Matiə 11:28 - LAWA A BOO SONBORE

²⁸ «Ka mɛnɛn tumaa bɛ́ nɔmaa nɛ guĩ giulun, ka da ma li, ma á die susui koe ka la.

LAWA A BOO SONBORE 2011

²⁸ Ka mɛnɛn tumaa bɛ́ nɔmaa nɛ guĩ giulun, ka da ma li, ma á die susui koe ka la.

Matiə 11:28 ပူးပေါင်းရင်းမြစ်များ

Zɔbu 14:1

Minbuiin nɛ kɛ lɛ yii lɔ la, a nyin ba sasa wa, nɔmaa dɔ́ la a yii ni.

Zɔbu 5:7

Tɛ bɛ́ pupuri bɛ̀ a yoo lon lɔn sàabaa ná a ba la wa, minbuiin nɛ dɔ na á yɛ nɔmaa taman yii.

Loen 116:7

Sisia, ma foo basã kəni, a giala, Dɛnaa Lawa bǐɛ̃ zɛnaa ma nɛ.

Loen 32:4

A giala, penleen laanka tèlò ne, má n gɔn lɛ yɛ, ma gɔ̀nɔn mu dama ka taãlan gòɛ̃ nɛ. *Doa.

Loen 38:4

Ma paǹ kɔn din ba kooro doo wa, n foo a yoo lɛ taman yii, ma we kɔn din ba siĩn doo wa, maa sii baraa lɛ taman yii.

Loen 94:13

Asɛ n goɛ̃ susui la minin nɔmaa pinaa, bɛ á zɛnɛɛ, bɛ̀ min baraan man mɛnɛɛ koe ne, ǹ tá bɔ̀n biɛ.

Boo-laakalaali 1:14

Dí mɛn tumaa bɛ́ n nyɛɛ kanaa, má a yii yɛ. Sɛnɛ, á ke bɛ kɔn giala banban, a n ka min nə piɛ̃ lui.

Boo-laakalaali 1:8

Màn din tumaa n dí nyɛɛ, minbuiin nɛ ba boe a pɛ la wa. Ga ba yii nàn boe wa. Too bɛ́ màn mɛn miɛ̃, bɛa piɛ̃ wa.

Boo-laakalaali 4:8

Min nə ke a dinsɔɔ̃, a min kɔsɔ banban wa. A banban nɛ lɛa wa, a banban dɔɔ̃n lɛa wa. A da yaa, bɛa dɛnaa kɛ lɛ n kɔn ka di-n miɛ̃ duduu, gɔn màn ba doe a yii li wa. Die a lɛa nɛ, á n dí nyɛɛ, á n nyɛnyɛɛ lɛ tiɛ̃ a din ganaa? Bɛ dɔ giala banban, a n foo busi a tɔ-a.

Izayii 1:4

Nsɛ, sii baraa-zɛnaali tɔrɔ, n sii baraan nə́ la yii ni, n wɔ n ka bɔ̀n nɛ! Nɛnyaan gòãn dii wole, tɔrɔ babaraa, ka n dɔ̀ɔ̃ wɔ Dɛnaa Lawa nɛ! Ká Izirayeli a Lawa sonbore kɛ bɔlɔ tii, ka n gòãn dii a ganaa.

Izayii 11:10

Bɛa pinaa lɛ nɛ, Zesee tɔrɔ lɛ n die goɛ̃ ka zanzan bɛ́ lɔn kanaa a tɔrɔn tumaa yɔrɔ-a. Tɔrɔ tumaa á re die giɛ yiri li a li. A bɛ́ re gɛnɛɛ bǎã mɛn nɛ, gugurubaa n die tɛ pii walan.

Izayii 28:12

A da yaa, á pɛ ǹ nɛ: «Kànaa n bǎã kiĩn lɛa. Min mɛn nɔmaa, ka toa bɛa dɛnaa nə n susu. Kànaa n bǎã kiĩn lɛa.» Sɛnɛ, ǹ lɛ kɔ ǹ nə́ n too kɔ wa.

Izayii 61:3

*Siɔn minin mɛnɛn bɛ́ gɛ̀ koɛ, ma doamaa nɛ ma mɔnaa gɔn sonbore pɛnɛ ǹ mìi ganaa gɛ̀ koa ǹ ton kɛ bǎã nɛ; ma doamaa nɛ ma nyɔɔ gìĩ kɔɔ̃n kaa ǹ ganaa ǹ gɛ̀ koa kɛ dòo. Ma doamaa nɛ ma zɔ́n mɔnaa wɔ ǹ ganaa ǹ foo ziziɛ̃ kɛ dòo lɛa. Ka bɛ-n kəni, ǹ tá re ǹ bíi: «Peperebaa ǹ da, dù gɔrɔ mɛn bɛ́ Dɛnaa Lawa a siĩnbaa nyɛɛ».

Izayii 66:2

Bɛa mànan kɛn tumaa, ma din gɔn nɛ á ǹ zɛnaa. Ǹ tumaa n ma din wɔn lɛa. Masɛ Dɛnaa Lawa a da ǹ boo ne. Sɛnɛ, ma yii bɛ́ doa-n min mɛn la ka makara-doɛ̃ nɛ, nɔmaa-wɔle kɛ nɛ, a foo n ziziɛ̃ nɛ, ka min mɛn bɛ́ n too koe maa boo ganaa, a n nyɛ́ɛ biɛ ma yii ni.

Zeremii 31:25

Taãn nɛ, min mɛnɛn nə nɔmaa, ma á re mu koe bɛn la ǹ mi. Pàãwɛɛnaan kɛn, ǹ laadoo bɛ́ màn mɛn tumaa ganaa ma á re bɛ koe ǹ la.

Zeremii 35:16

Rekabu tɔrɔn sɛn nə kɔ ǹ digolo Zonaadaabu a gɔn waa lɛ. Sɛnɛ, kasɛn Zudaa minin, ka n too kɔ ma lon wa!

Zeremii 6:16

Dɛnaa Lawa bɛ màn mɛn pii á ke: Ka zii mɛn saa, ka golee bɛ la, ka n taasɛ. Ka nɔ̀n da lɛlɛ ǹ ziin kɛn nɛ, ka ga zii lɛ a sonbore li, ka kɔ lɛ. Ka bɛ nɛ, ka á re susui yii ka dinin wɔ lɛa. Sɛnɛ, ǹ nə́ pɛ kɛnɛn: «Wɔ a re koe lɛ wa.»

Matiə 11:29

Ma a kakaarɛ wa, ma a min puusə koe wa. Ma bɛ́ guĩ mɛn koe ka la ka bɛ lɛ si, ka maa doroo ma, piɛ̃ á re kiɛ ka ganaa.

Matiə 23:4

Maǹ guĩ gugurun yii bɛ̀ ǹ da tán mà minin nə saa, sɛnɛ, ǹ dininmaan ba lɛ koe ǹ nə n gɔn da li, ǹ nə ǹ yu-n wa.

Zaã a sɛ́wɔ 6:37

Maa Díi bɛ́ min mɛn tumaa koe masɛ la, bɛn tá re die ma li, bɛ̀ min mɛn dɔ daa ma li, ma a re bɛ kɔ́n lui wa.

Zaã a sɛ́wɔ 7:37

Zɔ́n lɛ a nya pinaa, a din pinaa lɛ dɔ n zɔ́n lɛ a kɔɔ̃nbaa pinaa lɛa, Yezu yoo á golee lon á pɛ ka lɛn gole-n kɛnɛn: «Bɛ̀ mu boro tá min mɛn ganaa, ǹ dɛnaa da masɛ li a mu mi.

Nya ǹ dín 15:10

Bɛ lɛ tɔ ganaa, a ba siĩni wɔsɛn nə wɔ Lawa lon wa. Wɔsɛn dinin laanka wɔ digolon bɛ́ wɔ boo la wɔ́ guĩ mɛn gũ wa, wɔsɛn ba siĩni wɔ bɛ da tɔrɔ kɔsɔ Lawa-nyankɔlen kɛn mìi-n wa.

Nya ǹ dín 20:35

Sii din tumaa gɔ́ɔ̃ nɛ, má nyaa ka nɛ máa min nə siĩni a nɔmaa miɛ̃, a tɔn nə n dɔ doobaan lɛ, bɛ̀ a yiri n Yezu din a boo kɛ nɛ: «Nyɛnyɛɛ tá màn kɔ min la nɛ á la min a màn kɔmala nɛ.»

Galaasi minin 5:1

*Krita na á wɔ si bɛ̀rɛbaa la, mà wɔ goã wɔ gɔn wìi a lɛa taãn-taãnɛ. Ka toa ka goã doa-n sɔnbɔraanɛ bɛa tá ma din gɔn wìi a lɛa kɛ lɛ gɔ́ɔ̃ nɛ. Ka nyan toa, ka wusoo ka ka dinin kɔ bɛ̀rɛbaa la doo wa.

Tesaloniki2 1:7

Sɛnɛ, kasɛn mɛnɛn bɛ́ nɔmaa we sisia, á re susui koe ka la, kun ka wɔsɛn nɛ. Bɛ á re n zɛnɛɛ Dɛnaa Yezu a daa pinaa. Á re n din nyɛɛ kun ka a dia dí-a wole pàãdɛnan kɛn nɛ.

Ebrəə 4:1

Lawa a lɛ-kɔ lɛ n wɔ dɔn wɔ lɛa, wɔ á re boe la, wɔ wɔ bɛa bǎã lɛ nɛ wɔ n susu. Ka daa wɔ n dinin kũ, màn mɛn bɛ́ toɛ, kaa min kɔ́n baran fɔ̃ bɛa susui kɛ lɛ li wa.

Sii-nyaan 22:17

Yiri Fu ni ka Lawa a sɔmɔ minin ni bɛn man pii: «Daa.» Min mɛn dɔ too bɛ́ á ma, a dɔ́ pɛ: «Daa.» Mu boro bɛ́ min mɛnɛn ganaa ǹ dɔn nə daa, bɛ̀ ǹ mɛn tá giɛ yiikoonaabaa ǹ mu li, a yɛ kooro.