Matiə 11:5 - LAWA A BOO SONBORE

⁵ Yii tere-an yii n wɔlɔ yii, bɔlɔkan man tɔ we, gɔ̀nɔn busu babaraa dɛnan busu n nyɛɛ, too tere-an man boo miɛ, geren yii n kiɛ, Boo Tii Kɔɔ̃n nə n pii doobaan manɛ.

LAWA A BOO SONBORE 2011

⁵ Yii tere-an yii n wɔlɔ yii, bɔlɔkan man tɔ we, gɔ̀nɔn busu babaraa dɛnan busu n nyɛɛ, too tere-an man boo miɛ, geren yii n kiɛ, Boo Tii Kɔɔ̃n nə n pii doobaan manɛ.

Matiə 11:5 ပူးပေါင်းရင်းမြစ်များ

Kiin2 5:14

Naaman tɔ́n kiɛ̃ á woo Zurdɛ̃ tà lɛ lɛ-a, á n yii sã Zurdɛ̃ tà mu lɛ li gunyin sɔbaa, ka Lawa a min lɛ goã á da lɔn. Naaman yoreen kɔ, a gɔ̀nɔn nə́ n baa ka nɛnyaan boɛɛn gɔ̀nɔn nɛ.

Kiin2 5:7

Kii lɛ bɛ́ á sɛ́wɔ lɛ pɛ á nya, a ná a mɔnaan tɔtoɛ̃ foo ziziɛ̃ gɔn á pɛ: «Siirii gána a kii lɛ din bɛ́ yui min diɛ masɛ li mà ma a gɔ̀nɔn ki busu babaraa nya ma bɔ a ganaa, Lawa n ka masɛ nɛ, boe nyin nya laanka nyin kɔ la? Ka yɛ ka dɔ̃, mà a n giɛ ma lɛ li.»

Loen 146:8

Dɛnaa Lawa n yii tere-an yii buĩ. A din nə talaa wolen kuĩ ǹ koɛ lon. A n min peperen narɛ.

Loen 22:26

Dɛnaa Lawa, n din a bǐɛ̃baa na á toa, ma á n tɔ boe zaman gole kɛ bii. Man lɛ kɔ n la ka wúlu mànan mɛnɛn nɛ, ma á re bɛn koe n la n nyɛ́ɛbaama-n wolen yɔrɔ-a.

Bɔ bɛ̀rɛbaa nɛ 4:11

Dɛnaa pɛ-n kɛnɛn: «Die na á lɛ kɔ minbuiin nɛ la? Die n minbuiin nɛ lɛ tiɛ̃, a nà a too tã? Die n toɛ a yii á wɔlɔ yii, die na a yii tiɛ̃? Ma din Dɛnaa Lawa bie wa?

Izayii 29:18

Bɛa pinaa boo mɛn bɛ́ kiɛ̃-n sɛ́wɔ kɛ nɛ, too tere-an tá re bɛ miɛ. Yii tere-an tá re soe tèlò-n wɔlɔ tì li, ǹ yii n wɔlɔ yii foaã nɛ.

Izayii 29:19

Min mɛnɛn foo bɛ́ ziziɛ̃ nɛ, bɛn tá re foo kɔɔ̃nbaa gole yii Dɛnaa Lawa li. Ǹ mɛnɛn tumaa bɛ́ doobaa taãn-taãnan lɛa, bɛn tá re n nyɛnyɛɛ Izirayeli a Lawa sonbore kɛ taman yii.

Izayii 43:8

Ka tɔrɔ yii tere-a kɛ kũ, ka soo ne. A yiin tan, sɛnɛ, ǹ ba wɔlɔ yii wa. A toon tan, sɛnɛ ǹ ba boo miɛ wa.

Izayii 66:2

Bɛa mànan kɛn tumaa, ma din gɔn nɛ á ǹ zɛnaa. Ǹ tumaa n ma din wɔn lɛa. Masɛ Dɛnaa Lawa a da ǹ boo ne. Sɛnɛ, ma yii bɛ́ doa-n min mɛn la ka makara-doɛ̃ nɛ, nɔmaa-wɔle kɛ nɛ, a foo n ziziɛ̃ nɛ, ka min mɛn bɛ́ n too koe maa boo ganaa, a n nyɛ́ɛ biɛ ma yii ni.

Zakarii 11:7

Ǹ bɛ́ woe ka sèren mɛnɛn nɛ ǹ dɛ ǹ bǎã nɛ, sanparɛ a makaradɛnan kɛn, ma dinmaa-n bɛn lɛduə̃li lɛa. Má tɔɔn lɛduə̃ ǹ bàlà màn paa saa. Má a bibinaa bíi "giaárabaa", má a paabaa ǹ wɔ bíi "goonbaa", má maa sèren lɛduə̃ giala kɔ.

Matiə 10:8

Ka busulən busu nya, ka geren yii kaa, ka gɔ̀nɔn busu babaraa dɛnan busu nya, ka nɔ̀ɔnɔn loo ka ǹ bɔ minin ganaa. Ka n ka yɛ kooro, ka dɔn nə kɔ kooro.

Matiə 11:4

Yezu tɔ́n pɛ ǹ nɛ: «Ka too bɛ́ á màn mɛn ma, ka yii yɛ, ka wo bɛ lɛ laakalaa ZAÃ nɛ.

Matiə 12:13

Yezu tɔ́n pɛ giĩ lɛ nɛ: «N gɔn lɛ bɔ kɔn.» Á bɔ kɔn, á wusoo á bǐɛ̃ kɔ siĩni ka a gɔn lɛ a goon kɛ bɛ́ lɔn.

Matiə 21:14

Yii tere-an kɔnɔn laanka bɔlɔka tɔrɔ kɔsɔn nə́ n zɔ̃ ǹ nə́ dɔ Yezu li Lawa a kion, Yezu nə́ ǹ busu nya.

Matiə 5:3

– Min mɛnɛn bɛ́ ndinin doɛ̃ doobaan lɛa Lawa wɔ paǹ li, Lawa á re barka diɛ bɛn ganaa, a giala lon a kiibaa lɛ nə ǹ dinin wɔ lɛa!

Matiə 9:30

Ǹ yiin nə́ n bũ. Yezu nə́ n gɔn waa ǹ nɛ, á pɛ ǹ nɛ: «Haya! Ka nyan toa min kɔ́n bɔ a siére-a wa.»

Marki 7:37

Minin nə́ goã n kaãbiɛ a zɛnaa ǹ siin ganaa á la yii ni. Bɛ lɛ nɛ, ǹ nə́ goã pii: «E, ka ga a zɛnaa ǹ siin ganaa dɛ! Ǹ tumaa n siĩn sɔɔ̃nɛ. A n too tere-an dinin diɛ boo ma ganaa, a n lɛ tere-an dɔn diɛ boo diɛ ganaa.»

Marki 9:25

Yezu bɛ́ á yɛ zaman nə́ tɔn nə n nanaɛ die ǹ li, á paraa nɔ̀ɔnɔn lɛn li, á pɛ ǹ nɛ: «Kasɛn mɛnɛn bɛ́ min kurii boo diɛ laanka boo ma ganaa, man pii ka nɛ, máa ka woo ka n bɔ nɛ kɛ lɛ nɛ, ka nyan toa ka da a ganaa doo duduu wa!»

Luku 4:18

Dɛnaa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ,

Zaã a sɛ́wɔ 10:25

Yezu tɔ́n pɛ ǹ nɛ: «Ma bɛ́ má pɛ ka-n lɛlɛ, ka bɛ́ ka a golee ma li wa. Ma bɛ́ dín mɛnɛn nyɛɛ ka maa Díi tɔ-n ke, bɛn lɛn man siérebaa ǹ siin lɛa maa wɔ gɔn la.

Zaã a sɛ́wɔ 10:38

Sɛnɛ, bɛ̀ ma tá bɛn nyɛɛ, haalɛ ta ka ba re golee masɛ li wa, ka waa bɛa zɛnaa ǹ siin lɛn sɛn la, màn mɛn bɛ́ toɛ, ka dɔ̃ taãn-taãnɛ, mà maa Díi tá kun ka ma nɛ, ka masɛ dɔ bɛ́ kun ka maa Díi-n lɔn.»

Zaã a sɛ́wɔ 2:23

Yezu bɛ́ Zeruzalɛmu, kiɛ̃mala ǹ zɔ́n biikoo li, min gigiã bɛ́ á yɛ kaãbaa ǹ siin zɛnɛɛ, ǹ nə́ golee li.

Zaã a sɛ́wɔ 3:2

Ǹ kɔ́n pinaa tèlò-n, á daa Yezu li á pɛ nɛ: «Mìinaa, wɔsɛn tá doɛ̃, wáa Lawa na á n dia mà n da wɔ daraa. A giala, n bɛ́ kaãbaa ǹ siin mɛnɛn zɛnɛɛ, min kɔ́n ba boe la a bɛn zɛnaa, bɛ̀ Lawa ná a kun ka ǹ dɛnaa-n wa.»

Zaã a sɛ́wɔ 5:36

«Sɛnɛ, masɛ a siérebaa ǹ sii kɔsɔ tan, bɛ n golee á la ZAÃ a siérebaa ǹ boo kɛ nɛ: Maa Díi nya ǹ dín mɛnɛn kɔ masɛ la má ǹ nya, bɛa dín kɛn lɛn masɛ tá ǹ nyɛɛ, bɛn lɛn man siére biɛ masɛ wɔ gɔn la, ǹ nə́ nyɛɛ mà masɛ a Díi na á ma dia.

Zaã a sɛ́wɔ 9:7

á pɛ nɛ: «Mu nyankɔrɔ mɛn bɛ́ ǹ tá bíi Silowee (bɛ giala mà dia dí-a wole), wo n yii pii bɛ nɛ.» Yii tere-a lɛ woo walan, á n yii pii, a bɛ́ n bɔyɛɛ die bɛ̀ a yii n wɔlɔ yii.

Nya ǹ dín 2:22

Piɛrɛ pɛ ǹ nɛ doo: – Izirayeli minin lɛn, masɛ bɛ́ re màn mɛn pii ka nɛ ka n too kɔ bɛ ganaa. Nazarɛtin Yezu lɛ, Lawa na á dia ka bii a din a dí a lɛa. Lawa na á bɛ nyaa ka nɛ, ká dɔ̃ kaãbaa ǹ sii laanka sii-nyaa ǹ sii dadara tɔrɔ tumaa li, Lawa din mànan mɛnɛn zɛnaa a gɔn. Ka dinin tumaa bɛ dɔ̃,

Zaaki 2:5

Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.