Matiə 13:21 - LAWA A BOO SONBORE

²¹ Sɛnɛ, ǹ ba toɛ a gòon bɔ ǹ nɛ wa, a ba goɛ̃ ǹ foo ne a belebɔ wa. Bɛ lɛ nɛ, bɛ̀ foo ziziɛ̃ daa, hinlaa bɛ̀ minin man fuu nyɛɛ ǹ nɛ Lawa a boo lɛ taman yii, maǹ nə n piɛ̃ ka Lawa-n gɔrɔ.

LAWA A BOO SONBORE 2011

²¹ Sɛnɛ, ǹ ba toɛ a gòon bɔ ǹ nɛ wa, a ba goɛ̃ ǹ foo ne a belebɔ wa. Bɛ lɛ nɛ, bɛ̀ foo ziziɛ̃ daa, hinlaa bɛ̀ minin man fuu nyɛɛ ǹ nɛ Lawa a boo lɛ taman yii, maǹ nə n piɛ̃ ka Lawa-n gɔrɔ.

Matiə 13:21 ပူးပေါင်းရင်းမြစ်များ

Zɔbu 19:28

Ka n pii: «Wɔ n die fuu mɛn tɔrɔ nyɛɛ nɛ. Wɔ n die n gɔn kuĩ wàa ganaa wɔ tɔn a zɛ̀rɛ baa?»

Loen 36:3

A giala, a n giɛ a din ganaa ka taasiɛ naarɛ nɛ, a ba a din a sã doɛ̃, a wusoo a kio wa.

Suusun 12:12

Min baraan manə n yii boe koɛɛ̃n mànan li. Sɛnɛ min peperen sii n bǐɛ̃ koe.

Suusun 12:3

Min mɛn bɛ́ sii baraa zɛnɛɛ, a gòã á tán wa. Sɛnɛ, sii sonbore zɛnaa wole gòã n we-n tán, bìn ba n diɛ a ganaa wa.

Ozee 6:4

Efrayimu tɔrɔn lɛn, man die ka biɛ lɔn? Zudaa minin lɛn, man die ka biɛ lɔn? Kaa kɔn-narɛɛ lɛ n ka baayɛlɛ a la a ti bɛ́ lɔn a golee sawaa-n wa. A n ka pele bɛ́ lɔn baayɛlɛ, a golee kaa-n wa.

Matiə 10:22

Min din tumaa á die ka biɛ zɔ́ɔ masɛ tɔ taman yii. Sɛnɛ, bɛ̀ min mɛn si a ganaa yǎa a woo kaa a lɛ nyɔmiɛ̃ lɛ, Lawa á die bɛa dɛnaa kirisibiɛ.

Matiə 11:6

Masɛ a sii bɛ́ a re min mɛn gù dii wa, bɛa dɛnaa foo á re kɔɔ̃n koe.»

Matiə 13:20

Ǹ tɛn dɔ n kɔnboe ka gɛtaã bǎã nɛ, màn tɔrɔ lɛ mɛnaa a nɛ. Bɛ̀ ǹ nə́ boo lɛ ma, maǹ sii fufuu ka nyɛnyɛɛ nɛ.

Matiə 13:57

Bɛ lɛ na á toa, ǹ nə́ n piã nɛ. Yezu tɔ́n pɛ ǹ nɛ: «Lawa a boo gii-dali yii a puusə koe bǎã kɔ́n nɛ wa, bɛ̀ á n bɔ a din a yɛ ǹ kiwi laanka a din a kion ne.»

Matiə 13:6

Wasa bɛ́ á dii lon, á màn bisin lɛ kũ á bɛbɛnɛ á dɛ, a giala gòon taãn ba a lon wa.

Matiə 24:13

Sɛnɛ, bɛ̀ min mɛn si a ganaa yǎa a woo kaa a giala-nyɔmiɛ̃ lɛ, bɛa dɛnaa á die kirisibiɛ.

Matiə 26:31

Bɛa biikoo li, Yezu pɛ a kialandɛnan manɛ: – Sii mɛn bɛ́ re n zɛnɛɛ masɛ-n pelo tèlò-n dinin, bɛ lɛ n die ka dinin tumaa a mɛnaa ǹ giala biɛ. A giala, a kiɛ̃maa tá Lawa a boo-n kɛnɛn: «Man die sèren-lɛduə̃li lɛ dii, sèren lɛn tá re sawɛɛ.»

Matiə 26:33

Piɛrɛ tɔ́n nə n lɛ da boo lɛ nɛ á pɛ nɛ: «Haalɛ ta ǹ tumaa baa si ǹ nə́ n daa, masɛ a baa sii ma n daa wa.»

Marki 4:17

Sɛnɛ, ǹ ba toɛ a gòon bɔ ǹ nɛ wa, a ba goɛ̃ ǹ nɛ a belebɔ wa. Bɛ lɛ nɛ, bɛ̀ foo-ziziɛ̃ daa, hinlaa bɛ̀ minin man fuu nyɛɛ ǹ nɛ Lawa a boo lɛ taman yii, ǹ mìi n ziziɛ̃ gɔrɔ.

Luku 8:13

Min tɛnɛn dɔn man goon ka bǎã mɛn bɛ́, a tataã a sɔsɔɔ wa. Maǹ boo lɛ miɛ, ǹ si ka nyɛnyɛɛ nɛ. Sɛnɛ, ǹ ba toɛ boo lɛ giã ǹ wɔlɔ taãn yɛ ǹ foo-n wa. Ǹ golee Lawa li lɛ n biikoo boɛɛn kooro siɛ. Bɛa dɛnan lɛn, bɛ̀ sii kaka nə́ ǹ yɛ lɔn gɔrɔ, maǹ wusii ǹ golee Lawa li kio.

Zaã a sɛ́wɔ 6:26

Yezu tɔ́n pɛ ǹ nɛ: «Man taãn pii ka nɛ, ka bɛ́ ka buuru sɔ̃ ka kã, bɛ lɛ na á toa, ka tá giɛ masɛ li, a bie ka ka n ka kaãbaa ǹ siin kɛn giala ma wa.

Rɔmu minin 2:7

A n die nyin nyabaã koe ǹ tɛnɛn la, min mɛnɛn bɛ́, ǹ nə́ n dinin kɔ sii bǐɛ̃ zɛnaa la biikoo tumaa waáraa, mà Lawa gugurubaa laanka tɔ sonbore kɔ ǹsɛn la, ǹ yii goã koo miɛ̃ yǎa duduu.

Galaasi minin 5:6

A giala, min mɛn bɛ́ Krita wɔ gɔ́ɔ̃ nɛ, kurii laanka kuriibaã a màn kɔ́n lɛa bɛa dɛnaa wɔ paǹ li wa. Màn mɛn bɛ́ màn lɛa, golee Yezu li ni, bɛ nə n nyaa ka miãn narɛɛ nɛ.

Galaasi minin 6:12

Min mɛnɛn bɛ́, minbuiinbaa a din nyaa sii nə́ ǹ ganaa, bɛn lɛn man ke mà yǎa ka n kuri. Sɛnɛ, a zɛnaa miɛ̃ giala n ka kɛ dinsɔɔ̃ nɛ: Zuifun baran bɔ ǹsɛn yii ni, Krita a dere ǹ gɔn kɛ a lɛa wa.

Galaasi minin 6:15

Kurii ni ka kuriibaã nɛ, bɛ kɔ́n ba màn lɛa wa. Lawa a wusoo a wɔ baa min dii lɛa ke, bɛ dinsɔɔ̃ n màn lɛa.

Efɛɛzi minin 3:17

A die a toa doo, Krita goã ka foo ne goleemali pàã ganaa. A die a toa dɔn ka gòã wɔ tán kaka kɔn-narɛɛ gɔ́ɔ̃ nɛ.

Filipi minin 1:6

Ma foo doamaa-n kɛ ganaa: Lawa dí sonbore mɛn giala kɔ ka gɔ́ɔ̃ nɛ, á re toɛ bɛ wo miɛ̃, a wo n giala-nyɔmɔɔ Yezu Krita a lɛawaa kɛ ganaa.

Timote2 1:15

N tá doɛ̃ mà Azii gána minin tumaa ma tii. Fizeli laanka Ermozɛnɛ á kun ka maa tiilin lɛn nɛ.

Timote2 4:10

A giala, Demaasi nə́ n saa sisia a kanaa kɛ li, á woo á ma daa. A na á woo Tesaloniki kiwi. Kresan woo Galaasi gána nɛ, Tiiti woo Dalmaasi gána nɛ.

Zaaki 3:2

Wɔ tumaa á siɛ̃ yɔrɔ gigiã la. Min mɛn bɛ́ a siɛ̃ a da ǹ boo gɔ́ɔ̃-n wa, bɛa dɛnaa a minbuiinbaa lɛ na á pã, á boe la a n din kũ ka sii tumaa nɛ.

Piɛrɛ1 1:5

Maǹ koa-n ka dinin manɛ. Bɛ̀ ka á golee-n Lawa li, a din tá re ka tamaɛ ká a din pàã nɛ, màn mɛn bɛ́ toɛ, ka kirisibaa yɛ giala-nyɔmiɛ biikoo li, giala-nyɔmiɛ biikoo mɛn bɛ́ die kànaa ka boɛɛn nɛ.

Sii-nyaan 2:13

Ma á doɛ̃, n bɛ́ giã-n bǎã mɛn nɛ, Sɛtaan dɔ a kii dankan nə doa-n walan. Sɛnɛ, n tá doa-n kɔn ka masɛ tɔ nɛ, n golee masɛ li daa wa, haalɛ ǹ bɛ́ ǹ nə́ maa siére bɔlɔgoondɛnaa Antipaasi dɛ á gã biikoo mɛn li ka li, Sɛtaan a giã ǹ bǎã kɛ lɛ nɛ.