Matiə 13:57 - LAWA A BOO SONBORE

⁵⁷ Bɛ lɛ na á toa, ǹ nə́ n piã nɛ. Yezu tɔ́n pɛ ǹ nɛ: «Lawa a boo gii-dali yii a puusə koe bǎã kɔ́n nɛ wa, bɛ̀ á n bɔ a din a yɛ ǹ kiwi laanka a din a kion ne.»

LAWA A BOO SONBORE 2011

⁵⁷ Bɛ lɛ na á toa, ǹ nə́ n piã nɛ. Yezu tɔ́n pɛ ǹ nɛ: «Lawa a boo gii-dali yii a puusə koe bǎã kɔ́n nɛ wa, bɛ̀ á n bɔ a din a yɛ ǹ kiwi laanka a din a kion ne.»

Matiə 13:57 ပူးပေါင်းရင်းမြစ်များ

Izayii 49:7

Dɛnaa Lawa pɛ, asɛ mɛn bɛ́ Izirayeli si sii la wole lɛa, a n Izirayeli a Lawa sonbore lɛa. A n kɛ pii n ni, nsɛ mɛn bɛ́ ǹ nə́ n pɔpɔsɛ, n tìĩ n boe-n zaman nɛ, nsɛ mɛn bɛ́ kii kakaarɛn bɛ̀rɛ lɛa: «Bɛ̀ kiin nə́ n yɛ, ǹ tá re yui lon n nyɛɛnɛ. Bɛ̀ kiãn yii mɛ n ganaa, ǹ tá re kiɛ tán ǹ lɛ la n yɔrɔ-a.» Bɛ n die n zɛnɛɛ Dɛnaa Lawa a bɔlɔgoondɛnaabaa taman yii, Izirayeli a Lawa sonbore kɛ taman yii, a din mɛn lɛ nə n bɔ á n koa.

Izayii 53:3

Ǹ nə́ n la bɔ a ganaa, ǹ nə́ da ǹ gɔn dɔ̀ɔ̃ nɛ. Nɔmaa wole ne, a lɛ mui ka fuu ni. A n ka min mɛn bɛ́ min kɔn ba li mà a ga a ganaa wa. Ǹ nə́ n la bɔ a ganaa, a màn kɔn lɛa wɔ yii li wa.

Izayii 8:14

Dɛnaa Lawa n duru ǹ bǎã lɛa, a n kɔlɔ lɛa Izirayeli gána màn paa kɛ nə n gòã niɛ̃ a ganaa, a n minin boe ǹ daɛ. A n die kan biɛ Zeruzalɛmu minin ganaa.

Matiə 11:6

Masɛ a sii bɛ́ a re min mɛn gù dii wa, bɛa dɛnaa foo á re kɔɔ̃n koe.»

Matiə 13:58

Ǹ golee Yezu li baã lɛ taman yii, Yezu kaãbaa ǹ sii gigiã zɛnaa walan wa.

Marki 6:1

Yezu soo á n bɔ bɛa bǎã lɛ nɛ. A bɛ́ á too kiwi mɛn nɛ, a kialandɛnan nə́ kɔ lɛ, ǹ nə́ woo walan.

Marki 6:14

Bɛa biikoo lɛ li, kii Erɔdi dɔ́ Yezu boo ma, a giala, a tɔ bɔ bǎã tumaa nɛ. Min tɛn na á goã pii mà Zaã, *batɛmu-dali yii na á kaa á n bɔ geren bii, mà bɛ lɛ na á toa pàã tá a lon á kaãbaa ǹ siin zɛnɛɛ.

Marki 6:3

A din da-sɛlɛli kɛ lɛ bie wa ya? Mariya a nɛ kɛ lɛ bie wa? Ǹ dɔɔ̃ngiĩ bie ka Zaaki ni, ka Zoze ne ka Zude laanka Simɔn nɛ wa? Ǹ miãnɛnɛn bie ke kun ka wɔsɛn nɛ kànaa wa ya?» Bɛ lɛ na á toa, ǹ nə́ n piã nɛ.

Marki 6:4

Yezu tɔ́n pɛ ǹ nɛ: «Lawa a boo gii-dali yii a puusə koe bǎã kɔ́n nɛ wa, bɛ̀ á n bɔ a din a yɛ ǹ kiwi ni, ka a din dɔɔ̃nɔn laanka a din a sumu minin bii.»

Luku 4:24

Yezu wusoo á suusu kɔsɔ da: – Masɛ n pii ka nɛ sonbore, «Lawa a boo gii-dali kɔ́n ba gugurubaa yii a din a kiwi wa.»

Luku 7:23

Masɛ a sii bɛ́ a re min mɛn gù dii wa, Lawa á re barka diɛ bɛa dɛnaa ganaa.

Zaã a sɛ́wɔ 4:44

A dinmaa na á pɛ sonbore mà Lawa a boo gii-dali yii a guguru koe a din a yɛ ǹ kiwi wa.

Zaã a sɛ́wɔ 6:42

Ǹ nə́ goã pii kɛnɛn: «Zozɛfu a nɛgiĩ Yezu kɛ lɛ bie wa ya? Wɔ ba ǹ di laanka ǹ dan doɛ̃ wa? A n siɛ lɔn á pii kanna mà asɛ na á n toa lon á gisĩ tán?»

Zaã a sɛ́wɔ 6:61

Sɛnɛ, Yezu bɛ́ á dɔ̃ a din ganaa, mà a kialandɛnan man boo zùzùũ diɛ bɛ lɛ wɔ gɔn la, á pɛ ǹ nɛ mà bɛ nə ǹ mìi ziziɛ̃ ǹ giala lɛa?