Matiə 13:19 - LAWA A BOO SONBORE

¹⁹ Min mɛnɛn bɛ́ *Lawa a kiibaa ǹ boo kɛ lɛ miɛ, ǹ nə́ ǹ ba a giala miɛ wa, bɛa dɛnan man kɔnboe ka zii para nɛ, màn tɔrɔ lɛ mɛnaa a nɛ. Zɔ́ɔ babaraa lɛ n die, ǹ boo mɛn lɛ ma, á bɛ lɛ bɔ a bɔ ǹ foo ne.

LAWA A BOO SONBORE 2011

¹⁹ Min mɛnɛn bɛ́ *Lawa a kiibaa ǹ boo kɛ lɛ miɛ, ǹ nə́ ǹ ba a giala miɛ wa, bɛa dɛnan man kɔnboe ka zii para nɛ, màn tɔrɔ lɛ mɛnaa a nɛ. Zɔ́ɔ babaraa lɛ n die, ǹ boo mɛn lɛ ma, á bɛ lɛ bɔ a bɔ ǹ foo ne.

Matiə 13:19 ပူးပေါင်းရင်းမြစ်များ

Suusun 1:7

Nyɛ́ɛbaa Dɛnaa Lawa yii ni n sii-doɛ̃ a giala kɔ ǹ bǎã lɛa. Min mɛnɛn laadoo bɛ́ a bie ka bɛa daraan laanka bɛa doroon kɛn nɛ wa, baãnaan manɛ.

Suusun 17:16

Wɔrɔ n wàa bǐɛ̃ koe baãnaa gɔn? A yiri woorobaa yɛ nɛ? Bɛ boo bie wa. Á gaãnaa lɛa bɛ ganaa.

Ezekieli 31:18

Edɛn dù gɔrɔ a dan kɛn mɛn nə n zoɛ̃ n ganaa ka siĩnbaa laanka golebaa nɛ? Sɛnɛ, ǹ nə́ ke ǹ nə́ n dɔ gisĩ, ǹ nə́ n da tii li kunun ǹ ni. N tá re wɛɛ tán soroman kɛn bii, n min mɛnɛn lɛn kakã ka gɔya nɛ. Sii mɛn bɛ́ re Faarahɔn laanka a zaman tumaa yii, a din lɛ n ka kɛ nɛ. Ma din Dɛnaa Lawa a da ǹ boo ne.»

Matiə 12:26

Bɛ̀ Sɛtaan tá a din a minin lui, ka dɔ̃ mà a n zia diɛ a din ganaa, a gána lɛ dɔ n siɛ lɔn a wo nyɛɛnɛ?

Matiə 13:20

Ǹ tɛn dɔ n kɔnboe ka gɛtaã bǎã nɛ, màn tɔrɔ lɛ mɛnaa a nɛ. Bɛ̀ ǹ nə́ boo lɛ ma, maǹ sii fufuu ka nyɛnyɛɛ nɛ.

Matiə 13:38

Wuru lɛ, bɛ n kanaa lɛa. Lawa bɛ́ min mɛnɛn kii lɛa, bɛn man goon ka màn tɔrɔ sonbore ne. Buu babaraa ke, bɛ n *Sɛtaan a minin lɛa.

Matiə 4:23

Yezu na á goã n bibiĩ Galilee gána din tumaa nɛ, bɛ̀ a minin daraa Zuifun lɛsɔkɔn kionən ne. Á goã lon a kiibaa ǹ Boo Tii Kɔɔ̃n lɛ pii. A na á goã minin busu tɔrɔ din tumaa nyɛɛ bɛ̀ a bɔ ǹ ganaa.

Matiə 5:37

Ka "hiĩ" hinlaa "haayii" dinsɔɔ̃ pɛ. Ka bɛ́ màn mɛn din tumaa pii tii bɛ ganaa, bɛ n boe zɔ́ɔ *Sɛtaan li.

Marki 4:15

Màn tɔrɔ lɛ mɛnaa zii mɛn lɛkoro-a, min tɛn nə goon ka bɛa zii kɛ lɛ nɛ. Bɛ̀ ǹ nə́ Lawa a boo lɛ ma lɔn, *Sɛtaan nə die, a bɛa boo kɛ lɛ bɔ a bɔ ǹ yiri ni.

Luku 10:9

Ka bɛa kiwi lɛ a busulən kaka kɔ, ka pɛ ǹ nɛ mà *Lawa a kiibaa lɛ dɔ ǹ li.

Luku 9:2

Yezu na á ǹ dia mà ǹ wo *Lawa a kiibaa ǹ dí nyɛɛ boo da, ǹ busulən kaka kɔ.

Zaã a sɛ́wɔ 18:38

Pilati tɔ́n nɔ̀n da la mà sonbore n wàa lɛa? Pilati nə n lɛ bɔ bɛa boo lɛ-a lɔn, á soo kanaa doo á woo Zuifun lɛn li, á pɛ ǹ nɛ: «Masɛ yii ba zɛ̀rɛbaa ǹ sii kɔ́n ganaa a wɔ a paǹ li wa.

Zaã a sɛ́wɔ 8:43

Wàa na á baa ka ba maa boo giala miɛ wa? A giala, ka a boe la ka n too kɔ masɛ a boo ganaa wa.

Nya ǹ dín 17:32

Ǹ bɛ́ ǹ nə́ geren yii-kaa boo kɛ ma, ǹ tɛnɛn man nə́ goã yaa we. Gialakunun mà ǹsɛn tá re n too koe bɛa boon kɛn lɛn-a Pooli lon biikoo kɔsɔ li.

Nya ǹ dín 18:15

Sɛnɛ, kaa zia lɛ bɛ́ daraa laanka tɔn wɔ lɛa, ka ka dinin landa siin ni, a tá ka gɔn. Masɛ a bɛ miã sii kɛ a kiri-wɔle biɛ wa.»

Nya ǹ dín 20:25

Ma á doɛ̃, má a kũ sisia ganaa, kasɛn mɛnɛn tumaa bɛ́ má *Lawa a kiibaa ǹ dí kɛ boo da ka nɛ, ka yii a re ma yii doo wa.

Nya ǹ dín 28:23

Ǹ lɛawaa mɛn bɔ, bɛ bɛ́ á dɔ, ǹ nə́ wusoo ǹ nə́ daa Pooli yaa a giã ǹ bǎã nɛ. Pooli boo da ǹ nɛ, á *Lawa a kiibaa ǹ dí kɛ a nyɛɛ boo pɛ ǹ nɛ. A na á goã n doɛ á Yezu boo diɛ ǹ nɛ, a n boe Muizu a landa sɛ́wɔ nɛ ka Lawa a boo gii-dalin sɛ́wɔn nɛ. A n giɛ li mà ǹ dɔ̃, mà màn mɛn nə n da a wɔ gɔn la, mà sonbore ne. Maǹ nə́ sùn lɛ baa baayɛlɛ yǎa wasa mɛ.

Rɔmu minin 1:28

Ka bɛ dɔ-n doo, ǹ lɛ kɔ ǹ nə́ Lawa doɛ̃ sii toa ǹ gɔ́ɔ̃-n wa. Bɛ lɛ nɛ, Lawa nə́ ǹ toa ǹ dinin yiri gɔgɔrɛ kɛ gɔn, màn mɛn bɛ́ toɛ, siin mɛnɛn doamaa bɛ́ n bie ka zɛnaa-n wa, ǹ bɛn zɛnaa.

Rɔmu minin 14:17

A giala, *Lawa a kiibaa ǹ sii bie màn-bii laanka màn-mii sii lɛa wa. Sɛnɛ, a n peperebaa sii lɛa, là nyantoro ne, ka nyɛnyɛɛ nɛ, Yiri Fu bɛ́ ǹ mɛnɛn lɛn koe.

Rɔmu minin 2:8

Sɛnɛ, min gialakunun kɛn, Lawa á re a foo-busii gole kɛ nyɛɛ bɛn manɛ, min mɛnɛn bɛ́ n taasɛ ka ǹ dinin sii dinsɔɔ̃ nɛ, ǹ ba koe sonbore lɛ wa yǎa kɔkɔrɔbaa.

Efɛɛzi minin 3:8

Masɛ n Lawa a zaman kɛ a min bɔnboɛɛnɛn tumaa a boɛɛndɛnaa lɛa. Bɛ tumaa kio, Lawa nə́ n tã la, á lɛ kɔ ma la, ka bɛa bǐɛ̃ kɛ nɛ. Mà ma Krita a màndɛnaa gole gole baa ǹ Boo Tii Kɔɔ̃n kɛ pɛ tɔrɔ kɔsɔn manɛ.

Tesaloniki2 2:12

Bɛ lɛ n die toɛ, min mɛn tumaa bɛ́ a golee sonbore li wa, baraabaa kɔɔ̃n kɔ ǹ ganaa, dɔlɔ nə n bɔ bɛn ganaa.

Ebrəə 2:1

Bɛ lɛ na á toa, wɔ sonboren mɛnɛn ma, ka daa wɔ n gɔn paraa bɛn ganaa ka kaka, màn mɛn bɛ́ toɛ, wɔ baran wusoo wɔ papaã wa.

Zaã1 3:12

Kanyɛ mɛn bɛ́ á goã Sɛtaan Baraa kɛ wɔ lɛa, wɔ doamaa bie wɔ goã ka bɛ bɛ́ lɔn wa. Asɛ lɛ na á ǹ diɛ̃ dɛ á gã. A na á ǹ diɛ̃ lɛ dɛ wàa mɛn a lɛa? A giala, a din a nya ǹ dín nə́ goã babaraa, ǹ diɛ̃ lɛ wɔn nə́ pepere.

Zaã1 5:18

Wɔ á doɛ̃, wáa Lawa a nɛ kɔ́n ba sii baraa zɛnɛɛ a wo-n wa, a giala, Lawa a Nɛgiĩ kɛ tá a lɛduĩ, Màn Baraa kɛ a boe la a màn kɔ́n zɛnaa-n wa.

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.