Matiə 13:23 - LAWA A BOO SONBORE

²³ Sɛnɛ, min tɛn nə kɔnboe ka tán sonbore ne màn tɔrɔ mɛnaa a nɛ. Bɛn man boo lɛ miɛ, ǹ na a giala ma, maǹ nɛ koe, ǹ tɛn wɔ n paabiɛ, ǹ tɛn wɔ n pɔsɔrɔ, ǹ tɛn wɔ n pɔsɔɔ.

LAWA A BOO SONBORE 2011

²³ Sɛnɛ, min tɛn nə kɔnboe ka tán sonbore ne màn tɔrɔ mɛnaa a nɛ. Bɛn man boo lɛ miɛ, ǹ na a giala ma, maǹ nɛ koe, ǹ tɛn wɔ n paabiɛ, ǹ tɛn wɔ n pɔsɔrɔ, ǹ tɛn wɔ n pɔsɔɔ.

Matiə 13:23 ပူးပေါင်းရင်းမြစ်များ

Ezekieli 18:31

Ka kaa zɛnaa ǹ sii babaraan lɛn na ka ǹ zũ sɔsɔɔ, ka toa ka foo dii saa, ka yiri dii ni. Izirayeli tɔrɔn lɛn, wàa na á baa, ka n die ka dinin koe gɛ̀ la?

Ezekieli 36:26

Ma á re foo dii koe ka la, ma taasiɛ dii kɔ ka la. Ka foo mɛn bɛ́ kaka ka kɔlɔ bɛ́ lɔn, ma á re bɛ boe ma bɔ ka nɛ, foo mɛn bɛ́ lɛ koe maa boo ganaa, ma bɛ kɔ ka la.

Matiə 12:33

«Min nə da doɛ̃ a nɛ li. Da sonbore n nɛ sonbore koe, da baraa dɔ n nɛ baraa koe.

Matiə 13:8

Sɛnɛ, màn tɔrɔ lɛ kɔ́n nə́ mɛnaa tán sonbore la, á nɛ kɔ, ǹ tɛn nə́ nàn paabiɛ bɔ, ǹ tɛn nə́ nàn pɔsɔrɔ bɔ, ǹ tɛn dɔ́ na á pɔsɔɔ bɔ.»

Matiə 3:10

«Lawa a kiri-kurii lɛ a biikoo dɔ á nya, a n die n biɛ ka sɛ̀miɛ̃ dɔ da giala-n bɛ́ lɔn. Da mɛn din tumaa bɛ́ a nɛ sonbore koe wa, maǹ die bɛ kuri ǹ zũ tɛ-n.

Matiə 3:8

Ka a zɛnaa ǹ siin zɛnaa, màn mɛnɛn bɛ́ nyɛɛ mà ka kaa giã ǹ gɔn bɔyaa.

Marki 10:15

Man pii ka nɛ ka boo taãn nɛ: Bɛ̀ min mɛn lɛ kɔ Lawa a kiibaa ǹ boo kɛ ganaa ka nɛnyaan bɛ́ lɔn wa, bɛa dɛnaa a re we wa.»

Marki 4:20

Sɛnɛ, min tɛn nə goon ka tán sonbore mɛn bɛ́ ǹ nə́ màn tɔrɔ pɛsɛ̃ a nɛ. Bɛ̀ ǹ nə́ Lawa a boo lɛ ma, maǹ sii, ǹ nɛ dɔ kɔ, ǹ tɛn wɔ n pɔsɔɔ, ǹ tɛn wɔ n pɔsɔrɔ, n tɛn dɔ wɔ n paabiɛ.»

Luku 13:9

Kɔntan á die nɛ koe lɛ̀boe. Bɛ̀ a nɛ kɔ wa, ma tɔn kuru.»

Luku 8:15

Màn tɔrɔ mɛn bɛ́ á mɛnaa tán sonbore bǎã nɛ, bɛ n kɔnboe ka min mɛnɛn bɛ́ n too koe boo lɛ-a, ǹ si, ǹ kũ foo sonbore laanka a telee wole ne. Bɛa dɛnan lɛn man goɛ̃ bɔlɔgoondɛnaabaa la, yǎa ǹ nɛ koe.»

Luku 8:8

Màn tɔrɔ lɛ mɛn bɛ́ á mɛnaa tán sonbore ne, bɛ́ bɔ, á nɛ kɔ, yǎa nɛ paabiɛ.» Yezu tɔ́n pɛ: «Toon bɛ́ ka lon, ka n too kɔ koe!»

Zaã a sɛ́wɔ 15:16

Kasɛn bie ka masɛ bɔ wa, masɛ n má kasɛn bɔ, má ka dia máa ka woo, ka dí nya, kaa dí lɛ a là goã. Bɛ lɛ n toɛ, bɛ̀ ka màn woo màn nyankɔ masɛ a Díi lon ka masɛ tɔ nɛ, á re bɛ koe ka la.

Zaã a sɛ́wɔ 8:47

Min mɛn bɛ́ Lawa wɔ lɛa, bɛa dɛnaa nə n too koe Lawa a boo li. Ka bɛ́ ka a Lawa wɔn lɛa wa, bɛ lɛ nɛ, ka a n too koe masɛ lon wa.»

Nya ǹ dín 16:14

Ǹ goon ne, a tɔ n Lidi, a n mɔnaa tɔnaa tɔrɔ kɔn siɛ̃, Tiatiiri kiwi min ni, á nyɛ́ɛ biɛ Lawa nɛ. Asɛ na á goã n too koe parsiini, a giala, Dɛnaa na á ná a foo lɛ bũ, a ná a taasiɛ din tumaa doa Pooli a boon kɛn ganaa.

Nya ǹ dín 17:11

Minbuiinbaa goã bɛn nɛ á la Tesaloniki a Zuifun manɛ. Ǹ nə́ boo lɛ si ka foo sonbore ne. Baraabaraa maǹ nə́ goã Lawa a Boo Sɛ́wɔ lɛ pii, ǹ nə́ giɛ-a bɛ̀ a n miɛ̃ sonbore.

Korɛnti2 9:10

Lawa mɛn bɛ́ màn tɔrɔ koe màn-dali la, ka màn-bii ni mà a n din too ne, á re màn tɔrɔ tumaa koe ka la, ka dinin laadoo yii li, a na a bulu bɔ, ń giɛ kaa bǐɛ̃baa ǹ foo kɛ á sii gigiã zɛnɛɛ.

Filipi minin 1:11

Yezu Krita bɛ́ sii peperen mɛnɛn zɛnɛɛ wɔ nɛ, ka á re piɛ̃ ka bɛn nɛ, Lawa a gugurubaa laanka a tɔ bɔ a lɛa.

Filipi minin 4:17

Ma bie giɛ li, máa yǎa ka bǐɛ̃baa ǹ mànan diɛ ma la wa, sɛnɛ, man giɛ li máa Lawa màn gigiã koa ka nɛ.

Kolɔɔsi minin 1:10

Bɛa yɔrɔ kɛ lɛ la, ka á re boe la ka tɔ wɔ, ka Dɛnaa tɔ bɔ, ka á re boe la dɔn ka a dùũ siin zɛnaa biikoo tumaa li. Ka á re bǐɛ̃ tɔrɔ tumaa zɛnɛɛ, kaa dí á re bǐɛ̃ koe, ka á re woe nyɛɛnɛ Lawa doɛ̃ gɔ́ɔ̃ nɛ.

Kolɔɔsi minin 1:6

Ka dininsɔɔ̃nɔn bie bɛa Boo Tii Kɔɔ̃n kɛ lɛ doɛ̃ wa, sɛnɛ, kanaa paǹ din tumaa n doɛ̃. Bǎã din tumaa nɛ, bɛa boo lɛ n woe nyɛɛnɛ, á barka we minin ni. Boo lɛ na á bɛ zɛnaa ka dɔn manɛ, a kũ kaa wɔ a miɛ bibinaa pinaa lɛ ganaa, ǹ Lawa a bǐɛ̃baa lɛ boo da ka nɛ ǹ mɛn pinaa, ká ma, ká a sonbore kɛ dɔ̃.

Tesaloniki1 4:1

Bɛ tumaa woo a n tiləə, dɔɔ̃nɔn lɛn, ka doamaa bɛ́-n ka tɔ wɔ lɔn, ka sii tɔn kɔɔ̃n kɔ Lawa ganaa, wɔ́ ka daraa bɛ ganaa. Sonbore, ka n tɔ we miɛ̃; sɛnɛ sisia, wɔ ǹ ka nyankoe parsiini ka wɔa Dɛnaa Yezu tɔ nɛ, wáa ka n doa ka wusoo ka màn da li.

Tesaloniki2 2:10

Min mɛnɛn bɛ́ re bɔ̀n biɛ, á re baraabaa zɛnɛɛ a yɔrɔ din tumaa li, a bɛn yiri sã nɛ. Maǹ die bɔ̀n biɛ, a giala, sonbore mɛn bɛ́ ǹ kirisibiɛ, ǹ lɛ kɔ bɛ lɛ ganaa lɛlɛ ǹ nə́ narɛ wa.

Ebrəə 4:2

A giala, wɔ dɔn man wɔ́ Boo Tii Kɔɔ̃n lɛ ma, ka bɛa minin kɛn lɛn wɔ bɛ́ lɔn. Sɛnɛ, bɛa boo kɛ lɛ ǹ nə́ ma, a là goon yɛ ǹ ganaa wa, a giala, ǹ bɛ́ ǹ nə́ ma, ǹ lɛ kɔ a ganaa ka goleemali-n wa.

Ebrəə 6:7

La mɛn bɛ́ nɛn bɛ̀ a kaa, bɛ̀ tán mɛn tá bɛa mu kɛ mii, á n da sonboren boe koe a kɔsiɛ wolen la, Lawa n barka we bɛa tán lɛ nɛ.

Ebrəə 8:10

Ma bɛ́ re lɛ kɔ kɔn la dii mɛn we ka Izirayeli tɔrɔ minin kɛn nɛ, bɛ á ke: Ma din Dɛnaa n pii, máa bɛa lɛawaan kɛn lɛn kiɛ̃ kio, man die maa dí-pɛn we ǹ yiri ni, man die ǹ kiɛ̃ ǹ foo ganaa. Ma á re goɛ̃ ǹ Lawa lɛa, ǹ dɔn tá re goɛ̃ ma din a tɔrɔ lɛa.

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.