Matiə 15:31 - LAWA A BOO SONBORE

³¹ Minin bɛ́ ǹ nə́ lɛ tere-an yɛ boo diɛ, ǹ bɛ́ ǹ nə́ wɔ̀lɔ̀dɛnan yɛ ǹ nə́ kaka kɔ, gɔ̃naan nə́ tɔ we telee ne, yii tere-an yii n wɔlɔ yii, ǹ nə́ n kaãbaa parsiini, ǹ ná a giala kɔ ǹ nə́ Izirayeli minin Lawa guguru kɔ.

LAWA A BOO SONBORE 2011

³¹ Minin bɛ́ ǹ nə́ lɛ tere-an yɛ boo diɛ, ǹ bɛ́ ǹ nə́ wɔ̀lɔ̀dɛnan yɛ ǹ nə́ kaka kɔ, gɔ̃naan nə́ tɔ we telee ne, yii tere-an yii n wɔlɔ yii, ǹ nə́ n kaãbaa parsiini, ǹ ná a giala kɔ ǹ nə́ Izirayeli minin Lawa guguru kɔ.

Matiə 15:31 ပူးပေါင်းရင်းမြစ်များ

Siin Giala 32:28

Giĩ lɛ tɔ́n nɔ̀n da la: «N tɔ n die?» A ná a lɛ si: «Ma tɔ n Zakɔba.»

Siin Giala 33:20

Á *wúlu bɔ ǹ bǎã dɔ walan, á bíi mà "Lawa n Izirayeli a Lawa lɛa".

Loen 50:15

Bɛ̀ fuu dɔ n ganaa ǹ mɛn pinaa, ma bíi wɔ, ma á re n kirisibiɛ, n tá re ma guguru koe.

Loen 50:23

Min mɛn bɛ́ barka diɛ ma nɛ, bɛa dɛnaa n ma guguru koe. Min mɛn bɛ́ tɔ pepere we, ma á die nyɛɛ nɛ, máa masɛ Lawa na a kirisibaali lɛa.

Bɔ bɛ̀rɛbaa nɛ 24:10

Ǹ nə́ Izirayeli a Lawa lɛ yɛ. Màn kɔ́n na á goã nyɔmaa-n tán a giulun, ka kɔlɔn kɛn bɛ́ lɔn, ǹ nə́ goã bɔlaan lɛa ka yoreen yoreen, ka lon gɔ̀nɔn bɛ́ lɔn.

Matiə 15:30

Zaman gigiã daa a li ka gɔ̃naan nɛ, yii tere-an nɛ, wɔ̀lɔ̀dɛnan nɛ, lɛ tere-an nɛ, ka busulə tɔrɔ gigiã kɔsɔn nɛ. Ǹ nə́ ǹ kaa tán-a Yezu giulun, á ǹ kaka kɔ.

Matiə 18:8

Bɛ̀ n gɔn hinlaa n gòã tá n diɛ sii baraa nɛ, ǹ kuru n nə ǹ bɔ n ganaa n nə ǹ zũ sɔsɔɔ. Bɛ̀ n goã n yii n koo ka n gɔn goon hinlaa ka n gòã goon ne Lawa a piɛ, bɛ á soɛ n nə n gɔnɔn paanan laanka n gòãn paanan toa n ganaa n wusoo n wo ǹ ne tɛ-n, tɛ mɛn bɛ́ a nimi wa!

Matiə 21:14

Yii tere-an kɔnɔn laanka bɔlɔka tɔrɔ kɔsɔn nə́ n zɔ̃ ǹ nə́ dɔ Yezu li Lawa a kion, Yezu nə́ ǹ busu nya.

Matiə 8:10

Yezu bɛ́ á bɛa boon lɛn ma lɔn, á n kaãbaa ǹ ganaa parsiini, á tɔ́n pɛ a kiodɛnan lɛn manɛ: «Masɛ n pii ka nɛ sonbore: ma bin kɛa golee Lawa li kɛ miã tɔrɔ yɛ min kɔ́n lon Izirayeli gána-n wa.

Matiə 9:32

Ǹ bɛ́ woe ǹ mɛn waáraa, minin nə́ daa ka giĩ goon ne Yezu li, a boe boo diɛ la wa, a giala nɔ̀ɔnɔn man nə́ goã a ganaa.

Matiə 9:33

Yezu bɛ́ á bɛa nɔ̀ɔnɔn lɛn loo lɔn, lɛ tere-a lɛ ná a giala kɔ á boo da. Zaman lɛ nə́ n kaãbaa parsiini, ǹ nə́ pɛ: «Wɔsɛn bin ni kɛ miã yɛ Izirayeli gána-n wa!»

Matiə 9:8

Zaman lɛ bɛ́ á bɛ yɛ lɔn, nyɛ́ɛ nə́ ǹ kũ parsiini. Ǹ nə́ goã Lawa guguru koe, bɛ miã pàã kɛ lɛ a kɔ minbuiinin la taman yii.

Marki 2:12

Giĩ lɛ yoo, a ná a piì saa gɔrɔ, á soo min tumaa yii ni, á woo. Á kaãbaa da ǹ tumaa ganaa parsiini, ǹ tumaa goã Lawa guguru koe, ǹ nə́ pii: «Wɔsɛn nə tɔn kɛ miã yɛ duduu wa.»

Marki 7:37

Minin nə́ goã n kaãbiɛ a zɛnaa ǹ siin ganaa á la yii ni. Bɛ lɛ nɛ, ǹ nə́ goã pii: «E, ka ga a zɛnaa ǹ siin ganaa dɛ! Ǹ tumaa n siĩn sɔɔ̃nɛ. A n too tere-an dinin diɛ boo ma ganaa, a n lɛ tere-an dɔn diɛ boo diɛ ganaa.»

Marki 9:43

Bɛ̀ n gɔn goon tá n diɛ sii baraa nɛ, a kuru n bɔ n ganaa. A giala, n goã n yii n koo ka n gɔn goon ne Lawa a piɛ, bɛ á soɛ n nə n gɔnɔn paanan toa n ganaa n wo ǹ ne tɛ-n, nɔmaa ǹ tɛ mɛn bɛ́ a nimi wa. [

Luku 14:13

Bɛ̀ ń minin bíi zɔ́n màn-bii ganaa, lɛ dia doobaan la ka bɔlɔkan nɛ ka siməə wolen ne ka yii tere-an nɛ.

Luku 14:21

«Dí-nyali lɛ wusoo á woo bɛa boon kɛn lɛn pɛ a goledɛnaa nɛ. Kiondɛnaa lɛ foo tɔ́n yoo, á pɛ a dí-nyali lɛ nɛ mà a wo fufuu kiwi lɛ a zaman bǎãn nɛ ka a ziin ni, a da kun ka doobaan nɛ ka bɔlɔkan nɛ ka yii tere-an nɛ ka siməə wolen ne.

Luku 18:43

A din bǎã-n gɔrɔ, a yii boo la á wɔlɔ yɛ, á goã koe Yezu lɛ bɛ̀ a n Lawa tɔ boe. Zaman lɛ tumaa bɛ yɛ, ǹ dɔn nə́ yoo ǹ nə́ barka diɛ Lawa nɛ.

Luku 7:16

Nyɛ́ɛ min tumaa kũ, ǹ nə́ goã Lawa tɔ boe bɛ̀ ǹ nə́ pii: «Lawa a boo gii-dali gole na á bɔ wɔsɛn bii. Lawa na á daa n dɔ a din a tɔrɔ boe kɛ lɛ.»

Zaã a sɛ́wɔ 9:24

Fariziɛ̃n nə́ yii tere-a zizi lɛ bíi doo ka a paabaa ǹ wɔ nɛ, ǹ nə́ pɛ nɛ: «Nyɛ́ɛ baa Lawa yii ni, n sonbore pɛ dɛ! Wɔsɛn tá doɛ̃ wáa giĩ kɛ lɛ n sii baraa-zɛnaali lɛa.»