Matiə 17:18 - LAWA A BOO SONBORE

¹⁸ Yezu yoo nɔ̀ɔnɔn lɛn gialaa, ǹ nə́ n bɔ nɛ lɛ ganaa, a busu nya a din bǎã-n gɔrɔ.

LAWA A BOO SONBORE 2011

¹⁸ Yezu yoo nɔ̀ɔnɔn lɛn gialaa, ǹ nə́ n bɔ nɛ lɛ ganaa, a busu nya a din bǎã-n gɔrɔ.

Matiə 17:18 ပူးပေါင်းရင်းမြစ်များ

Matiə 12:22

Bɛa biikoo li, minin nə́ daa giĩ goon kɔ Yezu la, a giala nɔ̀ɔnɔn man a ganaa, a yii tã, a boe boo diɛ dɔ la wa. Yezu ná a busu nya, yǎa a boo la á boo da, a yii dɔ wɔlɔ yɛ.

Matiə 15:28

Yezu tɔ́n pɛ nɛ: «E, lɔ lɛɛ, n golee Lawa li á gole! N bɛ́ giɛ màn mɛn li, bɛ á die n zɛnɛɛ n nɛ.» A din biikoo li gɔrɔ, a nɛlɔ lɛ a busu nya.

Matiə 17:17

Yezu tɔ́n pɛ: «Ka màn tɔrɔ golee Lawa li baãnaan kɛn, ka n màn tɔrɔ baraa dɔ lɛa. Masɛ n die goɛ̃ kun ka nɛ yǎa biĩ doo, ka tɔn golee Lawa li? Masɛ n die kaa sii sii ma ganaa miɛ̃ yǎa biĩ kəni? Ka nɛ lɛ kũ ka da kɔ ma la kànaa.»

Matiə 17:19

Bɛ kio, Yezu a kialandɛnan nə́ woo Yezu li ǹ dininsɔɔ̃nɔn, ǹ nə́ nɔ̀n da la: «Wàa na á baa wɔsɛn nə boo la wɔ́ nɔ̀ɔnɔn kɛn lɛn loo wa?»

Matiə 9:22

Yezu nə́ n yii bɔyaa á yɛ, á tɔ́n pɛ nɛ: «Maa nɛlɔ lɛ, n foo taã! N din a goleemali na á n kirisibaa.» A din bǎã-n gɔrɔ lɔ lɛ kakabaa yɛ.

Marki 1:34

Min mɛnɛn bɛ́ nɔmaa-n busu tɔrɔ gigiã gɔn, Yezu bɛn tumaa a busu nya, á nɔ̀ɔnɔn loo á n bɔ min gigiã ganaa. A lɛ kɔ mà nɔ̀ɔnɔn lɛn nə boo da wa, a giala, Yezu bɛ́ min mɛn lɛa ǹ tá doɛ̃.

Marki 5:8

Giĩ kɛ n pii miɛ̃, a giala mà Yezu na á pɛ nɔ̀ɔnɔn lɛn manɛ, maǹ soo, ǹ nə n bɔ giĩ lɛ nɛ!

Luku 4:41

Nɔ̀ɔnɔn dɔn nə́ goã n boe gigiã ganaa, bɛ̀ ǹ nə́ n lɛ dii Yezu ganaa: «Ma n Lawa a Nɛ lɛa!» Sɛnɛ, Yezu goã sɛ̀ pii ǹ-a, a goã toɛ ǹ boo kɔsɔ da wa, a giala nɔ̀ɔnɔn lɛn nə́ goã Yezu lɛ doɛ̃ Minin Nyin-sili lɛ lɛa.

Luku 8:29

Sonbore, Yezu na á goã pii nɔ̀ɔn babaraan lɛn manɛ, mà ǹ nə n bɔ giĩ kɛ ganaa. A giala gunyin gigiã nɔ̀ɔnɔn lɛn man nə́ goã giĩ lɛ kuĩ. Bɛ lɛ taman yii, minin man nə́ goã doɛ bɛ̀ ǹ kanan kaa a gòãn-a, ǹ fɔlɔ biɛn yii a gɔnɔn ganaa. Sɛnɛ, a na a gòã yii ǹ mànan lɛn niɛ̃. Nɔ̀ɔnɔn lɛn man nə́ goã nyanɛɛ bɛ̀ ǹ wo-n diə bǎãn nɛ, min bɛ́ a ba bǎãn mɛnɛn nɛ wa.

Luku 9:42

Nɛ lɛ din dɔ a li taãn wa, yǎa nɔ̀ɔnɔn lɛn nə́ kũ ǹ nə́ zũ tán, ǹ nə́ bìn da a ganaa. Sɛnɛ, Yezu paraa nɔ̀ɔn baraan lɛn li, á ǹ loo, á nɛ lɛ kɔ ǹ di la.

Nya ǹ dín 16:18

Á bɛa sii kɛ lɛ zɛnaa lɛawaa damata gɔ́ɔ̃ nɛ. Pooli bɛ́ á nɔmaa, á n bɔyaa á pɛ nɔ̀ɔnɔn lɛn manɛ: «Man pii ka nɛ ka Yezu *Krita tɔ nɛ, ka n bɔ lɔ kɛ ganaa.» A din bǎã-n gɔrɔ, nɔ̀ɔnɔn lɛn nə́ n bɔ a ganaa.