ mɛn pinaa, a bɛ́ giɛ ǹ li lɔn, ma dɔ n die woe giɛ maa wɔn lɛn li miɛ̃. Ǹ sasawaa ǹ nə́ woo bǎã mɛn tumaa nɛ furumə gole ka wɔlɔ tì pinaa kɛ nɛ, ma á re ǹ wɛɛ, ma ǹ bɔ walan.

Ezekieli 34:16

Bɛ̀ tɔɔ lɛ mɛn papaã, ma á re woe giɛ li, bɛ̀ ǹ mɛn nə́ n na, ma á re woe lui ma da nɛ. Bɛ̀ ǹ mɛn gòã yiɛ, ma á re màn yii a ganaa, bɛ̀ ǹ mɛn ba lon wa, ma á re dagòã boe ne. Sɛnɛ, ǹ mɛn bɛ́ kasiɛ̃ nɛ, pàã ná a lon, ma á re bɛ dii ma bɔ ǹ bii. Ma á re maa tɔɔn lɛn nyɛɛnaan boe ka peperebaa nɛ.»

Ezekieli 34:28

Tɔrɔ kɔsɔ minin ba re die ǹ kokoe doo wa, don màn babaraan ba re ǹ kuĩ doo wa. Ǹ tá re giɛ̃ gána lɛ nɛ ǹ yiri n bǎã goon ne, min kɔn ná a banban, á n nyɛ́ɛ diɛ ǹ ganaa wa.

Ezekieli 34:4

Tɔɔn mɛnɛn pàã bɛ́ á nya, ǹ màn-bii kɔ bɛn la ǹ nə́ pàã yɛ wa. Ǹ mɛn bɛ́ busulə lɛa, ǹ dagòã bɔ bɛ-n wa. Ǹ mɛn gòã bɛ́ á yiɛ, ǹ màn yii bɛ gòã ganaa wa. Ǹ mɛn bɛ́ á n na, ǹ bɛ loo ǹ nə́ daa-n wa. Ǹ mɛn papaã, ǹ wo ga bɛ li ǹ nə́ daa-n wa. Sɛnɛ, maǹ nə́ ǹ lɛduə̃ ka kakaarɛbaa nɛ, ǹ nə́ bɔ ǹ yii ni.

Ezekieli 34:6

Maa sèren lɛn nə́ sasawaa, ǹ nə́ woo kelen tumaa laanka tentenen tumaa la. Maa sèren lɛn nə́ pɛsɛ̃ gána lɛ paǹ tumaa nɛ ka tenten sɔsɔrɔn tumaa nɛ. Sɛnɛ, min kɔn ga ǹ li wa, min kɔn nɔ̀n da ka ǹ sii-n wa.

Matiə 12:11

Yezu tɔ́n pɛ ǹ nɛ: «Bɛ̀ sère goon toto n kaa min goon lon, yǎa bɛa sère lɛ bɔ á n dɔ nyankɔrɔ zuzulu ni susu ǹ pii pinaa, ǹ dɛnaa a die woe boe a soo ne a bɔ walan wa koɛ?

Matiə 18:13

Bɛ̀ á yɛ, man pii ka nɛ, bɛa nyɛnyɛɛ á gole a ganaa á la pɔmanangɔrɔwenmanangɔrɔ kɛ lɛ wɔ nɛ, ǹsɛn mɛnɛn bɛ́ ǹ papaã wa.

Matiə 21:28

Yezu tɔ́n pɛ: – Ka n wàa taasɛ kɛ gɔ́ɔ̃ nɛ? Nɛgiĩ paa na á goã giĩ kɔ́n lon. Á pɛ a goledɛnaa nɛ ǹ kɔ́n pinaa: «Maa nɛ, wo dí nya maa wuru-n pelo.»

Matiə 22:42

«Minin Nyin-sili lɛ, Lawa n die diɛ, kaa taasiɛ n ka wàa-n bɛ wɔ gɔn la? Die tɔrɔ nɛ?» Ǹ nə́ tɔ́n pɛ nɛ: «Kii Davida tɔrɔ nɛ.»

Korɛnti1 10:15

Ka bɛ́ boo giala-malen lɛa, bɛ lɛ-n ma á boo diɛ ka-n miɛ̃. Ma bɛ́ boo mɛn diɛ, ka dinin nə bɛ gɔsɛ ka ga a ganaa.

Piɛrɛ1 2:25

A giala, ka n ká goã papaã-n lɛlɛ ka sèren bɛ́ lɔn, sɛnɛ kanna, kaa Gamawalan wole lɛ laanka ka Lɛduə̃li lɛ ka yɔrɔ bɔyaa, a daa ka-n a din li.