Matiə 16:27 - LAWA A BOO SONBORE

²⁷ A giala, Min a Nɛgiĩ tá re die ka ǹ Di a gugurubaa kɛ nɛ kun ka lon a dia dí-a wolen ne. Bɛa biikoo li ma á re didie sarɛɛ a kɔnpɛ ka a nya ǹ dí ni.

LAWA A BOO SONBORE 2011

²⁷ A giala, Min a Nɛgiĩ tá re die ka ǹ Di a gugurubaa kɛ nɛ kun ka lon a dia dí-a wolen ne. Bɛa biikoo li ma á re didie sarɛɛ a kɔnpɛ ka a nya ǹ dí ni.

Matiə 16:27 ပူးပေါင်းရင်းမြစ်များ

Zɔbu 34:11

A giala, a n minbuiin nɛ sarɛɛ, a kɔnpɛ ka a zɛnaa ǹ sii ni. A n didie sarɛɛ, a kɔnpɛ ka a tɔ wɔ ǹ gɔn nɛ.

Loen 62:12

Má gunyin gigiã bɔ, bɛ̀ ma Lawa a boo kɛ ma kɛnɛn: mà pàã na asɛ din wɔ lɛa.

Suusun 24:12

Kɔntan n tá re pii mà n ba sii kɔn siére-a wa. Sɛnɛ, min mɛn bɛ́ sii tumaa doɛ̃, bɛ á doɛ̃. A n giɛ n ganaa, á re didie sarɛɛ a kɔnpɛ ka a zɛnaa ǹ siin ni.

Boo-laakalaali 3:17

Má pɛ ma din gɔ́ɔ̃-n máa: Lawa á re kiri kuri min pepere laanka min baraa la. A giala, sii tumaa laanka a waáraa nɛ, dí tumaa laanka a biikoo ne.

Zeremii 17:10

Masɛ Dɛnaa Lawa, man giɛ minbuiin nɛ tumaa a taasiɛn laanka a gɔ́ɔ̃gɔ́ɔ̃ ǹ siin ganaa. Bɛa yɔrɔ lɛ la, man didie tumaa kuĩ a kɔnpɛ ka a giã ǹ gɔn laanka a zɛnaa ǹ siin ni.

Zeremii 32:19

Ma n sii dadaran lɛ boe, maǹ yɔrɔ yii ka pàã gole ne. Minbuiin nɛn zɛnaa ǹ siin tumaa nə n yɔrɔ-a. «Ma n didie sarɛɛ a kɔnpɛ ka a giã ǹ gɔn laanka a zɛnaa ǹ siin ni.

Ezekieli 18:20

Bɛ̀ min mɛn sii baraa zɛnaa, bɛa dɛnaa din nə die giɛ̃. Nɛ a sii baraa a doe díi-a wa, díi dɔ a sii baraa ba doe nɛ ganaa wa. Min pepere a peperebaa a saraa n doe a din ganaa, min baraa dɔ a baraabaa a dɔlɔ n doe a din ganaa.

Ezekieli 7:27

Kii á re gɛ̀ koɛ, a kiodɛnan tá re foo ziziɛ̃ ǹ mɔnaan we, gána lɛ a minin gɔ̀nɔn tá re bìn diɛ. Man die ǹ kuĩ ǹ zɛnaa ǹ sii li, ǹ doamaa bɛ́ ka dɔlɔ mɛn nɛ, ma bɛ da ǹ mìi ni. Bɛa biikoo li kəni, ǹ tá re doɛ̃, mà ma din nə Dɛnaa Lawa lɛa.

Zakarii 14:5

Bɛa nyankɔrɔ lɛ kɛ lɛ kelen lɛn bii ni, ka n die baa sii ka bɔ ka bɛ lɛ nɛ, a giala, a n woe yǎa Asali. Ka n die baa sii, ka ka digolon wɔ bɛ́ lɔn, Zudaan kii Oziasi a waáraa, tán a bìn diɛ pinaa. A da yaa, Dɛnaa Lawa, maa Lawa n die die ka a lon a dia dí-a wolen kɛn tumaa nɛ.

Matiə 13:41

Masɛ Min a Nɛgiĩ á re maa dia dí-a wolen diɛ. Min mɛnɛn dinin tumaa bɛ́ sii baraa zɛnɛɛ, ǹ nə́ ǹ miãn dɔn nyanɛɛ ǹ kiɛ a nɛ, ǹ tá re bɛn wɛɛ ǹ nə ǹ bɔ Lawa a kiibaa ǹ bǎã lɛ nɛ,

Matiə 13:49

A n die n biɛ miɛ̃ kanaa a nya pinaa. Lon a dia dí-a wolen man die die, ǹ min baraan gɔgɔɔ̃ ǹ nə́ ǹ bɔ min sonboren li

Matiə 24:30

Bɛa biikoo li, Min a Nɛgiĩ a daa a sii a kɔnbɔ á die soe lon. Kanaa a tɔrɔn tumaa á re n lala diɛ. N tá re Min a Nɛgiĩ yii labaran la, ka pàã gole laanka gugurubaa gole ne.

Matiə 25:31

Bɛ̀ Min a Nɛgiĩ daa ka a kiibaa nɛ, kun ka lon a dia dí-a wolen tumaa nɛ ǹ mɛn pinaa, á die giɛ̃ a kii dankan gole la.

Matiə 26:64

Yezu tɔ́n pɛ nɛ: «Ka n pɛ lɔn. Sɛnɛ, masɛ n pii ka nɛ: A saa sisia ganaa, ka á re Min a Nɛgiĩ yii giã-n tán Lawa Pàãyiidɛnaa gusin, ka á re masɛ yii dɔn die lon a labaran la.»

Matiə 8:20

Yezu tɔ́n pɛ nɛ: «Tolokan yalan tan, bàanan kii tan, sɛnɛ, bǎã kɔ́n ba Min a Nɛgiĩ lon á n mìi susui a-n wa.»

Marki 14:62

Yezu tɔ́n pɛ: «Hiĩ, masɛ n bɛ lɛ lɛa. Ka á re Min a Nɛgiĩ yii giã-n tán Lawa Pàãyiidɛnaa gusin. Ka á re yii dɔn lon a labaran bii die.»

Marki 8:38

Pelo minin mɛnɛn bɛ́ ǹ nə́ n piã ka Lawa nɛ, ǹ nə́ sii baraa zɛnɛɛ, bɛ̀ min mɛn sìi kɔ bɛn yɔrɔ-a a ná a masɛ boo da wa, a masɛ a boo kɛ lɛ dɔ pɛ wa, Min a Nɛgiĩ bɛ́ re boe lon ǹ mɛn pinaa a daa, kun ka lon a dia dí-a wole sonboren ne, ǹ Di a gugurubaa a siĩnbaa kɛ nɛ, a dɔ á die sìi koe a bɛa dɛnaa bíi mà asɛ a kialandɛnaa.»

Luku 21:27

Bɛ kio kəni, ka á re Min a Nɛgiĩ yii die labara la, ka pàã gole laanka gugurubaa gole ne.

Luku 22:69

Sɛnɛ, a kũ sisia ganaa, Min a Nɛgiĩ tá re giɛ̃ Lawa Pàãdɛnaa gusin.»

Luku 9:26

Bɛ lɛ nɛ, min mɛn bɛ́ sìi koe masɛ tɔ pɛ ganaa kanaa, a n sìi koe masɛ a boo kɛ lɛ dɔ a pɛ ganaa, Min a Nɛgiĩ bɛ́ re die ǹ mɛn pinaa, ma din laanka maa Díi a gugurubaa kɛ nɛ, kun ka lon a dia dí-a wole sonboren kɛn nɛ, ma dɔ á re sìi koe bɛa dɛnaa ganaa.

Zaã a sɛ́wɔ 21:22

Yezu tɔ́n na a lɛ si: «Bɛ̀ masɛ tá li mà a goã a yii n koo yǎa masɛ wusii die, n wàa mɛn sii na a nɛ? Yǎa nsɛ kɔ ma kio lɛ!»

Zaã a sɛ́wɔ 21:23

Minin man nə́ n bibiə̃ ka bɛa boo lɛ nɛ dɔɔ̃nɔn lɛn bii mà bɛa kialandɛnaa lɛ a die giɛ̃ wa. A da yaa Yezu bie á pɛ nɛ, mà a re giɛ̃ wa. A màn mɛn pɛ bɛ á ke: Bɛ̀ ma tá li a goã a yii n koo yǎa ma wusii die, n wàa mɛn sii na a nɛ?

Nya ǹ dín 1:11

ǹ nə́ pɛ ǹ nɛ: «Galilee gána minin lɛn, wàa na á baa ka n golee giɛ lon-a kɛnɛn? Lawa Yezu mɛn bɔ ka bii á dii lon, ka yɛ woe lon lɔn ke, a n die wusii a da bɛa yɔrɔ kɛ lɛ la.»

Rɔmu minin 14:12

Bɛa yɔrɔ kɛ lɛ la, didie n die n bɔlɔ pii Lawa-n biɛ̃.

Rɔmu minin 2:6

Lawa n die min gogoonmaa sarɛɛ, a kɔnpɛ a nya ǹ dí ni.

Korɛnti1 15:23

Sɛnɛ, didie wɔ nə n zɛnɛɛ a biikoo li. Bibinaa nɛ, Krita yii na á kaa. Bɛ kio, Krita a wusoo a daa biikoo li, min mɛnɛn bɛ́ a wɔn lɛa, bɛn yii á re kiɛ.

Korɛnti1 3:13

Didie tumaa a nya ǹ dí a là á re yii kiri-kurii pinaa. Taãn nɛ, bɛa pinaa kɛ nɛ, maǹ die giɛ màn tumaa ganaa ka tɛ nɛ. Bɛa tɛ lɛ n die didie tumaa a nya ǹ dí a là nyɛɛ nɛ.

Korɛnti1 8:8

Màn-bii bie doe wɔ-n Lawa li wa. Ta wɔ bii wa, wɔ a foɛ̃ màn kɔ́n li wa, ta wɔ bii, wɔ a màn kɔ́n dɔ yii wa.

Korɛnti2 5:10

A giala, wɔ tumaa doamaa nɛ, wɔ golee *Krita a kiri kuru ǹ bǎã kɛ yɔrɔ-a. A n die kiri we wɔ ganaa, a didie saraa a kɔnpɛ ka a nyaǹ dí ni kanaa, ta a bǐɛ̃ nɛ, ta a baraa nɛ.

Efɛɛzi minin 6:8

Ka n yiri koa a nɛ, ta man bɛ̀rɛ lɛa hinlaa n din gɔn wìi a lɛa, didie sii bǐɛ̃ mɛn zɛnaa, á re bɛ yii Dɛnaa li.

Kolɔɔsi minin 3:25

Lawa a bɔkɔnlɛ we wa, bɛ̀ min dí kɔkɔrɔ nya, bɛa dɛnaa n die a dí kɔkɔrɔ nya ǹ saraa yii.

Tesaloniki1 1:10

Ka ǹ bɛ lɛ gɔ́ɔ̃ nɛ, n yii diɛ a Nɛgiĩ a bɔ lon a daa la, a ǹ mɛn lɛ yii kaa á bɔ geren bii, Yezu lɛ, die wɔ sii Lawa a biɛ̃ ǹ foo-busii la.

Tesaloniki1 4:16

Bɛ̀ Lawa din zii kɔ ǹ mɛn pinaa, lon a dia dí-a wolen goledɛnaa lɛn tá re boe, Lawa a bɛn wuu á re boe, Dɛnaa dinmaa á re boe lon a daa. Min mɛnɛn nə gã bɛ̀ ǹ nə́ golee-n *Krita li, bɛn yii á re kiɛ bibinaanɛ.

Zaaki 5:7

Bɛ lɛ taman yii, ma dɔɔ̃nɔn lɛn, ka si ka ganaa yǎa Dɛnaa a daa pinaa. Ka ga buu-kɔsɔli ganaa. A màn tɔrɔ mɛn da tán, a nə n yii diɛ bɛ la yǎa a miɛ sɔnbɔraanɛ. Bɛ gɔ́ɔ̃ nɛ, a n sii sii a ganaa, yǎa la bibinaa laanka a nyɔɔbaa nə kiɛ.

Piɛrɛ1 1:17

Ka n Lawa bíi Díi bɛ̀ ka tá a nyankoe, sɛnɛ, ka n yiri koa a nɛ, mà a n kiri kuri min gogoonmaa la, á kɔnpii ka a nya ǹ dí ni, a bɔkɔnlɛ we wa. Bɛ lɛ taman yii, biikoo gialakun mɛn bɛ́ tɔn ka gɔn, ka n zɛnɛɛ kanaa, ka tɔ wɔ ka nyɛ́ɛbaa a yii-n ni.

Zaã1 2:28

A bɛ́ miɛ̃ kəni, maa nɛnyaanan lɛn, ka toa ka goã kun ka Krita nɛ, ń giɛ, wɔ á goɛ̃ piɛ̃-n ka foo-doa nɛ, a din-nyaa biikoo li, sìi baran wɔ kũ a daa pinaa, wɔ wɔlɔ lui a ganaa wa.

Zude 1:14

Enɔɔki mɛn bɛ́ á goã Aadã a nɔ̀ɔ fulupaa lɛa, bɛ́ Lawa a boo gii da lɛlɛ bɛa minin kɛn lɛn dɔlɔ wɔ gɔn la á pɛ: «Á ke! Dɛnaa n die ka lon a dia dí-a wole duu damata kɛ nɛ,

Sii-nyaan 1:7

Ka ga a ganaa! Yezu n die labaran bii! Min tumaa á re yii, haalɛ min mɛnɛn bɛ́ ǹ nə́ fɔ̃. Kanaa a tɔrɔn tumaa la á re paparɛ a lɛa. Hiĩ, a n miɛ̃!

Sii-nyaan 2:23

Ma á re a nɛnyaanan tumaa dii. Ka bɛ nɛ, Lawa a sɔmɔ minin tumaa á re doɛ̃, mà min mɛn bɛ́ minbuiin tumaa a taasiɛn doɛ̃, ka ǹ foo sii duriin ni, mà bɛ n ka masɛ nɛ. Ma á re ka gogoonmaa sarɛɛ, a kɔnpɛ ka a din a sii-zɛnaan nɛ.

Sii-nyaan 20:12

Má geren tumaa yɛ, a bɔnboɛɛnɛn nɛ ka a dadaran nɛ, ǹ nə́ golee kii dankan lɛ yɔrɔ-a. Ǹ nə́ sɛ́wɔn lɛ bũ, geren lɛn sii-zɛnaan nə́ kiɛ̃ nɛ ǹ nɛ. Sɛ́wɔ kɔsɔ dɔ nə́ n lɛ bũ, yiikoonaabaa ǹ sɛ́wɔ n ka bɛ nɛ. Geren lɛn siin mɛnɛn bɛ́ kiɛ̃-n sɛ́wɔn lɛn nɛ, maǹ nə́ kiri kuru ǹ la bɛn lɛn li.