Matiə 13:46 - LAWA A BOO SONBORE

⁴⁶ Bɛ̀ a ná a sonbore yɛ ǹ mɛn waáraa, a n woe, a n gɔn màn din tumaa sã, a bɛa gii lɛ pii.

LAWA A BOO SONBORE 2011

⁴⁶ Bɛ̀ a ná a sonbore yɛ ǹ mɛn waáraa, a n woe, a n gɔn màn din tumaa sã, a bɛa gii lɛ pii.

Matiə 13:46 ပူးပေါင်းရင်းမြစ်များ

Suusun 2:4

Baa si sii-doɛ̃ kio, ka ǹ bɛ́ baa sii wɔrɔ kio lɔn. Ga li n parsiini, ka ǹ bɛ́ giɛ naforo li lɔn.

Izayii 33:6

A n die goɛ̃ ǹ yii-nyɛɛ lɛa yǎa duduu. A din ni minin kirisibiɛ, a n yiridɛnaa lɛa, a n sii tumaa doɛ̃. Nyɛ́ɛ baa Dɛnaa Lawa yii-n nə naforo lɛa.

Matiə 13:44

«Lawa a kiibaa lɛ n kɔnboe ka gɔn màn durii kɔ́n nɛ wuru-n. Giĩ goon nə́ woo n mìi na bɛa gɔn màn lɛ ganaa, á wusoo á saa á duru. A foo kɔɔ̃n kɔ á la yii ni, yǎa á woo n gɔn màn din tumaa sã á n bɔyaa á daa bɛa wuru lɛ pii.

Matiə 13:45

«Lawa a kiibaa lɛ n kɔnboe ka pii-kɔle goon ne, giɛ bɔlɔ ganaa ǹ gii siĩnin li.

Matiə 13:47

«Lawa a kiibaa lɛ n die kɔnboe ka zɔ̀ɔ-n doo, ǹ nə́ zũ tà mu li, a n zɔ̀ tɔrɔ din tumaa kuĩ.

Nya ǹ dín 20:24

Ma a giɛ ma din a yiikoonaabaa kɛ ganaa màn kɔ́n lɛa wa, ma bɛ́ giɛ màn mɛn li, bɛ n ka kɛ nɛ: Ma maa dí nya a wo dɔ a lɛ dan ganaa, Dɛnaa Yezu din dí mɛn kɔ ma la, mà ma Lawa a bǐɛ̃baa ǹ Boo Tii Kɔɔ̃n kɛ pɛ, ma bɛ lɛ pã.

Galaasi minin 6:14

Masɛ yii li, din laakalaa ǹ mìi kɔsɔ banban, á kiɛ̃ wɔa Dɛnaa Yezu Krita a dere ǹ gɔn kɛ la wa. Bɛ lɛ pàã ganaa, kanaa gã masɛ yii li, masɛ dɔ gã kanaa yii li.

Efɛɛzi minin 3:8

Masɛ n Lawa a zaman kɛ a min bɔnboɛɛnɛn tumaa a boɛɛndɛnaa lɛa. Bɛ tumaa kio, Lawa nə́ n tã la, á lɛ kɔ ma la, ka bɛa bǐɛ̃ kɛ nɛ. Mà ma Krita a màndɛnaa gole gole baa ǹ Boo Tii Kɔɔ̃n kɛ pɛ tɔrɔ kɔsɔn manɛ.

Kolɔɔsi minin 2:3

Minbuiin nɛ bɛ́ boe la, a sii mɛn tumaa dɔ̃ Lawa wɔ gɔn la, Krita din nə́ bɛ tumaa nyɛɛ.

Sii-nyaan 18:12

Sana nɛ, wɔrɔgiala nɛ, gɛ̀fu laanka gii tɔrɔ sonboren ne, mɔnaa wùsu nɔnɔɔ nɛ, a tã birəə ne ka a tã bonbon ne, soa mɔnaa nɛ, gɔn mɛn tɔrɔ bɛ́ a yii wa, ka bɛ nɛ, ka mànan mɛnɛn tumaa bɛ́ n zɛnɛɛ ka don a díi sɔ nɛ, ka gɔn sonbore ne, ka zan nɛ, ka fɔlɔ nɛ, ka kɔlɔ zɔzɔnɔn nɛ,

Sii-nyaan 21:21

A kiɛnlɛ-a ǹ goo fulupaa lɛ tumaa n gii tɔrɔ sonbore lɛa. Ǹ nə́ zɛnaa ka gii gole goon toto ne, ǹ nə́ wɔ kiɛnlɛ lɛ gogoonmaa lɛ. Zii gole mɛn bɛ́ kiwi lɛ bii, ǹ nə́ bɛ zɛnaa ka sana yoreen ne, yii n wɔlɔ yii a nɛ.