Matiə 11:21 - LAWA A BOO SONBORE

²¹ «Kasɛn Koraazɛn minin kɛn, bɔ̀n nə kaa wɔ lɛa! Kasɛn Bɛtsayidaa minin kɛn, bɔ̀n nə kaa wɔ lɛa! A giala kaãbaa ǹ siin mɛnɛn bɛ́ ǹ nə́ n zɛnaa kaa piɛ, bɛ̀ bɛn man nə́ n zɛnaa Tiiri kiwi laanka Sidɔn kiwi babaraan kɛn nɛ, bɛ̀ ǹ nə́ boroon wɔ ǹ dinin ganaa, ǹ nə́ ton kaa ǹ dinin ganaa haalɛ bibi, ǹ nə́ nyaa mà ǹsɛn nə́ n taasɛ ǹ nə́ wusoo ǹ sii baraan kio.

LAWA A BOO SONBORE 2011

²¹ «Kasɛn Koraazɛn minin kɛn, bɔ̀n nə kaa wɔ lɛa! Kasɛn Bɛtsayidaa minin kɛn, bɔ̀n nə kaa wɔ lɛa! A giala kaãbaa ǹ siin mɛnɛn bɛ́ ǹ nə́ n zɛnaa kaa piɛ, bɛ̀ bɛn man nə́ n zɛnaa Tiiri kiwi laanka Sidɔn kiwi babaraan kɛn nɛ, bɛ̀ ǹ nə́ boroon wɔ ǹ dinin ganaa, ǹ nə́ ton kaa ǹ dinin ganaa haalɛ bibi, ǹ nə́ nyaa mà ǹsɛn nə́ n taasɛ ǹ nə́ wusoo ǹ sii baraan kio.

Matiə 11:21 ပူးပေါင်းရင်းမြစ်များ

Zɔbu 42:6

Bɛ lɛ nɛ, ma nə n gɔ́ɔ̃ bii maa da ǹ boon lɛ-a, man lɛ koe maa san ganaa ma á n gɔ́ɔ̃ bii, ma giã tan tii laanka ton li foo ziziɛ̃ gɔn.

Zeremii 13:27

Áh! Má n naarɛbaa kɛ yɛ, n foo kɔɔ̃n lɛ dian kɛn nɛ, n sìi da ǹ kɔrɔbaa kɛ nɛ, kelen la, wurun ni. Má n dì bɔbɔnɛɛn kɛn yɛ. Wàa koe n ka kɛ nɛ Zeruzalɛmu ganaa? N ba li n nə n din *yoreen kɔ wa? Yǎa biĩ kəni?

Zowɛli 3:4

Dɛnaa Lawa a lɛawaa lɛ laan bɛ̀ a n doe, bɛa lɛawaa gole kɛ lɛ, a sii ń nyɛ́ɛ diɛ, wasa á re n bɔyɛɛ a tii ka wɔlɔ tì bɛ́ lɔn, mui á re n bɔyɛɛ a taã ka mà bɛ́ lɔn.

Amɔɔsi 1:9

Dɛnaa Lawa na á pɛ kɛnɛn: Tiiri minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ zaman tumaa goa ǹ nə́ woo ǹ kɔ Edɔmu minin kɛn la. Ǹ lɛlɛ a lɛ kɔ kɔn la kɛ tamaa wa. Bɛ lɛ nɛ, ma á ǹ zɛ̀rɛ biɛ, ma á re wusii maa da ǹ boo dɔ kio wa.

Matiə 11:22

Bɛ lɛ taman yii, masɛ n pii ka nɛ, kiri kurii pinaa, kaa dɔlɔ á die gole koe á la Tiiri minin laanka Sidɔn minin wɔ nɛ.

Matiə 15:21

Bɛ kio, Yezu kiɛ̃ á n bɔ walan á woo bǎã kɔ́n nɛ, kunu Tiiri kiwi laanka Sidɔn kiwi ganaa.

Matiə 18:7

Bɔ̀n gole n ka kɛ nɛ kanaa minin mìi ni! A giala siin tan ǹ nə́ minin kiɛ sii baraa zɛnaa ganaa. Bɛ miã siin kɛn bie sàabiɛ wa, sɛnɛ, bɛ̀ a zɛnaa ǹ giala bɔ min mɛn li, bɔ̀n na á bɛa dɛnaa yɛ!

Matiə 26:24

Min a Nɛgiĩ á re giɛ̃, ka a bɛ́ á n kiɛ̃ a wɔ gɔn la Lawa a boo-n lɔn. Sɛnɛ, min mɛn bɛ́ re Min a Nɛgiĩ we a zɔ́ɔn gɔn, bɛa dɛnaa wɔ n ka bɔ̀n nɛ! Bɛ̀ n dɛnaa din na a yɛ wa, bɛ á soɛ a ganaa!»

Marki 3:8

ǹ gialakun nə́ bɔ Zeruzalɛmu kiwi. Idumee gána minin laanka Zurdɛ̃ tà kio minin ni, Tiiri laanka Sidɔn lɛkoro-a ǹ kiwi minin manɛ ǹ tɛn nɛ. Bɛa zaman gigiã kɛ lɛ na á woo Yezu li, a giala, a bɛ́ sii mɛn tumaa zɛnɛɛ, ǹ ná a boo ma.

Marki 6:45

Bɛ kio gɔrɔ, Yezu ná a kialandɛnan lɛn kaa tà kuru ǹ goo ne, mà ǹ wo asɛ nyɛɛnɛ Bɛtsayidaa kiwi tà lɛ a lɛkoro goon kɛ ganaa, bɛ̀ asɛ din baa zaman lɛ diɛ zii ǹ woo.

Marki 7:24

Bɛ kio, Yezu soo á n bɔ Zuifun gána nɛ, á woo kiwi kɔ́n nɛ kunu Tiiri kiwi ganaa. Á n yu kion kɔ́n nɛ, a goã li mà min kɔ́n dɔ̃ mà asɛ tá walan wa. Sɛnɛ a boo la á n duru wa.

Marki 7:31

Bɛ kio Yezu soo Tiiri gána nɛ, á bɔ Sidɔn, á Kiwi Fù gána wɔsɔ kɔn, á wusoo á daa Galilee tà lɛ-a.

Marki 8:22

Ǹ nə́ dɔ Bɛtsayidaa kiwi. Minin nə́ daa yii tere-a goon kɔ Yezu la, ǹ ná a nyankɔ mà a n gɔn da la, a na a busu nya.

Luku 4:26

Sɛnɛ, Lawa Yilii dia bɛa lɔ kɛ lɛ kɔ́n li wa. A na á dia Sidɔn gána nɛ, Sarɛptaa kiwi lɔ giɔɔrɔ goon li.

Luku 6:17

Yezu gisĩ á n bɔ kele lɛ la kun ka a kialandɛnan nɛ, á golee bǎã panparan nɛ. Zaman gigiã goã a li, a kiodɛnaa gigiã nɛ, ka min gigiã mɛn bɔ Zudee gána din tumaa nɛ, ka Zeruzalɛmu kiwi ni, ka Tiiri laanka Sidɔn nɛ, bɛa kiwi paa kɛ n mu lɛ-a.

Luku 9:10

Dia dí-a wolen lɛn bɛ́ ǹ nə́ wusoo ǹ nə́ daa, ǹ nə́ ǹ nya ǹ dí yii laakalaa Yezu ni. Yezu nə́ ǹ kũ, á n zɔ̃ á woo ǹ ne tiãlɛa, dia-n woe Bɛtsayidaa kiwi la.

Zaã a sɛ́wɔ 1:44

A da yaa, Filipi laanka Andre ne, ka Piɛrɛ nɛ, ǹ tumaa n kiwi goon minin lɛa, maǹ boe Bɛtsayidaa.

Zaã a sɛ́wɔ 12:21

Filipi mɛn bɛ́ boe Bɛtsayidaa kiwi Galilee gána nɛ, ǹ nə́ pɛ bɛ-n kɛnɛn: «Giĩ lɛɛ, wɔsɛn man giɛ li wɔ Yezu yɛ.»

Nya ǹ dín 12:20

Zia baraa kɔ́n na á goã a laanka Tiiri ka Sidɔn kiwi minin bii ni. Bɛa kiwin lɛn minin nə́ n lɛ kaa kun ǹ nə́ woo bɔ Erɔdi li. Maǹ nə́ kii lɛ a kion gɔ́ɔ̃ dí-nyali Balaatusu lɛ pii, ǹ nə́ n doa kɔn nɛ, mà ǹsɛn man giɛ zia lɛ a nya ka minbuiinbaa-n li. Sonbore, bɛa minin kɛn lɛn gána a màn-bii na á goã boe kii kɛ wɔ nɛ.

Nya ǹ dín 27:3

Wɔa woo a lɛawaa, wɔ́ dɔ Sidɔn. Zulusu na á goã Pooli kuĩ ka minbuiinbaa nɛ, á lɛ kɔ mà Pooli wo bɔ a giaáran li kiwi gɔ́ɔ̃ nɛ, bɛn na a laadoo siin zɛnaa nɛ.

Zude 1:11

Bɔ̀n nə ǹ wɔ lɛa! A giala, maǹ nə́ Kanyɛ a baraabaa ǹ zii kɛ saa. Ǹ dɔn nə́ n dinin kɔ minin bebele a màn si ǹ dí kɛ la, ka Balaamu bɛ́ á goã zɛnɛɛ lɔn. Koore minin gɔ́ɔ̃ tii lɔn, ǹ tumaa bɔ̀n baa kun, ǹ dɔn man nə́ bɛa zii lɛ saa, ǹ nə́ woe bɔ̀n biɛ.

Sii-nyaan 11:3

Bɛa biikoo li ma á re a Siére màn paa diɛ, ǹ wɔ ǹ mɔnaan yii n kokoro ka boroo bɛ́ lɔn, ǹ da Lawa a boo gii da yǎa lɛawaa duu goon biɛpaa ka pɔsɔrɔ (1 260) kɛ lɛ piɛ̃.»

Sii-nyaan 6:12

Má yɛ, a bɛ́ á sɛ́wɔ lɛ tã ǹ bǎã lɛ a sɔrɔbaa ǹ wɔ bũ, tán bìn da gole gole. Wasa nə́ n bɔyaa á tì kɔ ka mɔnaa tì bɛ́ lɔn, mui tumumaa tã kɔ ka mà bɛ́ lɔn.