Matiə 16:21 - LAWA A BOO SONBORE

²¹ A saa bɛa biikoo lɛ ganaa, Yezu ná a giala kɔ á nyaa a kialandɛnan manɛ ka a fubaa nɛ, á pɛ: «Masɛ doamaa nɛ ma wo Zeruzalɛmu, ma nɔmaa Zuifun sii yɔrɔ-bɔlen gɔn parsiini: ǹ goledɛnan nɛ, ǹ Lawa a wúlu-bɔlen goledɛnan nɛ ka ǹ landa sii-daraalin ni. Ǹ tá re ma dii, maa gɛ̀ lɛawaa sɔɔ, ma yii á die kiɛ.»

LAWA A BOO SONBORE 2011

²¹ A saa bɛa biikoo lɛ ganaa, Yezu ná a giala kɔ á nyaa a kialandɛnan manɛ ka a fubaa nɛ, á pɛ: «Masɛ doamaa nɛ ma wo Zeruzalɛmu, ma nɔmaa Zuifun sii yɔrɔ-bɔlen gɔn parsiini: ǹ goledɛnan nɛ, ǹ Lawa a wúlu-bɔlen goledɛnan nɛ ka ǹ landa sii-daraalin ni. Ǹ tá re ma dii, maa gɛ̀ lɛawaa sɔɔ, ma yii á die kiɛ.»

Matiə 16:21 ပူးပေါင်းရင်းမြစ်များ

Nehemii 12:7

Salu ni, Amɔki ni, Hilkiya nɛ, ka Yedaya nɛ. Zozoe a biikoo li, bɛn lɛn man nə́ goã Lawa a wúlu-bɔlen nyɛɛnaandɛnan lɛa, ǹ dɔɔ̃nɔn dɔn nyɛɛnaandɛnan lɛa.

Matiə 12:40

Zonaasi bɛ́ á lɛawaa sɔɔ laanka tèlò sɔɔ zɛnaa zɔ̀ gole gɔ́ɔ̃-n lɔn, Min a Nɛgiĩ dɔ n die lɛawaa sɔɔ laanka tèlò sɔɔ zɛnɛɛ yala-n miɛ̃.

Matiə 16:22

Piɛrɛ kũ á soo-n tiãlɛa, á yoo a gialaa: «Dɛnaa, Lawa nə n kanbaa bɛ ganaa! Aba, bɛa re n yii wa!»

Matiə 16:28

Masɛ n pii ka nɛ, sonbore, kasɛn mɛnɛn bɛ́ kànaa, ka tɛnɛn yii á die Min a Nɛgiĩ yii die kii lɛa ka tɔn gã.»

Matiə 17:12

Bɛ din tumaa a kiɛ̃ kio, masɛ n pii ka nɛ, Yilii daa dinin, sɛnɛ, minbuiinin nə dɔ̃ wa, ǹ nə́ n foo sii zɛnaa a ganaa. Ǹ dinin lɛn man die Min a Nɛgiĩ dɔ nɔmiɛ miɛ̃.»

Matiə 17:9

Ǹ bɛ́ gisĩ ǹ boe kele lɛ la ǹ mɛn waáraa, Yezu nə́ n gɔn waa ǹ nɛ: «Sii mɛn nə́ n nyaa ka-n ke, ka nyan toa ka a boo da min kɔ́n yii-n wa, yǎa Min a Nɛgiĩ yii kiɛ a n boe geren bii.»

Matiə 20:28

Min a Nɛgiĩ dinmaa kɛ lɛ na á daa miɛ̃, a bie á daa mà minin nə dí nya asɛ-n wa, sɛnɛ, a na á daa dí nya minin manɛ, á n din nyin kɔ minbuiin tumaa nyin si ǹ giɔ̀mɔ lɛa.»

Matiə 26:2

«Ka á doɛ̃ mà *kiɛ̃mala ǹ zɔ́n gialakun na á goã lɛawaa paa. Ǹ tá re Min a Nɛgiĩ koe minin la, ǹ dere gɔn ganaa.»

Matiə 26:47

Yezu bɛ́ boo diɛ, Zudaasi daa á dɔ gɔrɔ, a kialandɛnaa fulupaa lɛ a goon ne. Lawa a wúlu-bɔlen goledɛnan laanka Zuifun goledɛnan nə́ zaman gole dia kun ni, ǹ nə́ daa ka gɔya san laanka bàbàlan nə ǹ gɔn.

Matiə 27:12

Bɛ kio, Lawa a wúlu-bɔlen goledɛnan laanka Zuifun goledɛnan kɔsɔn bɛ́ a zɛ̀rɛ biɛ, a boo kɔ́n da wa.

Matiə 27:63

ǹ nə́ pɛ: «Goledɛnaa, wɔsɛn yiri tá a nɛ minin yiri-sãli kɛ lɛ pɛ, bɛ̀ a yii bɛ́ tɔn koo mà asɛ a gɛ̀ lɛawaa sɔɔ, mà asɛ yii á die kiɛ.

Matiə 28:6

A ba kànaa wa, a yii kaa á n bɔ geren bii, ka a bɛ́ á pɛ lɔn. Ǹ naa tán bǎã mɛn nɛ, ka da ga a bǎã ganaa.

Marki 8:31

Bɛ kio, sii mɛn bɛ́ Yezu nyɛɛnɛ, a ná a giala kɔ á pɛ a kialandɛnan manɛ: «Min a Nɛgiĩ doamaa nɛ a nɔmaa parsiini, Zuifun sii yɔrɔ-bɔlen tumaa á re n piɛ̃ nɛ: Ǹ goledɛnan nɛ, ka ǹ Lawa a wúlu-bɔlen goledɛnan nɛ, ka ǹ landa sii-daraalin ni. Ǹ tá re dii, sɛnɛ, lɛawaa sɔɔ bɛ kio, a yii á die kiɛ.»

Marki 9:12

Á tɔ́n pɛ ǹ nɛ: «Sonbore ne, Yilii doamaa nɛ a daa bɔrɔ, a sii din tumaa yɔrɔ bɔ sɔnbɔraanɛ. Sɛnɛ, wàa na á baa a kiɛ̃maa tá Lawa a boo ne, mà Min a Nɛgiĩ tá re nɔmiɛ parsiini, mà minin tá re n piɛ̃-n dɔn?

Luku 17:25

Sɛnɛ, yǎa ma fuu yii bɔrɔ parsiini, pelo minin nə n piɛ̃ ka ma nɛ.

Luku 24:46

Á pɛ ǹ nɛ: «Màn mɛn nə n kiɛ̃ bɛ á ke: Minin Nyin-sili lɛ n die fuu yii, sɛnɛ, a gɛ̀ lɛawaa sɔɔbaa ǹ wɔ pinaa, a yii á re kiɛ a n bɔ geren bii.

Luku 9:31

ǹ nə́ golee a li ka Lawa a siĩnbaa nɛ. Maǹ nə́ goã boo diɛ ka Yezu ni a din wɔ gɔn la, a bɛ́ re giɛ̃ lɔn Zeruzalɛmu kiwi, a kɔnpɛ ka Lawa din a sii yɔrɔ boe kɛ nɛ.