Matiə 14:31 - LAWA A BOO SONBORE

³¹ A din bǎã-n gɔrɔ Yezu nə́ n gɔn dia á kũ. Á tɔ́n pɛ nɛ: «N golee Lawa li á kiɛɛrɛ dɛ! Wàa na á baa n foo biɛ na?»

LAWA A BOO SONBORE 2011

³¹ A din bǎã-n gɔrɔ Yezu nə́ n gɔn dia á kũ. Á tɔ́n pɛ nɛ: «N golee Lawa li á kiɛɛrɛ dɛ! Wàa na á baa n foo biɛ na?»

Matiə 14:31 ပူးပေါင်းရင်းမြစ်များ

Siin Giala 22:14

Abrahamu bɛa bǎã lɛ bíi mà "Dɛnaa din tá re bɛ yɔrɔ boe". Bɛ lɛ na á toa, ǹ nə́ tɔn pii pelo mà "Dɛnaa din tá re bɛ yɔrɔ boe kele la".

Loen 138:7

Ta man nɔmaa bii, n din nə ma kanbiɛ, n tá maa zɔ́ɔn kɛn foo-busii toɛ ǹ gɔ́ɔ̃ nɛ. N din tá re ma kirisibiɛ, ka n din pàã nɛ.

Izayii 63:12

Ǹ zii tɔ wɔ gɔ́ɔ̃ nɛ, a din na á pàã kɔ Muizu la. Á yìsi mu yu kɔn ǹ nyɛɛnɛ, màn mɛn bɛ́ toɛ, a tɔ goã yǎa duduu.

Matiə 14:30

A bɛ́ á ga piɛ̃ lɛ a bɔ ǹ gɔn ganaa, nyɛ́ɛ kũ. A bɛ́ giɛ mà á woe mu giala-a, á nɔmaa á n lɛ dɛ: «Dɛnaa, da ma la wooo!»

Matiə 14:32

Ǹ dinin paanan nə́ wɔ goo lɛ gɔ́ɔ̃ nɛ, piɛ̃ lɛ nə́ n lɛ kũ.

Matiə 16:8

Sɛnɛ, Yezu bɔ a siére-a, á tɔ́n pɛ ǹ nɛ: «Wàa na á baa ka á taasɛ mà masɛ n kaa buuru támalonbaã boo diɛ. Kaa golee Lawa li á kiɛɛrɛ dɛ!

Matiə 17:20

Yezu tɔ́n pɛ ǹ nɛ: «A giala, kaa golee Lawa li á kiɛɛrɛ á la yii ni. Masɛ n sonbore pii ka nɛ: Mutarde nàn mɛn din bɛ́ kiɛɛrɛ, bɛ̀ golee Lawa li yɛ ka lon a gole baa dɔ bɛ li, bɛ̀ ka pɛ kele kɛ nɛ mà a yoo a n bɔ kànaa a wo kɛnɛn li, a n yui a woo. Bɛ̀ ka ba re foɛ̃ sii kɔ́n baa lɛ wa. [

Matiə 6:30

Buu mɛn bɛ́ don pelo, minin nə die tɛ koɛ-n biɛ̃, bɛ̀ Lawa tá n yiri koɛ bɛ li á n tamaɛ, sanparɛ ka kasɛn nɛ! Á die n yiri koɛ ka dɔn nɛ a ka dɔn tamaa. Kaa golee Lawa li á kiɛɛrɛ dɛ!

Matiə 8:26

Yezu tɔ́n pɛ ǹ nɛ: «Wàa na á baa ka tá nyɛ́ɛ biɛ miɛ̃, kaa golee Lawa li a kiɛɛrɛ dɛ!» Bɛa bǎã-n gɔrɔ, Yezu yoo, á paraa piɛ̃ lɛ laanka tà mu lɛ li. Wɔlɔ nyɛɛ ka kiĩn.

Marki 1:31

Á n zɔ̃ á dɔ a li, á kũ a gɔn-a, á saa á da a giala la. A gɔ̀nɔn-wɛ̃ lɛ nya, á yoo á màn-bii zɛnaa á kɔ ǹ la.

Marki 1:41

A makara Yezu kũ parsiini. Yezu nə́ n gɔn saa á da a ganaa, á pɛ nɛ: «Ma tá li, máa n busu nya.»

Marki 11:23

Man pii ka nɛ sonbore ne: Bɛ̀ min mɛn golee Lawa li, ǹ dɛnaa á boe la a pɛ kele kɛ din ni mà a yoo a n bɔ kànaa, a wo n dɔ yìsi mu gole li, bɛ̀ á golee li ma pɛ lɔn, á die n zɛnɛɛ miɛ̃, bɛ̀ á n gɔ́ɔ̃ baa goon, a nə n zɛnɛɛ nɛ.

Marki 16:7

Ka woo ka pɛ a kialandɛnan lɛn manɛ, ka pɛ Piɛrɛ dɔ nɛ, mà á die woe ǹ nyɛɛnɛ Galilee gána nɛ. Mà ǹ tá re woe yiɛ walan, ka a bɛ́ á pɛ ǹ nɛ lɔn.»

Marki 4:40

Yezu tɔ́n pɛ a kialandɛnan lɛn manɛ: «Wàa na á baa ka á nyɛ́ɛ biɛ? Goleemali ba ka lon haalɛ tɔn pelo wa?»

Marki 5:41

Á wɔ kion lɛ nɛ, á nɛ lɛ kũ a gɔn ganaa, á pɛ nɛ: «Nɛnɛn lɛɛ, masɛ n pii ni, máa n yoo lon!» (Ka ǹ dinin bɔlɔ nɛ: mà «Talita kumii.»)

Luku 24:34

Bɛn nə́ pɛ bɔ zii-n wolen lɛn manɛ: «Sonbore ne, Dɛnaa lɛ yii kaa á n bɔ geren bii. Á n din nyaa Simɔn nɛ.»

Nya ǹ dín 4:30

N din dí nya, màn mɛn bɛ́ toɛ busulən nə kaka kɔ, kaãbaa ǹ sii dadara kɔsɔn nə n zɛnaa ka n din a dí-nyali Yezu kɛ tɔ barka nɛ, bɛ mɛn bɛ́ n din wɔ lɛa.

Timəə dí-pɛn 32:36

Dɛnaa Lawa din nə die a minin lɛn sii yɔrɔ boe. Bɛ̀ á yɛ mà ǹ pàã nya ǹ mɛn waáraa, dɔmalɛ wole ná a ba ǹ lon wa, foo doa ǹ bǎã ná a ba ǹ lon wa, á re wusii a makara bɔ a dí-nyalin lɛn ganaa.

Timote1 2:8

Man giɛ li kəni, máa giĩn nə Lawa nyankɔ bǎã tumaa ni, ǹ nə n gɔnɔn dia Lawa la, ǹ gɔ́ɔ̃ n fu, foo-busii ná a banban, zia ná a banban.

Piɛrɛ1 1:5

Maǹ koa-n ka dinin manɛ. Bɛ̀ ka á golee-n Lawa li, a din tá re ka tamaɛ ká a din pàã nɛ, màn mɛn bɛ́ toɛ, ka kirisibaa yɛ giala-nyɔmiɛ biikoo li, giala-nyɔmiɛ biikoo mɛn bɛ́ die kànaa ka boɛɛn nɛ.