Matiə 12:10 - LAWA A BOO SONBORE

¹⁰ Giĩ gɔn goon gere-a kɔ́n na á goã walan. Minin mɛnɛn bɛ́ walan, bɛn nə́ nɔ̀n da Yezu la ǹ nə́ pɛ: «Wɔa landa tá lɛ koe wɔ busulə kaka kɔ susu ǹ pii pinaa?» Maǹ nə́ bɛ pɛ ǹ nə́ giɛ a zɛ̀rɛbaa ǹ gɔn li.

LAWA A BOO SONBORE 2011

¹⁰ Giĩ gɔn goon gere-a kɔ́n na á goã walan. Minin mɛnɛn bɛ́ walan, bɛn nə́ nɔ̀n da Yezu la ǹ nə́ pɛ: «Wɔa landa tá lɛ koe wɔ busulə kaka kɔ susu ǹ pii pinaa?» Maǹ nə́ bɛ pɛ ǹ nə́ giɛ a zɛ̀rɛbaa ǹ gɔn li.

Matiə 12:10 ပူးပေါင်းရင်းမြစ်များ

Izayii 32:6

A giala, baãnaa n baãnaabaa ǹ boo diɛ. A nə n taasɛ sii baraa zɛnaa dinsɔɔ̃ ganaa. A n sii bɔbɔnɛɛn zɛnɛɛ. A n sɔ koe Dɛnaa Lawa ganaa. A ba màn-bii koe bòonaa la wa, A ba mu koe mu borodɛnaa la wa.

Izayii 59:13

Dɛnaa Lawa, wɔ n bɔlɔ tii. Wɔ n yiri sã. Wɔ n wɔlɔ lui n ganaa, wɔa Lawa. Mɛnaa minin la boo na á goã wɔ lɛ-n, ka gòãn dii boo ne. Soɛ boon dininsɔɔ̃nɔn man wɔ foo ne.

Izayii 59:4

Min kɔn ba woe kiri wɔ ǹ bǎã nɛ peperebaa a lɛa wa. Min kɔn ba kiri kuri ka sonborebaa-n wa, ka nə n foo doɛ sii kooron ganaa, ka n soɛ boe, Ka nə n taasɛ sii baraa zɛnaa ganaa, ka n koe yii nɛ lɛa.

Zakarii 11:17

Tɔɔn-lɛduə̃li baãnaa mɛn bɛ́ n la boe a tɔɔn ganaa, bɛ wɔ n ka bɔ̀n nɛ! Gɔya sa á re a nyàa goon niɛ̃, a na a gusin a yii puru! A nyàa á re laɛ, a laa kakaka. A gusin a yii á re tiɛ̃, a tã lenlen!

Matiə 12:2

*Fariziɛ̃n bɛ́ ǹ nə́ bɛ yɛ, ǹ nə́ pɛ Yezu ni: «Ga, wɔsɛn landa bɛ́ a ba lɛ koe dí mɛn nə n nya susu ǹ pii pinaa wa, n kialandɛnan lɛn nə́ ke bɛ gialaa nyɛɛ!»

Matiə 19:3

*Fariziɛ̃n kɔnɔn nə́ n zɔ̃ ǹ nə́ dɔ a li, ǹ nə́ nɔ̀n da la ǹ tá n diɛ a gɔ́ɔ̃ li: «Wɔa landa lɛ á lɛ koe giĩ na a lɔ loo haalɛ ta a mìi n ka sii mɛn nɛ?»

Marki 3:2

Min mɛnɛn bɛ́ ǹ nə́ goã walan, bɛn man nə́ goã giɛ Yezu gɔn li sɔnbɔraanɛ, bɛ̀ á die giĩ lɛ a busu nyɛɛ *susu ǹ pii pinaa, ǹsɛn nə́ dɔ̃. A giala, maǹ giɛ a zɛ̀rɛbaa ǹ gɔn li.

Luku 11:54

maǹ nə́ goã n diɛ a para li ǹ nə́ giɛ, bɛ̀ á re a din da kanaa ǹ boo kɔ́n diɛ.

Luku 13:14

Lɛsɔkɔn kion lɛ a goledɛnaa yɔrɔ kɔsɛ, a giala Yezu na á busulə kaka kɔ susu ǹ pii pinaa. Á boo saa á pɛ zaman nɛ: «Lɛawaa sɔrɔ tumaa tan dí nya ǹ piin lɛa. Haya, ka da bɛa piin kɛn lɛn li, màn mɛn bɛ́ toɛ, ǹ kaa busun nya, ka baran da susu ǹ pii pinaa bɛ ganaa wa.»

Luku 20:22

Á siĩni wɔ nyin giɔ̀mɔ saraa Rɔmun kii gole gole kɛ la, hinlaa wɔ baran saraa wa?»

Luku 23:14

Á pɛ ǹ nɛ: «Táa ka n ka daa ka giĩ kɛ nɛ masɛ li, mà a n zaman yiri siɛ̃. Á ke, masɛ nɔ̀n da la ka dinin yii ni, ka bɛ́ màn mɛn yii pii, ka n kiɛ a mìi ni, masɛ bɛa dɔlɔ bɔ ǹ sii kɛ kɔ́n yɛ giĩ kɛ wɔ gɔn la wa.

Luku 23:2

Ǹ nə́ yoo ǹ tá a gòãn kuri ǹ nə́ pii mà ǹsɛn man nə́ woo giĩ kɛ yaa ǹsɛn gána minin yiri siɛ̃. A n pii, mà ǹ baran nyin giɔ̀mɔ saraa Rɔmun kii gole gole lɛ la wa. Ka bɛ dɔ nɛ, a n pii mà Minin Nyin-sili lɛn ka asɛ nɛ, mà asɛ n kii dɔ lɛa.

Zaã a sɛ́wɔ 5:10

Bɛ lɛ nɛ, Yezu giĩ mɛn lɛ a busu nya, Zuifun goledɛnan nə́ tɔ́n pɛ bɛ lɛ nɛ kɛnɛn: «Susu ǹ pii n pelo, n doamaa bie n nə n piì saa n gũ wa.»

Zaã a sɛ́wɔ 5:3

Busulə gigiã goã wɛɛ tán-a ǹ giulun: yii tere-an nɛ, sisiməə wolen ne, ka bɔlɔkan nɛ. [Maǹ nə́ goã mu lɛ a bìn-diɛ duĩ.

Zaã a sɛ́wɔ 7:23

Bɛ̀ ka tá boe la ka nɛginin kuru susu ǹ pii pinaa, màn mɛn bɛ́ toɛ, Muizu dí mɛn pɛ kurii wɔ gɔn la ka baran bɛ ziziɛ̃ wa, wàa na á baa ka foo á yui masɛ li, a giala, masɛ n má minbuiin nɛ tumu a busu nya má bɔ a ganaa susu ǹ pii pinaa?

Zaã a sɛ́wɔ 8:6

Maǹ nə́ bɛ pɛ miɛ̃ ǹ tá n diɛ a gɔ́ɔ̃ li, màn mɛn bɛ́ toɛ, ǹ na a zɛ̀rɛbaa ǹ sii yɛ. Sɛnɛ, Yezu nə́ n zuməə, á bɔ á mɛ la á sɛ́wɔ kikiɛ̃ tán-a ka a gòon ne.

Zaã a sɛ́wɔ 9:16

Bɛ lɛ nɛ, Fariziɛ̃n lɛn tɛnɛn nə́ goã pii mà Lawa din bie á kɛa giĩ kɛ dia wa, a giala, mà a ba susu ǹ pii tamaɛ wa. Sɛnɛ, ǹ tɛn dɔ na á goã pii mà bɛ̀ sii baraa-zɛnaali ni, mà á n siɛ lɔn a boo la a kaãbaa ǹ siin kɛn miãn zɛnaa? Ǹ lɛ kaa kɔn para-a.