Matiə 12:41 - LAWA A BOO SONBORE

⁴¹ Kiri kurii pinaa, Ninivu kiwi minin kɛn tá re yui ǹ golee kɔn yɔrɔ-a ka pelo minin kɛn nɛ, ǹ zɛnaa ǹ sii á re pelo minin kɛn biɛ koe, a giala Zonaasi bɛ́ á woo Boo Tii Kɔɔ̃n pɛ Ninivu, a minin nə́ n taasɛ ǹ nə́ wusoo ǹ sii baraan kio. Màn tá kànaa á gole á la Zonaasi-n dɛ!

LAWA A BOO SONBORE 2011

⁴¹ Kiri kurii pinaa, Ninivu kiwi minin kɛn tá re yui ǹ golee kɔn yɔrɔ-a ka pelo minin kɛn nɛ, ǹ zɛnaa ǹ sii á re pelo minin kɛn biɛ koe, a giala Zonaasi bɛ́ á woo Boo Tii Kɔɔ̃n pɛ Ninivu, a minin nə́ n taasɛ ǹ nə́ wusoo ǹ sii baraan kio. Màn tá kànaa á gole á la Zonaasi-n dɛ!

Matiə 12:41 ပူးပေါင်းရင်းမြစ်များ

Izayii 54:17

Ziabaa ǹ màn mɛn tumaa nə n zɛnaa n tɔ ganaa, ǹ kɔn ba re boe la a màn kɔn zɛnaa n ganaa wa. Min woo min yoo n ganaa ka kiri ni, n tá re a siɛ̃n nyɛɛ nɛ. Maa dí-nyalin gii bɛ́ ka màn mɛn nɛ má koa ǹ nɛ, ma bɛ́ peperebaa mɛn koe ǹ la, bɛ n ka kɛ nɛ. Masɛ Dɛnaa Lawa a da ǹ boo ne.

Zeremii 3:11

Dɛnaa Lawa pɛ doo: Izirayeli bɔyaa wole lɛ zɛ̀rɛ á kiɛɛrɛ á la Zudaa bɔlɔgoonbaãdɛnaa kɛ nɛ.

Zonaasi 1:2

«Yoo, n wo Ninivu kiwi gole kɛ nɛ n paraa ǹ li. A giala, ǹ baraabaa lɛ dɔ yǎa masɛ li.»

Zonaasi 3:4

Zonaasi pinin goon tɔ wɔ kiwi lɛ nɛ bɛ̀ á n parɛɛ á n pii: «Kànaa ka lɛawaa pusi, Lawa á die Ninivu bɔ̀n biɛ.»

Matiə 12:39

Yezu tɔ́n pɛ ǹ nɛ: – Pelo min babaraan, Lawa bɔlɔ tii wolen kɛn man giɛ kaãbaa ǹ sii li! Kaãbaa ǹ sii kɔ́n ba re n nyɛɛ ka nɛ, a kiɛ̃ Lawa a boo gii-dali Zonaasi wɔ kɛ la wa.

Matiə 12:42

Kiri kurii pinaa, lɔ mɛn bɛ́ á goã kii lɛa Saabaa gána nɛ, bɛ á re yui kun ka pelo minin kɛn nɛ, a ǹ zɛ̀rɛ baa. A giala, a na á bɔ kanaa bǎã sɔsɔɔ nɛ, á daa n too kɔ Salomɔn a sii-doɛ̃ boon kɛn ganaa. Màn tá kànaa á gole á la Salomɔn nɛ dɛ!

Matiə 12:45

A n nɔmiɛ a wo nɔ̀ɔn sɔbaa kɔsɔ kũ a da ǹ nɛ, ǹ mɛnɛn bɛ́ baraa ǹ nə́ la a din ni, ǹ da giã walan kun. Bɛ kio kəni, bɛa dɛnaa lɛ a sisiamaa n baraa koe a la a lɛlɛ ǹ nɛ. Pelo minbuiinin kɛn lɛn man die goɛ̃ miɛ̃.

Matiə 12:6

Bɛ din tumaa kio, masɛ n pii ka nɛ, màn tá kànaa á gole á la Lawa a kion ne!

Matiə 16:4

Pelo min babaraan, Lawa bɔlɔ tii wolen kɛn ka n giɛ kaãbaa ǹ sii li! Kaãbaa ǹ sii kɔ́n ba re n nyɛɛ ka nɛ, a kiɛ̃ Lawa a boo gii-dali Zonaasi wɔ kɛ la wa. Bɛ kio, á kiɛ̃ á ǹ toa walan.»

Matiə 17:17

Yezu tɔ́n pɛ: «Ka màn tɔrɔ golee Lawa li baãnaan kɛn, ka n màn tɔrɔ baraa dɔ lɛa. Masɛ n die goɛ̃ kun ka nɛ yǎa biĩ doo, ka tɔn golee Lawa li? Masɛ n die kaa sii sii ma ganaa miɛ̃ yǎa biĩ kəni? Ka nɛ lɛ kũ ka da kɔ ma la kànaa.»

Matiə 23:36

Man taãn pii ka nɛ: Bɛa gɛ̀-dɛn kɛn lɛn tumaa a dɔlɔ á die pelo minbuiinin lɛn kuĩ!

Luku 11:32

Kiri-kurii pinaa, Ninivu kiwi minin tá re yui, kun ka pelo minin kɛn nɛ, ǹ ka zɛ̀rɛ baa. A giala, Ninivu minin lɛn bɛ́ ǹ nə́ Zonaasi a lɛ-dia lɛ ma, ǹ nə́ wusoo ǹ sii baraan kio, ǹ nə́ ǹ tɔ wɔ ǹ gɔn bɔyaa. Á ke! Min tá kànaa á n gole Zonaasi ni.»

Zaã a sɛ́wɔ 3:31

Min mɛn bɛ́ á bɔ Lawa li lon á daa, bɛ lɛ n min din tumaa mìi la. Min mɛn bɛ́ tán la kànaa, bɛa dɛnaa n kanaa minbuiin lɛa, a n boo diɛ kanaa mànan wɔ gɔn la. Min mɛn bɛ́ á bɔ Lawa li lon á daa,

Zaã a sɛ́wɔ 4:12

Wɔsɛn digolo Zakɔba mɛn bɛ́ á tù kɛ lɛ kɔ wɔ la, a dinmaa ná a mu mi, kun ka a nɛnyaanan nɛ, ka a tɔɔn nɛ, nsɛ n gole n la bɛ-n kən le?»

Rɔmu minin 2:27

Bɛa soroma kɛ lɛ gɔ̀nɔn siĩ wɔ gɔn la, bɛ lɛ n die kiri kuri nsɛ Zuifu lɛ la. A laanɛ n tá kurii ni, n nə́ Lawa a dí-pɛn doɛ̃, n bɛ́ n nə́ ǹ bɔlɔ tii. A da yaa soroma kɛ lɛ n koe ǹ lɛ a tá ǹ zɛnɛɛ.

Ebrəə 11:7

Golee Lawa li na á toa, Nowee Lawa a gɔn waaman kɛ si parsii lɛa. Yii bɛ́ a tɔn sii mɛn yɛ wa, Lawa na á n gɔn waa-n ka bɛ nɛ. Á goo zɛnaa a ná a kion minin kirisibaa nɛ. Dɔlɔ nə́ n bɔ kanaa ganaa, sɛnɛ, Lawa ga Nowee ganaa min pepere lɛa, a goleemali a lɛa.