Matiə 12:18 - LAWA A BOO SONBORE

¹⁸ «Masɛ din Lawa a dí-nyali n ka kɛ nɛ, má bɔ. Man bɛ lɛ narɛ, a sii á kɔɔ̃n ma ganaa. Man die ma din a Yiri Fu koe la. Á die ma foo sii boo diɛ tɔrɔn tumaa nɛ.

LAWA A BOO SONBORE 2011

¹⁸ «Masɛ din Lawa a dí-nyali n ka kɛ nɛ, má bɔ. Man bɛ lɛ narɛ, a sii á kɔɔ̃n ma ganaa. Man die ma din a Yiri Fu koe la. Á die ma foo sii boo diɛ tɔrɔn tumaa nɛ.

Matiə 12:18 ပူးပေါင်းရင်းမြစ်များ

Loen 89:19

Dɛnaa Lawa, n din nə ń wɔ tamaali kɛ kɔ wɔ la, Izirayeli a Lawa sonbore, n din nə ń kii kɛ koa wɔ mìi la.

Izayii 11:2

Dɛnaa Lawa Yiri n die goɛ̃ la: Yiridɛnaabaa laanka sii bɔbɔ kɔn lɛ ǹ yiri n die goɛ̃ a lon, daraa ka foo tãbaa ǹ yiri ni, Dɛnaa Lawa doɛ̃ laanka a guguru kɔ ǹ yiri ni.

Izayii 42:1

«Maa dí-nyali á ke: Man kuĩ a gɔn ganaa. Má bɔ ka foo kɔɔ̃nbaa nɛ. Má n yiri da la, má a peperebaa nyaa tɔrɔn manɛ.

Izayii 52:13

Dɛnaa Lawa pɛ: Á ke, maa dí-nyali n die bǐɛ̃ koe. Ǹ tá re a guguru koe, ǹ na a laakalaa gugurubaa n die n koe la.

Izayii 53:11

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.

Izayii 62:2

Bɛa biikoo li, tɔrɔn tumaa á re n peperebaa yii. KIIN tumaa á re n gugurubaa yii. Dɛnaa Lawa tɔ dii mɛn bɔ, ǹ tá re bɛ koe n ganaa kəni.

Zeremii 16:19

Dɛnaa Lawa, n din nə ma pàã lɛa. N nə n ma tamɛɛ ka n pàã gole kɛ nɛ. Koe biikoo li, n din nə maa duru ǹ bǎã lɛa. Tɔrɔn tá re boe kanaa lɛ dan ganaa, ǹ da n li, ǹ pɛ: «Wɔ digolon man nə́ soɛ dinsɔɔ̃ ma, sii kooron mɛnɛn bɛ́ là ba ǹ ganaa wa.

Zakarii 3:8

Yesuwa, n too kɔ, nsɛ mɛn bɛ́ Lawa a wúlu-bɔlen kiã lɛa, ka kasɛn kɛn dɔn nɛ kun ni Lawa a wúlu-bɔlen lɛa. A giala, sii mɛn bɛ́ re n zɛnɛɛ, kasɛn Lawa a wúlu-bɔlen kɛn tan nə bɛ giala pii. Á ke man die die ka maa dí-nyali ni, a tɔ n "da ten".

Matiə 12:17

A na á n zɛnaa miɛ̃, màn mɛn bɛ́ toɛ, Lawa a boo gii-dali Izayii boo mɛn da, bɛ lɛ lɛ pã. A na á pɛ kɛnɛn:

Matiə 17:5

A bɛ́ bɛa boo lɛ diɛ, labara tɛ-pɛle goon nə́ n kuməə ǹ ganaa. Boo-diɛ lɛ bɔ bɛa labara lɛ gɔ́ɔ̃ nɛ á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ. Ka n too kɔ a lon!»

Marki 1:11

Boo-diɛ lɛn bɔ lon á pɛ: «Ma n maa Nɛgiĩ lɛa, ma á n narɛ parsiini, masɛ din ni má n bɔ.»

Marki 9:7

Labara goon bɔ á n kuməə ǹ ganaa. Lawa a boo-diɛ lɛ bɔ bɛa labara lɛ gɔ́ɔ̃ nɛ á pɛ: «Masɛ a Nɛgiĩ narɛ wole n ka kɛ nɛ, ka n too kɔ a lon!»

Luku 23:35

Zaman lɛ na á goã golee ne giɛ. Pàã a goledɛnan kɛn sɛn man nə́ goã yaa we bɛ̀ ǹ nə́ pii: «Ń min kɔsɔn nyin si, n din wɔ si sisia kəni, bɛ̀ Nyin-sili kɛ lɛ Lawa n die diɛ, Lawa din a min boe lɛ, bɛ̀ n tá bɛ lɛa sonbore!»

Luku 3:22

Yiri Fu gisĩ la, yii ná a ganaa ka zɛrɛkantoan bɛ́ lɔn. Ka bɛ dɔ nɛ, boo-diɛ lɛn bɔ lon á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ.»

Luku 4:18

Dɛnaa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ,

Luku 9:35

Boo-diɛ bɔ bɛa labara lɛ-n kɛnɛn: «Kɛ n masɛ a Nɛgiĩ lɛa, ma bɛ́ má min mɛn yii gɔgɔɔ̃. Ka n too kɔ a lon.»

Zaã a sɛ́wɔ 3:34

Lawa bɛ́ á min mɛn dia, bɛa dɛnaa lɛ n Lawa a boon pii, a giala, Lawa din na a Yiri koe la ka a parsiini.

Nya ǹ dín 10:38

Ka á doɛ̃, mà Yezu mɛn bɛ́ boe Nazarɛti, mà Lawa na á bɔ, á Yiri Fu kɔ la parsiini, ka pàã dɔ nɛ. Á woo bǎã tumaa nɛ, á bǐɛ̃ zɛnaa. *Sɛtaan goã min mɛnɛn tumaa nɔmiɛ, á bɛn yii kaka kɔ, a giala, Lawa na á goã kun ni.

Nya ǹ dín 11:18

Min mɛnɛn bɛ́ n too koe Piɛrɛ lon, ǹ bɛ́ ǹ nə́ boo kɛ ma, ǹ foo waa. Ǹ nə́ barka da Lawa-n kɛnɛn: «Á ke, Lawa zii kɔ tɔrɔ kɔsɔn kɛn dɔn la, ǹ nə́ wusoo ǹ sii baraan kio, ǹ nə́ golee Lawa li. Bɛa tɔ wɔ ǹ gɔn bɔyaa kɛ nə ǹ kiɛ yiikoonaabaa taãn-taãn nɛ.»

Nya ǹ dín 14:27

Ǹ bɛ́ ǹ nə́ dɔ Antiɔsi, ǹ nə́ Lawa a sɔmɔ minin lɛ sɔkɔn. Lawa sii mɛn din tumaa zɛnaa ǹ gɔn, ka bɛ dɔ nɛ, a n dɔ ǹ lɛ lɔn tɔrɔ kɔsɔn nə́ lɛ kɔ ǹ nə́ wɔ golee Lawa li ǹ zii kɛ nɛ, ǹ nə́ bɛ laakalaa.

Efɛɛzi minin 1:6

A n mà wɔ asɛ a bǐɛ̃ golee kɛ lɛ laakalaa. A bǐɛ̃ mɛn baa wɔ la ka bǐɛ̃baa ǹ foo ne, a ná a Nɛgiĩ narɛɛ wole kɔ wɔ la.

Kolɔɔsi minin 1:1

Masɛ Pooli, Lawa dùũ barka nɛ, man Yezu *Krita a dia dí-a wole lɛa. Ma laanka ma dɔɔ̃ngiĩ Timote n sɛ́wɔ kɛ diɛ

Kolɔɔsi minin 1:13

Sonbore, Lawa na á wɔ bɔ wɔlɔ tì a goledɛnaa *Sɛtaan pàã giulun, á wɔ kaa a din a Nɛgiĩ narɛɛ wole kɛ a kiibaa nɛ.

Piɛrɛ1 2:4

Ka n mɔrɔ Dɛnaa lɛ ganaa. A din lɛ n kɔlɔ yiikoonaa lɛ lɛa, minin nə́ n piã nɛ, sɛnɛ, a din lɛ-n Lawa bɔ, á n soɛ kɔlɔ tumaa nɛ a yɔrɔ-a.

Piɛrɛ2 1:17

bɛ̀ Díi Lawa din bɛ́ zín laanka gugurubaa koe la. Bɛ na á n zɛnaa wɔ yii ni, bɛ̀ Lawa din bɛ́ á n toa a din a gugurubaa gole kɛ nɛ, á pɛ: «Kɛ n maa Nɛgiĩ narɛɛ wole lɛa, a na á kɔɔ̃n kɔ ma din ni má bɔ.»