Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matiə 12:32 - LAWA A BOO SONBORE

32 Bɛ̀ min mɛn nə́ Min a Nɛgiĩ tɔ ziziɛ̃, bɛa dɛnaa a sii baraa á re n toɛ nɛ. Sɛnɛ, bɛ̀ min mɛn nə́ Yiri Fu tɔ ziziɛ̃, bɛa dɛnaa a sii baraa a re n toɛ-n sisia wa, a re n toɛ-n biɛ̃ dɔn wa.

အခန်းကိုကြည့်ပါ။ ကော်ပီ

LAWA A BOO SONBORE 2011

32 Bɛ̀ min mɛn nə́ Min a Nɛgiĩ tɔ ziziɛ̃, bɛa dɛnaa a sii baraa á re n toɛ nɛ. Sɛnɛ, bɛ̀ min mɛn nə́ Yiri Fu tɔ ziziɛ̃, bɛa dɛnaa a sii baraa a re n toɛ-n sisia wa, a re n toɛ-n biɛ̃ dɔn wa.

အခန်းကိုကြည့်ပါ။ ကော်ပီ




Matiə 12:32
35 ပူးပေါင်းရင်းမြစ်များ  

Min mɛnɛn bɛ́ ǹ ba golee-n Lawa li wa, ǹ foo n yoo-n li miɛ̃, ta Lawa lɛ na á fɔlɔ biɛn kaa bɛn ganaa, ǹ ba gu diɛ wa.


Min a Nɛgiĩ dɔ na á daa, asɛ n màn bii, a n màn mii, minin man a gialaa pii: «Ka ga, giĩ kɛ-a, nàndɛnaa nɛ, a ba kiɛ̃ ka duvɛ̃ dɔ-n wa, wusuru-silin man a giaáran lɛa ka sii baraa-zɛnaali kɔsɔn dɔn nɛ!» Sii bǐɛ̃ mɛn nə yɛ wɔsɛn nya ǹ dín gɔ́ɔ̃ nɛ, bɛ lɛ n Lawa a yiridɛnaabaa nyɛɛ.


Bɛ lɛ na á toa, ma á pii ka nɛ: Minin sii baraan laanka ka ǹ Lawa tɔ ziziɛ̃ ǹ boon dinin tumaa á re n toɛ ka nɛ. Sɛnɛ, bɛ̀ min mɛn Lawa a Yiri Fu tɔ ziziɛ̃, bɛa dɛnaa a sii baraa a re ǹ toɛ-n wa.


A giala Min a Nɛgiĩ n susu ǹ pii mìi la.»


Min tɛn dɔ n kɔnboe ka màn tɔrɔ nɛ á mɛnaa nyan bii. Ǹ nə́ boo lɛ ma koe, sɛnɛ, kanaa sii a taasiɛn laanka naforo a lɛn bebelee siin man boo lɛ kuĩ, ǹ baa nɛ-kɔbaã wole lɛa.


Zɔ́ɔ mɛn bɛ́ á buu babaraa lɛ pɛsɛ̃ wuru lɛ nɛ, Sɛtaan din nə ka bɛ nɛ. A kurii waáraa ke, kanaa a nya waáraa n ka bɛ nɛ. Dí-nyalin mɛnɛn bɛ́ kuri, bɛn man lon a dia dí-a wolen lɛa.


Ǹ bɛ́ buu babaraa lɛ goɛ bɛ̀ ǹ kaa tɛ-n lɔn, a n die n biɛ miɛ̃ kanaa a nya waáraa.


Da-sɛlɛli lɛ a nɛ lɛ bie ka a din kɛ lɛ-n wa ya? Mariya bie a din dan lɛa wa? A din kɛ lɛ dɔɔ̃ngiĩ bie ka Zaaki ni, ka Zozɛfu ni, ka Simɔn laanka Zudee-n wa ya?


Yezu tɔ́n pɛ nɛ: «Tolokan yalan tan, bàanan kii tan, sɛnɛ, bǎã kɔ́n ba Min a Nɛgiĩ lon á n mìi susui a-n wa.»


á die bɛ din tumaa a laman paabiɛ yii: kionən ne, dɔɔ̃nɔn nɛ, náan nɛ, nɛnyaanan nɛ, ka wurun ni. Á die bɛn yii yii, a toa a yii n koo, á die nɔmɛɛ sɛn; biɛ̃, á die nyin nyabaã dɔ yii.


«Masɛ n pii ka-n sonbore, minbuiinin sii baraa tumaa á re n toɛ ǹ nɛ, ka ǹ Lawa tɔ ziziɛ̃ ǹ boon dinin tumaa nɛ.


Sɛnɛ, min mɛn bɛ́ re Lawa a Yiri Fu tɔ ziziɛ̃, bɛa dɛnaa a sii baraa na a mìi-n duduu, Lawa a re bɛ toɛ ǹ dɛnaa-n wa.»


«Bɛ̀ min boo baraa da masɛ Min a Nɛgiĩ ganaa, bɛa dɛnaa a sii baraa á die n toɛ nɛ. Bɛ̀ min boo baraa da Lawa a Yiri Fu ganaa, bɛa dɛnaa a sii baraa a re n toɛ-n wa.


Goledɛnaa lɛ dí mìilandɛnaa sii kɔkɔrɔ-zɛnaali kɛ lɛ para pɛ, a giala mà á dí nya ka yiridɛnaabaa nɛ. Sonbore, min mɛnɛn bɛ́ kanaa kɛ lɛ wɔn lɛa, bɛn man yiri boe ǹ sii zɛnaan gɔ́ɔ̃ nɛ ǹ dinin biin ni á la tɛ fúlu nɛn kɛn manɛ.


bɛa dɛnaa á die màn gigiã yii kanaa kɛ lɛ din ni, ka bɛ dɔ nɛ, á die nyin nyabaã yii biɛ̃.»


Yezu pɛ: «Maa Díi, ǹ sã toa ǹ nɛ, a giala, ǹ bɛ́ màn mɛn zɛnɛɛ ǹ ba bɛ doɛ̃ wa.» Ǹ bɛ́ re Yezu a mɔnaan gii kɔn, maǹ nə́ n pã.


Min a Nɛgiĩ dɔ na á daa, asɛ n màn bii, á n màn mii, ka lɛ n boe ma masɛ n nàndɛnaa lɛa, mà masɛ a kiɛ̃ ka duvɛ̃ dɔ-n wa, mà masɛ n wusuru-silin laanka sii baraa-zɛnaali gialakunun giaára lɛa.


Zaman lɛ bii, minin man nə́ goã kɔn liere koe parsiini a wɔ gɔn la. Ǹ tɛn na á goã pii mà min sonbore ne, ǹ tɛn dɔ mà Aba, mà a n minin yiri siɛ̃.


(Yezu na á pɛ miɛ̃, á goã boo diɛ Lawa a Yiri Fu wɔ gɔn la, a goleemali wolen bɛ́ re ǹ mɛn yii. Sonbore, bɛa biikoo li, bɛ̀ Lawa a Yiri Fu tɔn nə n kɔ ǹ la wa, a giala, bɛ á zɛnɛɛ, bɛ̀ Lawa tɔn gugurubaa kɔ Yezu la bɔrɔ wa.)


Ǹ nə́ tɔ́n na a lɛ si ǹ nə́ pɛ mà a dɔ n Galilee gána min lɛa ya? Mà a ga Lawa a boo-n doɛ̃, mà á re yii mà Lawa a boo gii-dali kɔ́n bin bɔ Galilee wa. [


Ka wusoo kaa sii baraan kio ka da Lawa ganaa, màn mɛn bɛ́ toɛ, Lawa kaa sii baraan tuturu.


A na á koa lon màn pàãdɛnan tumaa mìi la, ka ǹ goledɛnan nɛ. Tɔ mɛn bɛ́ boe la a tá n koe pelo a kanaa kɛ nɛ, ka kanaa kɛ-n die, a na á koa bɛ tumaa mìi la.


Haalɛ ta má a tɔ ziziɛ̃ lɛlɛ, má fuu nyaa a minin manɛ, má kakaarɛ kɔ ǹ ganaa. Sɛnɛ, á makara bɔ ma ganaa, a giala, goleemali bɛ́ a goã ma lon wa, man má zɛnaa bɛ̀ ma yii á tɔn tì.


Kɛ n boo taãn lɛa, min tumaa doamaa nɛ a si, a waa la mà Yezu Krita na á daa kanaa, màn mɛn bɛ́ toɛ, a sii baraa-zɛnaalin kirisibaa, sanparɛ masɛ mɛn wɔ bɛ́ á là da.


Din gù-kaa dɔ n daraa lɛa, a là tan sii tɛn gɔ́ɔ̃-n sɛn. Sɛnɛ, nyɛ́ɛ baa Lawa-n a là tan sii tumaa gɔ́ɔ̃ nɛ. Bɛ lɛ n toɛ Lawa wɔa wɔ bǐɛ̃ kɔ pelo, ka biɛ̃ nɛ.


A pɛ n laa kanaa kɛ a pàãman ganaa, mà ǹ baran n dinin gole kɔ wa. A pɛ ǹ nɛ dɔn, mà ǹ baran n foo doa naforo nya wolen kɛn ganaa wa, sɛnɛ, mà ǹ nə n foo doa Lawa ganaa. Asɛ lɛ n bǐɛ̃ màn tumaa koe wɔ la gigiã, màn mɛn bɛ́ toɛ, ǹ là yɛ wɔ ganaa.


A giala, Demaasi nə́ n saa sisia a kanaa kɛ li, á woo á ma daa. A na á woo Tesaloniki kiwi. Kresan woo Galaasi gána nɛ, Tiiti woo Dalmaasi gána nɛ.


Bɛa bǐɛ̃ kɛ lɛ n wɔ darɛɛ, mà wɔ piã ka Lawa-n tii, ka kanaa dùũ sii babaraan kɛn nɛ, ń giɛ wɔ á goɛ̃ kanaa kɛ nɛ, mìiwedɛnan lɛa, min peperen lɛa, wɔ n bɔlɔgoondɛnan lɛa Lawa nɛ.


Zii mɛn bɛ́ siĩni, á n pepere dɔn Díi Lawa yɔrɔ-a, bɛ n ka kɛ nɛ: N nə n dɔ nɛ-toenən laanka lɔ giɔɔrɔn lɛ ǹ nɔmaa gɔ́ɔ̃ nɛ, n nə n parabaa ka kanaa siin ni, màn mɛn bɛ́ toɛ, n baran gɔ̀ lɔ n din ganaa wa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ