Matiə 13:44 - LAWA A BOO SONBORE

⁴⁴ «Lawa a kiibaa lɛ n kɔnboe ka gɔn màn durii kɔ́n nɛ wuru-n. Giĩ goon nə́ woo n mìi na bɛa gɔn màn lɛ ganaa, á wusoo á saa á duru. A foo kɔɔ̃n kɔ á la yii ni, yǎa á woo n gɔn màn din tumaa sã á n bɔyaa á daa bɛa wuru lɛ pii.

LAWA A BOO SONBORE 2011

⁴⁴ Lawa a kiibaa lɛ n kɔnboe ka gɔn màn durii kɔ́n nɛ wuru-n. Giĩ goon nə́ woo n mìi na bɛa gɔn màn lɛ ganaa, á wusoo á saa á duru. A foo kɔɔ̃n kɔ á la yii ni, yǎa á woo n gɔn màn din tumaa sã á n bɔyaa á daa bɛa wuru lɛ pii.

Matiə 13:44 ပူးပေါင်းရင်းမြစ်များ

Zɔbu 28:13

Minbuiinin ba a giɔ̀mɔ doɛ̃ wa, a ba yii yiikoonaan kanaa kɛ-n wa.

Suusun 16:16

Sii-doɛ̃ á soɛ sana nɛ. Yiridɛnaabaa á soɛ wɔrɔ nɛ.

Suusun 17:16

Wɔrɔ n wàa bǐɛ̃ koe baãnaa gɔn? A yiri woorobaa yɛ nɛ? Bɛ boo bie wa. Á gaãnaa lɛa bɛ ganaa.

Suusun 18:1

Min mɛn bɛ́ giɛ̃ tìãlɛa ǹ miãn ganaa, a n giɛ a dinsɔɔ̃ a bǐɛ̃ kɔ li. A nə n piɛ̃ ka yiri kɔmala nɛ.

Suusun 23:23

Sonbore pii, n nyan sã wa. Ga sii-doɛ̃ li, doɛ̃ nɛ ka yiridɛnaabaa nɛ.

Izayii 55:1

«Mu boro bɛ́ kasɛn mɛnɛn tumaa ganaa, ka daa! Mu á ke! Ka daa, ta wɔrɔ ba ka lon wa! Ka màn-bii pii ka bii, kooro ne! Ka daa, ta wɔrɔ ba ka lon wa, ka duvɛ̃ laanka bɔ̀nyaa pii!

Matiə 13:24

Yezu wusoo á boo giməə kɔsɔ da ǹ nɛ: – Lon a kiibaa lɛ a kɔnboe n ka kɛ nɛ: Giĩ goon na á màn tɔrɔ sonbore da a wuru-n.

Matiə 13:46

Bɛ̀ a ná a sonbore yɛ ǹ mɛn waáraa, a n woe, a n gɔn màn din tumaa sã, a bɛa gii lɛ pii.

Matiə 13:47

«Lawa a kiibaa lɛ n die kɔnboe ka zɔ̀ɔ-n doo, ǹ nə́ zũ tà mu li, a n zɔ̀ tɔrɔ din tumaa kuĩ.

Matiə 19:21

Yezu tɔ́n pɛ nɛ: «Bɛ̀ n tá li a lɛ pã, woo, n nə n gɔn màn tumaa sã, n na a wɔrɔ gii doobaan manɛ, n tá re gɔn màn gigiã yii Lawa a piɛ. Bɛ zɛnaa n tɔn da kɔ masɛ kio lɛ.»

Matiə 19:27

Bɛa biikoo li, Piɛrɛ nə́ n lɛ da boo lɛ nɛ, á pɛ nɛ: «Ga! Wɔsɛn bɛ́ wɔ́ màn tumaa toa walan, wɔ kɔ n lɛ, wɔsɛn wɔ n die n biɛ lɔn kəni?»

Matiə 19:29

Bɛ̀ min mɛn ná a kionən toa walan masɛ tɔ taman yii, ǹ dɔɔ̃ngiĩn ni, ǹ miãnɛnɛn nɛ, ǹ di laanka ǹ dan nɛ, a nɛnyaanan nɛ, hinlaa a wuru ni, bɛa dɛnaa á die bɛ din tumaa a laman paabiɛ yii, a wusoo a nyin nyabaã dɔ yɛ.

Matiə 6:21

A giala, bɛ̀ n naforo tá koa-n bǎã mɛn nɛ, n taasiɛ dɔ n walan.

Luku 14:33

Bɛa yɔrɔ kɛ lɛ la, min woo min tá ka bii, a ná a ba n yii boe a gɔn màn-a wa, bɛ ba boe la a masɛ a kialandɛnaa baa wa.

Zaã a sɛ́wɔ 6:35

Yezu mà ǹ ganaa: «Masɛ din nə yiikoonaabaa kɔ ǹ buuru lɛa. Bɛ̀ min mɛn daa masɛ li, bòo ba re bɛa dɛnaa kuĩ duduu wa, bɛ̀ min mɛn golee masɛ li, mu boro a re bɛa dɛnaa kuĩ doo duduu wa.

Rɔmu minin 15:4

A da yaa, màn mɛn yii nə n kiɛ̃ lɛlɛ, bɛ na á n kiɛ̃ wɔa yiri kɔmala a lɛa, màn mɛn bɛ́ toɛ, Lawa a boo lɛ wɔ foo taã, a sii simaa kɔ wɔ la, wɔ foo boo la a goã doa nɛ.

Kolɔɔsi minin 2:3

Minbuiin nɛ bɛ́ boe la, a sii mɛn tumaa dɔ̃ Lawa wɔ gɔn la, Krita din nə́ bɛ tumaa nyɛɛ.

Kolɔɔsi minin 3:16

Ka toa Krita a boo kɛ goã ka bii, a na a bǐɛ̃ kɛ tumaa zɛnaa ka foo ne. Ka kɔn daraa ka yiri sonbore ne, ka n dan da kɔn nɛ sɔnbɔraanɛ. Ka Lawa tɔ bɔ, ka barka da nɛ ka ka foo din tumaa nɛ. Ka Lawa tɔ bɔ ǹ loen lɔ, ka loe kɔsɔn nɛ, ka Yiri Fu bɛ́ loen mɛnɛn dɔn gisĩ ka mìi pán nɛ.

Ebrəə 10:34

Sonbore, ká kaa wɔ gii yɛ kòso nɛn fuu ni. Ǹ nə́ ka gɔn mànan si ka la, ká lɛ kɔ bɛa mànan kɛn lɛn woo ganaa ka nyɛnyɛɛ nɛ, a giala, ká dɔ̃ mà naforo sonbore nyabaã wolen tá ka lon.

Sii-nyaan 3:18

Bɛ lɛ nɛ, ma á yiri koe n la: Bɛ̀ n tá zoɛ̃ mà n pàãma baa min sonborebaa gɔ́ɔ̃ nɛ, sana mɛn bɛ́ ǹ ná a *yoreen kɔ ka tɛ nɛ, da bɛ pii ma din lon n tɔn pàãma baa. Da mɔnaa fufun pii ma lon n wɔ n ganaa, n nə n tontoro a sìi kɛ duru ni. Dagòã pii n lɔ n yiin ganaa, ǹ tɔn wɔlɔ yɛ.