Matiə 11:22 - LAWA A BOO SONBORE

²² Bɛ lɛ taman yii, masɛ n pii ka nɛ, kiri kurii pinaa, kaa dɔlɔ á die gole koe á la Tiiri minin laanka Sidɔn minin wɔ nɛ.

LAWA A BOO SONBORE 2011

²² Bɛ lɛ taman yii, masɛ n pii ka nɛ, kiri kurii pinaa, kaa dɔlɔ á die gole koe á la Tiiri minin laanka Sidɔn minin wɔ nɛ.

Matiə 11:22 ပူးပေါင်းရင်းမြစ်များ

Zeremii 25:22

Tiiri minin kiin tumaa nɛ, Sidɔn wɔ nɛ, gánan kɛn tumaa Yìsi mu gole kio, ka bɛn wɔn nɛ.

Zeremii 27:3

N tɔn nə ǹ kɔ Edɔmun kii a dí-nyali gole kɛ la kànaa, Moabu gána a kii wɔ nɛ, Amɔnitin kii wɔ nɛ, Tiirin kii wɔ nɛ ka Sidɔn gána kii wɔ nɛ, ǹ mɛnɛn bɛ́ ǹ nə́ daa Zeruzalɛmu Zudaan kii Sedekiasi li.

Ezekieli 29:18

– Minbuiin a nɛ, ga! Baabiloniin kii Nebukadenezɔɔrɔ yoo Tiiri kiwi gialaa, á dí gole da a sɔraasin mìi ni. Ǹ baã ka tumaa kaa, ǹ nyàa koo tumaa sɔsɔlɔ. Sɛnɛ, a dí mɛn nya Tiiri ganaa, a din laanka a sɔraasin lɛn nə là goon yɛ a-n wa.

Zowɛli 3:4

Dɛnaa Lawa a lɛawaa lɛ laan bɛ̀ a n doe, bɛa lɛawaa gole kɛ lɛ, a sii ń nyɛ́ɛ diɛ, wasa á re n bɔyɛɛ a tii ka wɔlɔ tì bɛ́ lɔn, mui á re n bɔyɛɛ a taã ka mà bɛ́ lɔn.

Matiə 10:15

Lawa bɛ́ re kiri we Sodɔmu laanka Gomɔɔrɔ kiwi min baraan kɛn ganaa ǹ mɛn pinaa, bɛn dɔlɔ á re goɛ̃ puusə ǹ wɔ ganaa.

Matiə 11:21

«Kasɛn Koraazɛn minin kɛn, bɔ̀n nə kaa wɔ lɛa! Kasɛn Bɛtsayidaa minin kɛn, bɔ̀n nə kaa wɔ lɛa! A giala kaãbaa ǹ siin mɛnɛn bɛ́ ǹ nə́ n zɛnaa kaa piɛ, bɛ̀ bɛn man nə́ n zɛnaa Tiiri kiwi laanka Sidɔn kiwi babaraan kɛn nɛ, bɛ̀ ǹ nə́ boroon wɔ ǹ dinin ganaa, ǹ nə́ ton kaa ǹ dinin ganaa haalɛ bibi, ǹ nə́ nyaa mà ǹsɛn nə́ n taasɛ ǹ nə́ wusoo ǹ sii baraan kio.

Matiə 11:24

Bɛ lɛ taman yii, masɛ n pii ka nɛ, kiri kurii pinaa, kaa dɔlɔ á die gole koe á la Sodɔmu minin wɔ nɛ.»

Matiə 12:36

Masɛ n pii ka nɛ: Kiri kurii pinaa, minin nə boo kooron mɛnɛn tumaa da, Lawa á die nɔ̀n diɛ ǹ la ka a din tumaa nɛ.

Luku 10:14

Sonbore, kiri-kurii pinaa dɔlɔ mɛn bɛ́ re n boe Tiiri laanka Sidɔn kiwin ganaa, bɛa re doe bɛa kiwi màn paa kɛ lɛ wɔ li wa.

Ebrəə 2:3

wɔsɛn dɔn kəni, wɔ ǹ die liɛ lɔn, bɛ̀ wɔ́ sàn kɔ ka kirisibaa gole kɛ nɛ? Kirisibaa mɛn bɛ́ Dɛnaa din ná a boo da bɔrɔ, bɛ kio, min mɛnɛn na a boo ma ka ǹ too ne, bɛn dɔn nə́ wusoo ǹ ná a sonborebaa pɛ.

Piɛrɛ2 2:9

Bɛ n nyɛɛ, mà Dɛnaa din lɛ kɔ min mɛnɛn ganaa min peperen lɛa, mà pàã tá a lon sonbore a bɛn bɔ fuu ni, sɛnɛ, a babaraan kɛn, a n bɛn koɛ á n die dɔlɔ boe ǹ ganaa kiri kurii pinaa.

Piɛrɛ2 3:7

Lawa a boo lɛ n lon laanka sisia a kanaa kɛ tamaɛ, á koɛ kiri pinaa nɛ, ka piã-wɔlen papaã pinaa kɛ nɛ.

Zaã1 4:17

Bɛ̀ kɔn-narɛɛ tá wɔ li a giala yii li, wɔ foo á re goɛ̃ doa-n kiri-kurii pinaa. A giala, wɔ́ goã kanaa kun ka Lawa nɛ, ka Krita bɛ́ á zɛnaa lɔn.

Sii-nyaan 20:11

Má wusoo má kii dankan fu gole yɛ, ka ǹ dɛnaa ná a nɛ. Lon laanka tán baa si ǹ nə́ papaã a nyɛɛnɛ, min wusoo á ǹ yɛ wa.

Sii-nyaan 20:12

Má geren tumaa yɛ, a bɔnboɛɛnɛn nɛ ka a dadaran nɛ, ǹ nə́ golee kii dankan lɛ yɔrɔ-a. Ǹ nə́ sɛ́wɔn lɛ bũ, geren lɛn sii-zɛnaan nə́ kiɛ̃ nɛ ǹ nɛ. Sɛ́wɔ kɔsɔ dɔ nə́ n lɛ bũ, yiikoonaabaa ǹ sɛ́wɔ n ka bɛ nɛ. Geren lɛn siin mɛnɛn bɛ́ kiɛ̃-n sɛ́wɔn lɛn nɛ, maǹ nə́ kiri kuru ǹ la bɛn lɛn li.