Matiə 13:47 - LAWA A BOO SONBORE

⁴⁷ «Lawa a kiibaa lɛ n die kɔnboe ka zɔ̀ɔ-n doo, ǹ nə́ zũ tà mu li, a n zɔ̀ tɔrɔ din tumaa kuĩ.

LAWA A BOO SONBORE 2011

⁴⁷ Lawa a kiibaa lɛ n die kɔnboe ka zɔ̀ɔ-n doo, ǹ nə́ zũ tà mu li, a n zɔ̀ tɔrɔ din tumaa kuĩ.

Matiə 13:47 ပူးပေါင်းရင်းမြစ်များ

Ezekieli 47:10

Bɛa biikoo li, zɔ̀-kũlin tá re golee tà lɛ lɛ-a. A kũ Ɛn-Gedii ganaa yǎa Ɛn-Eglayimu, bɛa bǎã kɛ tumaa á re zɔ̀ɔn nyɔmaa ǹ bǎã biɛ. Zɔ̀ tɔrɔ gigiã á re goɛ̃ li, ka Yìsi mu gole kɛ bɛ́ lɔn.

Matiə 13:44

«Lawa a kiibaa lɛ n kɔnboe ka gɔn màn durii kɔ́n nɛ wuru-n. Giĩ goon nə́ woo n mìi na bɛa gɔn màn lɛ ganaa, á wusoo á saa á duru. A foo kɔɔ̃n kɔ á la yii ni, yǎa á woo n gɔn màn din tumaa sã á n bɔyaa á daa bɛa wuru lɛ pii.

Matiə 13:46

Bɛ̀ a ná a sonbore yɛ ǹ mɛn waáraa, a n woe, a n gɔn màn din tumaa sã, a bɛa gii lɛ pii.

Matiə 13:48

A bɛ́ á pã ǹ mɛn waáraa, zɔ̀-kũlin lɛn nə́ baã ǹ nə́ daa-n mu lɛkoro-a, ǹ nə́ giã tán ǹ nə́ zɔ̀ lɛ gɔgɔɔ̃. Ǹ nə́ zɔ̀ sonbore lɛ kaa tiɛ̀rɛɛnɛn nɛ, ǹ ná a naarɛ kɛ zũ tà mu li.

Matiə 4:19

Yezu tɔ́n pɛ ǹ nɛ: «Ka kɔ ma kio lɛ, ma á re ka biɛ ga minin li wolen lɛa Lawa nɛ.»

Marki 1:17

Yezu pɛ ǹ nɛ: «Ka kɔ masɛ kio lɛ, ka á re n biɛ ga minin li wolen lɛa Lawa nɛ.»

Luku 5:10

Nyɛ́ɛ Zebedee a nɛnyaanan kɛn dɔn kũ, Zaaki laanka ZAÃ nɛ, bɛn mɛnɛn nə goã dí nyɛɛ kun ka Simɔn nɛ. Sɛnɛ, Yezu pɛ Simɔn nɛ: «N baran nyɛ́ɛ baa wa. A kũ sisia ganaa, n tá re giɛ minin li Lawa nɛ.»

Zaã a sɛ́wɔ 15:2

Bɛ̀ da gùrù mɛn tá masɛ ganaa, a ná a nɛ koe wa, a n bɛ kuri; bɛ̀ ǹ mɛn tá nɛ koe, a n bɛ karan zɛnɛ a bǐɛ̃ kɔ, màn mɛn bɛ́ toɛ, màn wusoo a mɛ a nɛ kɔ li doo.

Zaã a sɛ́wɔ 15:6

Bɛ̀ min mɛn ba doa-n kɔn ka masɛ-n wa, bɛa dɛnaa nə n zuĩ kanaa ka da gùrù bɛ́ lɔn, a laa. Bɛ kio, maǹ bɛa da gùrù geren lɛn goɛ ǹ nə ǹ kaa tɛ-n ǹ kũ.

Nya ǹ dín 20:30

Haalɛ ka dinin bii, minin tá re yui, ǹ soɛn bɔbɔ ǹ Lawa-nyankɔlen sã, ǹ nə ǹ kaa ǹ dinin kio.

Korɛnti1 11:19

A n siĩn dinin nana-kɔn yɛ ka bii, min mɛnɛn bɛ́ min peperen lɛa, wɔ tɔn boo la wɔ bɛn dɔ̃.

Korɛnti2 11:26

Maa zii tɔ wɔ gigiã kɛ gɔ́ɔ̃ nɛ ka ma gòã nɛ, sii gɔgɔrɛn nə́ ma yɛ tà kuru ǹ bǎãn nɛ, waa zii ganaa wolen wɔ paǹ li, ma dɔɔ̃n Zuifun wɔ paǹ li, tɔrɔ kɔsɔn wɔ paǹ li, kiwi dadaran gɔ́ɔ̃ nɛ, ka don sabii ni, yìsi mu li ni ka ma din dɔɔ̃n babaraan nɛ.

Galaasi minin 2:4

A laan wɔ dɔɔ̃n gɔ́ɔ̃ tìtì-an nə́ n lɔlɔkɔn ka wɔ nɛ, ǹ nə́ zɔɔ̃ mà yǎa ǹsɛn nə kuri. Wɔa tá wɔ dinin gɔn wìi a lɛa mɛn bɛ́ boe Yezu *Krita li ke, bɛa minin kɛn lɛn man nə́ wɔ wɔ bii, ǹ nə́ giɛ bɛ giala li, maǹ giɛ li ǹ bɛ giala dɔ̃. Maǹ giɛ li mà ǹ wɔ bɔyaa ǹ wɔ baa Landa a bɛ̀rɛn lɛa doo.

Sii-nyaan 3:1

Sɛ́wɔ kɛ kiɛ̃ n dia Sardən Lawa a sɔmɔ a lon a dia dí-a wole la: «Masɛ mɛn bɛ́ Lawa a yiri sɔbaa laanka a leere sɔbaa kɛ-n ma gɔn, man pii ka nɛ: Ma tá n nya ǹ dí doɛ̃. Tɔ nə n ganaa mà n yii n koo, sɛnɛ, a taãnbaa li ń gã!