Matiə 18:10 - LAWA A BOO SONBORE

¹⁰ «Ka n dinin kũ, ka nyan toa ka golee masɛ li wole tiin kɛn kɔn yii puusə kɔ wa. A giala masɛ n pii ka nɛ, ǹ lon a dia dí-a wolen tá n toɛ̃ ka ǹ mìi gɔ́ɔ̃ ǹ sii ni baraabaraa masɛ Di lon a Lawa yɔrɔ-a. [

LAWA A BOO SONBORE 2011

¹⁰ Ka n dinin kũ, ka nyan toa ka golee masɛ li wole tiin kɛn kɔn yii puusə kɔ wa. A giala masɛ n pii ka nɛ, ǹ lon a dia dí-a wolen tá n toɛ̃ ka ǹ mìi gɔ́ɔ̃ ǹ sii ni baraabaraa masɛ Di lon a Lawa yɔrɔ-a. [

Matiə 18:10 ပူးပေါင်းရင်းမြစ်များ

Samayeli2 14:28

Abusalɔn giã Zeruzalɛmu lɛ̀ paa, a ná a soe kii yɔrɔ-a wa.

Kiin1 22:19

Misee nə́ n toa kəni: – Haya le! N too kɔ Dɛnaa Lawa a boo ganaa. Má Dɛnaa Lawa yɛ giã nɛ a kii dankan la, lon a dí-nyalin tumaa ǹ golee ne a genli, a gusin laanka a gɔsɛ.

Loen 15:4

Min mɛnɛn bɛ́ ǹ ba kɔɔ̃n Lawa ganaa wa, a laadoo ba bɛn ganaa wa, sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, a n bɛn narɛ. Bɛ̀ á n lɛ kɔ min la, ta a n nɔmaa nɛ a gɔ́ɔ̃ nɛ, a ba n bɔlɔ bɔyɛɛ wa.

Loen 17:15

Sɛnɛ, masɛ wɔ paǹ li, peperebaa gɔ́ɔ̃ nɛ, ma á re kɔn yii ka n din ni. Bɛ̀ má yoo lɔn, má kɔn yɛ ka n din ni, ma foo n nyɛɛ.

Loen 34:7

Masɛ n koe-yɛle goon lɛa. Ma bɛ́ má Dɛnaa Lawa bíi, á ma lɛ ma, á ma kirisibaa maa fuu-yɛ tumaa gɔ́ɔ̃ nɛ.

Loen 91:11

A giala, á re pii a lon a dia dí-a wolen manɛ, mà ǹ nə n tamaa bǎã tumaa nɛ.

Zakarii 13:7

Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

Zakarii 4:10

Doa boɛɛn mɛn nə n wɔ sii giala kɔ waáraa, ka nyan zín bɔ bɛ-n wa. Zorobabeli bɛ́ re Lawa a kion lɛ a doe giala koe, ka doamaa-n ka n nyanyaa. «Bolon sɔbaa kɛ n goon ka Dɛnaa Lawa yiin ni. Maǹ giɛ tán tumaa walan.»

Matiə 1:20

A bɛ́ bɛ lɛ a taasiɛ we, Dɛnaa a dia dí-a wole goon nə́ bɔ lon á n din nyaa nɛ ka narɛɛ nɛ, á pɛ nɛ: «Davida tɔrɔ Zozɛfu ganaa, n baran nyɛ́ɛ baa, n nə n piã ka Mariya a lɔbaa-n wa, a giala, Lawa a Yiri Fu pàã na á toa nɛ kɛ lɛ tá a gɔ́ɔ̃ nɛ.

Matiə 12:20

Buu mɛn bɛ́ a n pusu, a die bɛ yiɛ wa, Bólon mɛn nə́ ke tɔn tɛ siã boe, a die bɛ nimi wa. A n die zɛnɛɛ miɛ̃ yǎa minin nə Lawa foo sii doɛ̃.

Matiə 18:14

A n miɛ̃, kaa Díi Lawa ba li golee masɛ li wole tiin kɛn lɛn kɔ́n nə papaã wa.

Matiə 18:6

«Nɛnyaanan kɛn golee-n masɛ li, bɛ̀ bɛn goon a mɛnaa ǹ giala bɔ min mɛn li, á soɛ bɛa dɛnaa ganaa ǹ gii dan kaara yii a bɔlɔ-a ǹ nyanaa ǹ da yìsi mu gole li.

Matiə 2:13

Doɛ̃ wolen lɛn woo kio, Dɛnaa a dia dí-a wole goon nə́ bɔ lon á daa n din nyaa Zozɛfu ni ka narɛɛ nɛ, á pɛ nɛ: «Yoo, n nɛ lɛ laanka ǹ dan saa n baa si n wo Ezipti gána nɛ. Giã walan, yǎa ma wusii pii ni máa n nə n bɔyaa n daa. A giala, Erɔdi á re giɛ nɛ lɛ li mà yǎa asɛ dii.»

Matiə 2:19

Erɔdi bɛ́ á gã, bɛ̀ Zozɛfu bɛ́ Ezipti, Dɛnaa a lon a dia dí-a wole goon nə́ n din nyaa nɛ ka narɛɛ nɛ,

Matiə 24:31

Masɛ á die maa lon a dia dí-a wolen diɛ, bɛn gole wuu li, kanaa gùrù sii din tumaa ganaa, ǹ maa yii gɔgɔɔ̃ wolen lɛn lɛ sɔkɔn a saa kanaa lɛkoro goon ganaa, a wo a lɛkoro kɔsɔ yaa.

Luku 1:19

Lon a dia dí-a wole lɛ tɔ́n pɛ nɛ: «Masɛ tɔ n Gabarayeli, man lon a dia dí-a wolen goledɛnaa goon lɛa, ma bɛ́ dí nyɛɛ Lawa mɛn nɛ, bɛ lɛ na á masɛ dia, mà ma da boo tii kɔɔ̃n kɛ pɛ n nɛ.

Luku 10:16

Yezu mà a kialandɛnan lɛn ganaa: «Bɛ̀ min mɛn nə́ n too kɔ ka lon, bɛa dɛnaa na á n too kɔ masɛ dinmaa lon. Bɛ̀ min mɛn dɔ nə́ n piã ka nɛ, bɛa dɛnaa na á n piã ka masɛ dinmaa nɛ. Sɛnɛ, bɛ̀ min mɛn nə́ n piã ka masɛ nɛ, bɛa dɛnaa na á n piã ka masɛ a Dia Wole lɛ nɛ.»

Luku 16:22

«Bɛa doobaa lɛ daa á gã, yǎa lon a dia dí-a wolen ná a telenboen saa ǹ nə́ woo da Abrahamu genli Lawa a piɛ. Pàãma lɛ dɔ́ daa á gã, ǹ nə́ bĩ.

Nya ǹ dín 10:3

Ǹ kɔ́n pinaa, wasa lɛ kanaa n nɛ, biikoo a sɔɔbaa ǹ wɔ kɛ miã li, a yii màn yɛ buə̃buə̃ ne, lon a dia dí-a wole goon wɔ a kion, á lɛ dia la: «Kɔrnɛyi.»

Nya ǹ dín 12:15

Kion gɔ́ɔ̃ dɛnan lɛn mà nɛlɔ lɛ mìi paǹ nə yui la? A dɔ bɛ́ n lɛ laɛ, ǹ nə́ tɔ́n pɛ: «Lon a dia dí-a wole mɛn bɛ́ a lɛduə̃li lɛa, a n die bɛ biɛ goɛ̃ nɛ.»

Nya ǹ dín 12:23

Sɛnɛ, a din bǎã-n gɔrɔ, Dɛnaa a lon a dia dí-a wole Erɔdi dɛ á duwəə tán, nyuunun nə́ kaa-n gɔrɔ ǹ nə́ soɛ̃. Erɔdi gã bɛa gòã lɛ ganaa, a giala a gugurubaa kɔ Lawa la wa.

Nya ǹ dín 27:23

Sonbore, tèlò-n, masɛ bɛ́ Lawa mɛn wɔ lɛa, man dí nyɛɛ nɛ, bɛa lon a dia dí-a wole goon ná a n din nyaa ma nɛ.

Nya ǹ dín 5:19

Sɛnɛ, tèlò-n, Dɛnaa a lon a dia dí-a wole goon nə́ kòso kion lɛ a kiɛnlɛ bũ, á ǹ waa á ǹ kaa, á pɛ ǹ nɛ:

Rɔmu minin 14:10

Nsɛ dɔ, wàa na á baa n tá kiri kuri n dɔɔ̃n la? Nsɛ dɔ, wàa na á baa n tá n din koɛ n dɔɔ̃n ganaa? Sonbore ne, wɔ tumaa n die golee Dɛnaa a kiri wɔ ǹ bǎã lɛ yɔrɔ-a, kiri nə n kuru wɔ la.

Rɔmu minin 14:21

Sii mɛn bɛ́ siĩni, bɛ n ka kɛ nɛ, ta siĩ soɛ̃ nɛ, ta màn mii ni, ta sii woo sii ni, bɛ̀ bɛa sii lɛ á die n dɔɔ̃n diɛ sii baraa nɛ, n baran zɛnaa wa.

Rɔmu minin 15:1

Wɔsɛn mɛnɛn pàã bɛ́ gole golee Lawa li gɔ́ɔ̃ nɛ, wɔ doamaa nɛ, min mɛnɛn pàã bɛ́ kiɛɛrɛ golee Lawa li gɔ́ɔ̃ nɛ, wɔ bɛn sii si wɔ ganaa. Siin mɛnɛn bɛ́ kɔɔ̃n wɔ ganaa, wɔ baran ga bɛn li wa.

Korɛnti1 11:22

Kaa kionən manə ǹ banban, ka á màn bii ǹ ni, ka n màn mii ǹ ni wa? Hinlaa ka ǹ zoɛ̃ mà ka Lawa a sɔmɔ lɛ piɛ̃ bɔ, ka sìi da gɔn kooro-an ganaa? Ka nə n yii diɛ mà ma wàa pɛ ka nɛ? Á kɔnboe ma ka tɔ bǐɛ̃ pɛ kɛ a lɛa? Haayii, ma a boe la ma á ka tɔ bǐɛ̃ pii wa.

Korɛnti1 16:11

Min kɔ́n nyan toa a n yii wɔ la wa. Ka toa ka n dɔ lɛ, a wusoo a da ma li ka là nyantoro ne. A giala, ma nə n yii diɛ la kun ka wɔ dɔɔ̃nɔn nɛ.

Korɛnti1 9:22

Má goleemali boɛɛndɛnan sii si ma ganaa kunun ǹ ni, màn mɛn bɛ́ toɛ, ma gɔn dɔ ǹ ganaa. Man má zɛnaa miɛ̃ min tumaa nɛ, má lɛ kɔ sii din tɔrɔ tumaa ganaa, màn mɛn bɛ́ toɛ ma min tɛnɛn kirisibaa sonbore.

Korɛnti2 10:1

Masɛ Pooli dinmaa n kɛ pii ka nɛ, masɛ mɛn bɛ́, ǹ nə pii mà bɛ̀ ma á ka li, mà man min basiɛ̃ lɛa, sɛnɛ, mà bɛ̀ ma a ka li wa, mà man kakaarɛ ka ganaa. Man ka nyankoe ka *Krita a foo basiɛ̃ laanka a sonborebaa nɛ.

Korɛnti2 10:10

A giala, maǹ pii mà maa sɛ́wɔn lɛn tá guguru, ǹ nə́ kaka. Sɛnɛ, mà bɛ̀ ma tá ka li, mà ma pàã a tɛ wa, mà ma a boo dɔ diɛ doɛ̃ wa.

Galaasi minin 6:1

Ma dɔɔ̃nɔn lɛn, bɛ̀ ka min kũ sã ǹ sii zɛnɛɛ, kasɛn mɛnɛn bɛ́ Lawa a Yiri Fu n ka li, ka toa ka da zii pepere la. Sɛnɛ, ka zɛnaa ka foo-basiɛ̃ nɛ a wɔ paǹ li. Ka ga ka dinin walan, ka nyan toa ǹ ka bebere ǹ ka da sii-n wa.

Tesaloniki1 4:8

Bɛ lɛ nɛ, bɛ̀ min mɛn nə́ n piã bɛa doroo lɛ nɛ, ǹ dɛnaa bie á n piã ka minbuiin nɛ-n wa, a na á n piã ka Lawa nɛ, asɛ mɛn bɛ́ a Yiri Fu koe ka la.

Timote1 4:12

N nyan toa min kɔ́n nə n yii puusə kɔ n nɛnyaanbaa kɛ taman yii wa. Sɛnɛ, da ǹ boo ne, tɔ wɔ ǹ gɔn nɛ, kɔn-narɛɛ nɛ, goleemali laanka *yoreenbaa nɛ, toa n goã bɛn yɔrɔ-nyaali lɛa golee Lawa li wolen manɛ.

Ebrəə 1:14

Lon a dia dí-a wolen kɛn tumaa n yirin dininsɔɔ̃nɔn lɛa, dí nyɛɛ Lawa nɛ, ǹ nə́ n doe kirisibaa-yɛlen kɛn lɛ.

Ebrəə 9:24

Sonbore, Krita bie á wɔ minbuiinin bǎã sonbore zɛnaa kɛ-n wa, bɛa minbuiinin wɔ a zɛnaa kɛ lɛ na á goã a taãn kɛ nyín kooro lɛa. Sɛnɛ, a na á wɔ lon dinmaa gɔ́ɔ̃ nɛ, màn mɛn bɛ́ toɛ, a n din nyaa kanna Lawa yɔrɔ-a wɔsɛn lɛa.

Sii-nyaan 8:2

Bɛ kio, má lon a dia dí-a wole sɔbaa kɛ yɛ golee-n Lawa yɔrɔ-a, ǹ nə́ bɛn gogoon kɔ ǹ tumaa la.