Matiə 16:16 - LAWA A BOO SONBORE

¹⁶ Simɔn mɛn tɔ bɛ́ Piɛrɛ, bɛ tɔ́n nə n toa: «Ma n Minin Nyin-sili lɛa, Lawa bɛ́ a pɛ mà asɛ á re ǹ mɛn lɛ diɛ, ma n Lawa yiikoonaa a Nɛ lɛa.»

LAWA A BOO SONBORE 2011

¹⁶ Simɔn mɛn tɔ bɛ́ Piɛrɛ, bɛ tɔ́n nə n toa: «Ma n Minin Nyin-sili lɛa, Lawa bɛ́ a pɛ mà asɛ á re ǹ mɛn lɛ diɛ, ma n Lawa yiikoonaa a Nɛ lɛa.»

Matiə 16:16 ပူးပေါင်းရင်းမြစ်များ

Loen 2:7

Dɛnaa Lawa golee boo mɛn la, man die bɛ lɛ pii. Dɛnaa Lawa pɛ ma-n kɛnɛn: Ma n maa nɛgiĩ lɛa, a kũ pelo ganaa, masɛ din ni n Díi lɛa.

Loen 42:2

Ee Lawa, mu boro bɛ́ yuùn kuĩ lɔn, n dɔ sii n masɛ kuĩ miɛ̃.

Matiə 1:16

Zakɔba na á Zozɛfu yɛ. Zozɛfu na á Mariya ǹ zuũ baa. Ǹ bɛ́ Yezu mɛn bíi Krita, Mariya na á bɛ yɛ.

Matiə 14:33

Yezu a kialandɛnan mɛnɛn bɛ́ goo lɛ gɔ́ɔ̃ nɛ, bɛn nə́ nɔmaa ǹ nə́ kaa tán-a Yezu giulun, ǹ nə́ pɛ: «Sonbore pɛ á pɛsã, ma n Lawa a Nɛgiĩ lɛa!»

Matiə 16:15

Á tɔ́n pɛ ǹ nɛ: «Ka dininmaan kɛn lɛn man pii mà masɛ n die lɛa?»

Matiə 26:63

Sɛnɛ, Yezu nə́ n lɛ tã. Wúlu-bɔlen kiã tɔ́n pɛ nɛ: «Ká Lawa yiikoonaa tɔ nɛ, bɛ̀ n din ni Minin Nyin-sili lɛa, bɛ̀ Lawa a Nɛgiĩ n ka n din lɛ nɛ, a pɛ wɔsɛn manɛ.»

Matiə 27:54

Rɔmun sɔraasin goledɛnaa laanka sɔraasin mɛnɛn nə́ goã Yezu lɛduĩ, bɛn nə́ tán a bìn-diɛ lɛ yɛ, kun ka sii mɛn tumaa nə́ n zɛnaa, nyɛ́ɛ nə́ ǹ kũ parsiini, ǹ nə́ tɔ́n pɛ: «A na á goã Lawa a Nɛgiĩ lɛa sonbore!»

Matiə 4:3

Da minin gɔ́ɔ̃ li wole lɛ tɔ́n nə́ n zɔ̃ á dɔ a li, á pɛ nɛ: «Bɛ̀ ń tá Lawa a Nɛgiĩ lɛa sonbore, a pɛ kɔlɔn kɛn manɛ, mà ǹ nə n bɔyaa ǹ nə n baa màn-bii lɛa.»

Marki 14:61

Sɛnɛ, Yezu nə́ n lɛ tã, a boo kɔ́n da wa. Lawa a wúlu-bɔlen kiã wusoo á nɔ̀n da la: «N din lɛ n Minin Nyin-sili lɛa? Lawa sonbore kɛa Nɛgiĩ nə n nɛ?»

Luku 2:11

Pelo kɛ lɛ nɛ, Davida a kiwi, Kirisibaali na á yɛ kaa lɛa, Dɛnaa lɛ nɛ, Lawa bɛ́ á pɛ, mà asɛ á re Minin Nyin-sili mɛn lɛ diɛ.

Zaã a sɛ́wɔ 1:49

Bɛ kio, Natanayeli tɔ́n pɛ Yezu ni: «Mìinaa, masɛ dɔ̃ sisia, máa ma n Lawa a Nɛ lɛa, máa ma n Izirayeli minin kii lɛa.»

Zaã a sɛ́wɔ 11:27

Marti ná a lɛ si: «Hiĩ, Dɛnaa, má golee li máa n din ni Minin Nyin-sili lɛ lɛa, ma n Lawa a Nɛgiĩ lɛa, min mɛn doamaa bɛ́ nɛ a da kanaa gɔ́ɔ̃ nɛ.»

Zaã a sɛ́wɔ 20:31

Sɛnɛ, ǹ mɛnɛn boo bɛ́ a nɛ, bɛn man nə́ n kiɛ̃ màn mɛn bɛ́ toɛ, ka waa la mà Yezu n Minin Nyin-sili lɛa, Lawa a Nɛgiĩ ni, ka bɛ dɔ nɛ, bɛ̀ ká waa la, ka yiikonaabaa taãn yɛ ka a din tɔ nɛ.

Zaã a sɛ́wɔ 6:57

Maa Díi mɛn n ma dia, a din lɛ n yiikoonaabaa koe, ma yii n koo ka bɛ lɛ barka nɛ, bɛ̀ min mɛn n masɛ sɔ̃, bɛa dɛnaa dɔ yii n goɛ̃ koo miɛ̃ ka masɛ barka nɛ.

Zaã a sɛ́wɔ 6:68

Simɔn Piɛrɛ tɔ́n a lɛ si: «Dɛnaa, wɔsɛn man die woe die li? Nyin nyabaã kɔ ǹ boon lɛn man nə n din gɔn.

Zaã a sɛ́wɔ 6:69

Wɔsɛn nə́ golee li, wɔ́ dɔ̃ dɔn, wáa Lawa din a dia dí-a wole sonbore nə n ne.»

Nya ǹ dín 14:15

«Wàa na á baa ka tá siin kɛn zɛnɛɛ? Wɔsɛn dɔn man minbuiinin lɛa ka ka bɛ́ lɔn. Wɔsɛn bɛ́ boo kɔɔ̃n mɛn pii ka nɛ, bɛ n ka kɛ nɛ, wɔsɛn wáa ka n bɔ kɛa dì kooron kɛn kio, ka wusoo ka da Lawa yiikoonaa kɛ ganaa, Lawa mɛn bɛ́ á lon laanka tán zɛnaa, ka yìsi mu ni ka a gɔ́ɔ̃gɔ́ɔ̃ ǹ màn tumaa nɛ.

Nya ǹ dín 8:36

Ǹ bɛ́ zii lɛ la woe, ǹ nə́ woo dɔ mu bǎã goon ne, yǎa Etiopiin giĩ lɛ pɛ: «Mu á ke. Wàa n nə masɛ kurii batɛmu lɛ a yɛ ganaa?»

Nya ǹ dín 8:37

[Filipi pɛ nɛ: «Bɛ̀ ń golee Lawa li ka n foo din tumaa nɛ, n tá boe la n bɛa batɛmu lɛ yɛ.» Giĩ lɛ ná a lɛ si: «Masɛ golee li máa Yezu Krita lɛ n Lawa a Nɛgiĩ lɛa.»]

Nya ǹ dín 9:20

A ná a giala kɔ gɔrɔ á woe lɛsɔkɔn kionən ne, á pii mà Yezu n Lawa a Nɛgiĩ lɛa.

Rɔmu minin 1:4

a na á goã Lawa a Nɛgiĩ dɔ lɛa. Lawa a Yiri Fu na á bɛ nyaa, ka pàã gole ne, ka bɛa Yezu lɛ a yii-kaa a bɔ geren bii barka nɛ.

Korɛnti2 1:19

A giala masɛ nɛ, ka Silaasi laanka Timote ne, wɔ Lawa a Nɛ Yezu Krita mɛn boo laakalaa kaa piɛ, a bie á goã pii mà «Hiĩ», a da yaa «Haayii» na a gɔ́ɔ̃-n wa. Ka bɛ-n dinin, a na á goã Lawa a «Hiĩ» lɛa.

Korɛnti2 3:3

Boo taãn nɛ, ka n sɛ́wɔ lɛa, *Krita din kiɛ̃, masɛ n má daa koa. A bie á kiɛ̃ ka sɛ́wɔ kiɛ̃ ǹ mu-n ma, sɛnɛ, a na á kiɛ̃ ka Lawa yiikoonaa a Yiri Fu ni. A bie á kiɛ̃ kɔlɔn ganaa wa, sɛnɛ, a na á kiɛ̃ minbuiinin foo ne.

Korɛnti2 6:16

Lawa a kion a wàa n boe la a goã kun ka min kooron wúlu bɔ ǹ mànan nɛ? A giala, wɔ ǹ Lawa yiikoonaa a kion lɛa. Ka a din bɛ́ á pɛ lɔn: «Ma á re giɛ̃ ǹ bii, ma goã ǹ li. Ma á re ǹ Lawa biɛ, ǹ tá re maa zaman biɛ.»

Timəə dí-pɛn 5:26

Min bin Lawa Yiikoonaa kɛ lɛ ma boo diɛ tɛ bii ka wɔsɛn bɛ́ lɔn, a yii wusoo á goã koo?

Tesaloniki1 1:9

A giala, ká wɔ kũ lɔn bɛ̀ wɔ bɛ́ wɔ́ daa kaa piɛ, min tumaa na a laakalɛɛ. Ká dìn toa walan lɔn ká Lawa taãn kɛ guguru kɔ, Lawa yiikoonaa ke, ǹ tá bɛ dɔ pii.

Timote1 3:15

Sɛnɛ, bɛ̀ má belebɔ ma a die wa, n doamaa bɛ́ nɛ n dí mɛn nya Lawa a kion minin bii, sɛ́wɔ kɛ lɛ á re toɛ n bɛ dɔ̃. Bɛa kion lɛ n Lawa yiikoonaa a sɔmɔ lɛa, sonbore koa ǹ bǎã laanka a tamaa ǹ bǎã nɛ, ka yírəə bɛ́ we-n kion li lɔn, á n kuĩ koɛ lon.

Timote1 4:10

Bɛ̀ n yaa wɔ á dí nyɛɛ, wɔ á yɔ kaka boe, wɔ foo bɛ́ doa-n Lawa yiikoonaa mɛn ganaa, bɛa lɛa nɛ, asɛ mɛn bɛ́ giɛ li a min tumaa kirisibaa, sanparɛ min mɛnɛn foo bɛ́ doa nɛ a ganaa.

Ebrəə 10:31

Min mɛnaa Lawa yiikoonaa kɛ gɔn dɔlɔ a lɛa, bɛ á baraa taãn-taãnɛ.

Ebrəə 12:22

Sɛnɛ, kasɛn man ká n mɔrɔ *Siɔn kele kɛ ganaa, ka Lawa yiikoonaa a kiwi kɛ nɛ, Lon a Zeruzalɛmu ke, ka a lon a dia dí-a wole duu damata kɛ nɛ.

Ebrəə 3:12

Dɔɔ̃nɔn lɛn, ka yiri bɔ ka dinin li, min kɔ́n baran yɛ ka bii a foo n baraa, yǎa golee Lawa li baã niɛ̃, a boe Lawa yiikoonaa kɛ ganaa wa.

Ebrəə 9:14

Sanparɛ Krita mà ke kəni! Krita mɛn bɛ́ á n din kɔ Lawa la, wúlu màn yoreen lɛa, ka Yiri Fu nyabaã wole barka nɛ, bɛ á boe la, a wɔ foon pii, a wɔ si bɔ̀nbaa ǹ sii zɛnaan la, màn mɛn bɛ́ toɛ, wɔ dí nya Lawa Yiikoonaa kɛ nɛ.

Zaã1 4:15

Min mɛn bɛ́ pii mà Yezu n Lawa a Nɛgiĩ lɛa, Lawa n kun bɛa dɛnaa nɛ, ǹ dɛnaa dɔ n kun Lawa nɛ.

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.

Zaã1 5:5

Die n boe kanaa la? Min mɛn bɛ́ golee li, mà Lawa a Nɛgiĩ n ka Yezu ni, yǎa bɛ dinsɔɔ̃.

Sii-nyaan 7:2

Má tɔ́n lon a dia dí-a wole goon yɛ doo, á n toa lɛ̀giala-n á dii lon, Lawa yiikoonaa a nyaǹ kiɛ̃ ǹ màn kɛ ná a gɔn. Lawa pàã kɔ lon a dia dí-a wole sii mɛn la, mà ǹ tán laanka yìsi mu gole nɔmaa, á n lɛn gole bɔ, á paraa bɛn li, á pɛ ǹ nɛ: