Matiə 13:25 - LAWA A BOO SONBORE

²⁵ Ǹ kɔ́n pinaa tèlò-n, min din tumaa bɛ́ nyuù ni, bɛa giĩ lɛ a zɔ́ɔ goon nə́ daa, á buu babaraa we pɛsɛ̃ a màn tɔrɔ sonbore lɛ bii, á kiɛ̃ á woo.

LAWA A BOO SONBORE 2011

²⁵ Ǹ kɔ́n pinaa tèlò-n, min din tumaa bɛ́ nyuù ni, bɛa giĩ lɛ a zɔ́ɔ goon nə́ daa, á buu babaraa we pɛsɛ̃ a màn tɔrɔ sonbore lɛ bii, á kiɛ̃ á woo.

Matiə 13:25 ပူးပေါင်းရင်းမြစ်များ

Kiin1 3:20

Bɛa lɔ lɛ na á yoo làanɛ, á ma toa nyuù ni, á maa nɛginin lɛ saa tán ma li, á naa tán a din kolo-n. Á tɔ́n a din wɔ gere lɛ naa tán ma kolo-n.

Matiə 13:24

Yezu wusoo á boo giməə kɔsɔ da ǹ nɛ: – Lon a kiibaa lɛ a kɔnboe n ka kɛ nɛ: Giĩ goon na á màn tɔrɔ sonbore da a wuru-n.

Matiə 13:26

Màn tɔrɔ sonbore lɛ bɛ́ á bɔ a n die mìi boe ǹ mɛn waáraa, buu babaraa lɛ dɔ́ soo.

Matiə 13:27

Wurudɛnaa lɛ a dí-nyalin nə́ daa pɛ nɛ: «Mìinaa, n bie n màn tɔrɔ sonbore da n wuru lɛ-n wa ya? Buu babaraa kɛ dɔ n boe maa?»

Matiə 13:29

Á ǹ lɛ sii kɛnɛn: «Aba, bɛ̀ ka pɛ mà ka buu babaraa kɛ wɛ̃, ka tɔn kiɛ̃ ka maa màn tɔrɔ sonbore kɛ dɔ wɛ̃ kun ni.

Matiə 13:30

Ka toa ǹ gole kɔ kun, yǎa a kurii waáraa. Bɛa waáraa, dí-nyalin mɛnɛn bɛ́ re kuri, ma á die pii bɛn manɛ, máa ǹ buu babaraa lɛ kuru bɔrɔ ǹ yii gɔn-sara-yii ǹ kaa tɛ-n, bɛ kio, ǹ màn tɔrɔ sonbore lɛ kaa maa dɔǹ nɛ.»

Matiə 13:39

Zɔ́ɔ mɛn bɛ́ á buu babaraa lɛ pɛsɛ̃ wuru lɛ nɛ, Sɛtaan din nə ka bɛ nɛ. A kurii waáraa ke, kanaa a nya waáraa n ka bɛ nɛ. Dí-nyalin mɛnɛn bɛ́ kuri, bɛn man lon a dia dí-a wolen lɛa.

Matiə 25:5

Lɔ tii ǹ zuũ lɛ bɛ́ á belebɔ a ná a die fuu wa, nyuù nɛniɛ fù lɛ yii kũ, ǹ nə́ nyuù wɔ.

Galaasi minin 2:4

A laan wɔ dɔɔ̃n gɔ́ɔ̃ tìtì-an nə́ n lɔlɔkɔn ka wɔ nɛ, ǹ nə́ zɔɔ̃ mà yǎa ǹsɛn nə kuri. Wɔa tá wɔ dinin gɔn wìi a lɛa mɛn bɛ́ boe Yezu *Krita li ke, bɛa minin kɛn lɛn man nə́ wɔ wɔ bii, ǹ nə́ giɛ bɛ giala li, maǹ giɛ li ǹ bɛ giala dɔ̃. Maǹ giɛ li mà ǹ wɔ bɔyaa ǹ wɔ baa Landa a bɛ̀rɛn lɛa doo.

Ebrəə 12:15

Ka n yiri kɔ ka dinin li, min kɔ́n baran da ka bɔ Lawa a bǐɛ̃baa kɛ li wa, min kɔ́n baran n baa da kɔɔsɛ lɛa, a bɔ tán a yoo, a minin tumaa lɔlɔkɔn, a ǹ ziziɛ̃ wa.

Piɛrɛ1 5:8

Ka n yii dɔraa, ka ka dinin kũ. Kaa zɔ́ɔ *Sɛtaan lɛ n kɔɔ̃nɛɛ, ka yàra wɔɔsaa-wɔle bɛ́ lɔn. A n giɛ, a bɛ́ re doe min mɛn-a a kũ.

Piɛrɛ2 2:1

Lawa a boo gii-dali soɛ-bɔlen nə́ yɛ lɛlɛ zaman lɛ bii. A din yɔrɔ goon lɛ la, minin-daraali soɛ-bɔlen tá re yii ka dɔn bii, ǹ tá re die ka durii ni, ǹ minin papaã ǹ soɛ boon da ka bii. Á woe dinin ǹ tá re n piɛ̃ ka Mìinaa lɛ nɛ, Mìinaa mɛn din nə ǹ kirisibaa. Maǹ die bɔ̀n baɛ̃ ǹ da ǹ dinin mìi ni, bɔ̀n mɛn dɔ din a daa a die beleboe wa.

Sii-nyaan 12:9

Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.

Sii-nyaan 13:14

Tɔɔ bibinaa lɛ pàã mɛn kɔ la, a na á goã tán minin yiri siɛ̃, ka bɛa kaãbaa ǹ siin lɛn nɛ, Tɔɔ lɛ yɔrɔ-a. Á pɛ tán minin manɛ, mà Tɔɔ bibinaa mɛn bɛ́ ǹ ná a mìi yaga, sɛnɛ, a ná a gã wa, mà ǹ nyín goon zɛnaa ka bɛ tɔ nɛ.

Sii-nyaan 2:20

«Sɛnɛ, ma lɛ bɛ́ n li ka sii mɛn nɛ, bɛ á ke: Lɔ kɔrɔ Zezabɛli a sii á kúu biɛ n nɛ, asɛ lɔ mɛn bɛ́ n din biɛ Lawa a boo gii-dali lɛa. A din nə maa dí-nyalin siɛ̃, mà ǹ nə n dinin kɔ kɔrɔbaa la, ǹ dì wúlu bɔ ǹ siĩn dɔn sɔ̃.