Matiə 11:11 - LAWA A BOO SONBORE

¹¹ Masɛ n pii ka nɛ, sonbore: minbuiin nɛn bii, min kɔ́n tɔn yɛ bɔrɔ, bɛ n gole á la ZAÃ -n wa. Ka bɛ lɛ din tumaa dɔ nɛ, min mɛn bɛ́ re goɛ̃ min tumaa a boɛɛn lɛa lon a kiibaa ǹ bǎã kɛ-n biɛ̃, bɛ á gole á la ZAÃ nɛ.

LAWA A BOO SONBORE 2011

¹¹ Masɛ n pii ka nɛ, sonbore: minbuiin nɛn bii, min kɔ́n tɔn yɛ bɔrɔ, bɛ n gole á la Zaã-n wa. Ka bɛ lɛ din tumaa dɔ nɛ, min mɛn bɛ́ re goɛ̃ min tumaa a boɛɛn lɛa lon a kiibaa ǹ bǎã kɛ-n biɛ̃, bɛ á gole á la Zaã nɛ.

Matiə 11:11 ပူးပေါင်းရင်းမြစ်များ

Zɔbu 14:1

Minbuiin nɛ kɛ lɛ yii lɔ la, a nyin ba sasa wa, nɔmaa dɔ́ la a yii ni.

Zɔbu 14:4

Die n boe la a màn *yoreen bɔ màn gɔgɔrɛ nɛ? Bɛa dɛnaa din banban.

Zɔbu 15:14

Minbuiin nɛ n siɛ lɔn, a tɔn goã *yoreen ne? Lɔ min mɛn yɛ, a n siɛ lɔn a tɔn goã pepere?

Zɔbu 25:4

Minbuiin nɛ n siɛ lɔn a tɔn sonbore yɛ Lawa ganaa? Lɔ a yii kɛ lɛ n siɛ lɔn a tɔn goã *yoreen ne?

Loen 51:5

Ma á maa sãn doɛ̃, maa sii baraa lɛ n ma yɔrɔ-a duduu.

Izayii 30:26

Ǹ kɔn pinaa, Dɛnaa Lawa na a zaman lɛ a bayɛrɛn pii. Bɛ̀ a ná a busulɛn nya, mui á re tɛ pii ka wasa bɛ́ lɔn, wasa á re a lɛawaa sɔbaa fúlu kiɛ pinin goon.

Zakarii 12:8

Bɛa waáraa kəni, Dɛnaa Lawa á re Zeruzalɛmu minin tamɛɛ: Pàã n die goɛ̃ ǹ pàãwɛɛnaan lon ka Davida bɛ́ lɔn. Davida a sumu minin man die goɛ̃ ka Lawa bɛ́ lɔn, ka Dɛnaa Lawa a lon a dia dí-a wole bɛ́ lɔn.

Matiə 11:10

A giala Lawa a boo na á pɛ a dia dí-a wole ZAÃ wɔ paǹ li kɛnɛn: «Á ke, masɛ Dɛnaa Lawa n maa dia dí-a wole diɛ n nyɛɛnɛ, a n zii zɛnaa n nyɛɛnɛ.»

Matiə 11:12

A kũ ZAÃ a Boo Tii Kɔɔ̃n pɛ biikoo kɛ ganaa a da pelo yaa, lon a kiibaa ǹ bǎã lɛ a wɔ n minbuiinin la kakaɛ̃, min mɛnɛn bɛ́ doa boe, bɛn man yii.

Matiə 3:1

Bɛa biikoo li, Zaã, *batɛmu diɛ wole daa Zudee don bii, a ná a giala kɔ á Boo Tii Kɔɔ̃n pɛ.

Matiə 3:11

Masɛ n má batɛmu da ka ganaa mu li, man nyɛɛ máa ka n taasɛ ka wusoo kaa sii baraan kio. Sɛnɛ min mɛn bɛ́ die masɛ kio, bɛ á die ka kiɛ Lawa a zii ni ka Yiri Fu pàã nɛ, a dɔlɔ bɔ ka tɛ nɛ. A pàã á gole á la masɛ wɔ nɛ. Haalɛ masɛ nə n zuməə ma a kɔsɔ biɛn fore, ma mìi á kiɛɛrɛ bɛ ganaa.

Matiə 5:19

Bɛ lɛ na á toa, bɛ̀ min mɛn nə Lawa a dí-pɛn kɛn lɛn tumaa a boɛɛn goon din ziziɛ̃, á minin daraa a ziziɛ̃ dɔ ganaa miɛ̃, bɛa dɛnaa á die kiɛɛrɛ koe á la yii ni lon a kiibaa ǹ bǎã nɛ. Sɛnɛ, bɛ̀ min mɛn nə Lawa a dí-pɛn kɛn lɛn tamaa, á minin daraa ǹ tamaa dɔ ganaa miɛ̃, bɛa dɛnaa á die golebaa yii Lawa a kanaa dii ni.

Luku 1:15

A giala, bɛa nɛ kɛ lɛ n die min barkadɛnaa biɛ Lawa gɔn. Duvɛ̃ baran wɔ a lɛ-n wa, màn woo màn, a n we min yii ni, bɛ kɔ́n baran wɔ a lɛ-n wa. Nɛ lɛ n die piɛ̃ ka Lawa a Yiri Fu ni, bɛ̀ á tɔn nə ǹ dan gɔ́ɔ̃ nɛ.

Luku 7:28

Yezu pɛ: «Masɛ n pii ka nɛ, min mɛn tumaa yɛ lɔ la, min ba bɛn bii á n gole ZAÃ -n wa. Ka bɛ lɛ din tumaa dɔ nɛ, min mɛn bɛ́ re goɛ̃ min tumaa a boɛɛn lɛa *Lawa a kiibaa ǹ bǎã kɛ nɛ, bɛ á gole á la ZAÃ nɛ.»

Luku 9:48

á pɛ ǹ nɛ: «Bɛ̀ min mɛn lɛ kɔ, á nɛnyaan kɛ miã kũ doɛ̃ masɛ tɔ taman yii, bɛa dɛnaa na á lɛ kɔ masɛ din ganaa. Bɛ̀ min dɔ lɛ kɔ masɛ-a, bɛa dɛnaa na á lɛ kɔ masɛ a dia wole ganaa. A giala min mɛn bɛ́ n din kiɛɛrɛ koe ka bii, bɛa dɛnaa lɛ n gole ka tumaa nɛ.»

Zaã a sɛ́wɔ 1:15

ZAÃ boo da a wɔ gɔn la bɛ̀ á n parɛɛ a n pii: «Ma min mɛn boo da, máa á re die ma kio, sɛnɛ máa á gole á la masɛ nɛ, a giala masɛ laan bɛ̀ ma yɛ, bɛ̀ a tan, a din lɛ n ka kɛ nɛ.»

Zaã a sɛ́wɔ 1:27

bɛ lɛ n die die masɛ kio, masɛ mìi din tá kiɛɛrɛ a kɔsɔ biɛn fore ganaa.»

Zaã a sɛ́wɔ 10:41

Min gigiã daa a li, ǹ nə́ goã pii mà ZAÃ kaãbaa ǹ sii kɔ́n zɛnaa sɛn wa, sɛnɛ, mà a boo mɛn tumaa da giĩ kɛ lɛ wɔ gɔn la, mà taãn nɛ.

Zaã a sɛ́wɔ 3:30

A doamaa nɛ a golebaa yɛ, masɛ kiɛɛrɛ kɔ.»

Zaã a sɛ́wɔ 5:35

ZAÃ na á n baa ka bolon bɛ́ lɔn, ǹ ná a lɛ siɛ̃, a n wɔlɔ fúli. Ka n ká lɛ kɔ, ká n nyɛnyɛɛ a fúlu li biikoo boɛɛn gɔ́ɔ̃ nɛ.

Zaã a sɛ́wɔ 7:39

(Yezu na á pɛ miɛ̃, á goã boo diɛ Lawa a Yiri Fu wɔ gɔn la, a goleemali wolen bɛ́ re ǹ mɛn yii. Sonbore, bɛa biikoo li, bɛ̀ Lawa a Yiri Fu tɔn nə n kɔ ǹ la wa, a giala, bɛ á zɛnɛɛ, bɛ̀ Lawa tɔn gugurubaa kɔ Yezu la bɔrɔ wa.)

Korɛnti1 15:9

A giala, ma din nə Yezu a dia dí-a wolen tumaa a boɛɛndɛnaa lɛa. Ma a kɔnboe dinin, ǹ ma bíi dia dí-a wole wa, a giala, man má goã boe Lawa a sɔmɔ minin yii-n lɛlɛ.

Korɛnti1 6:4

Bɛ̀ bɛ miã sii lɔlɔkɔn kɛ tá kasɛn bii ni, min mɛnɛn bɛ́ ǹ ba màn kɔ́n lɛa Lawa a sɔmɔ-n wa, ka ǹ woe bɛn kuĩ mà ǹ da kaa kiri kuru!

Efɛɛzi minin 2:3

Wɔ tumaa n wɔ́ goã ka bɛn lɛn bɛ́ lɔn, wɔ ǹ wɔ́ goã wɔa sii zɛnɛɛ wɔa minbuiinbaa ǹ foo sii babaraan li. Wɔ gɔ̀nɔn laanka wɔ yiri bɛ́ giɛ màn mɛn li, wɔ ǹ bɛ zɛnɛɛ. Wɔa minbuiinbaa kɛ lɛ a lɛa nɛ, wɔ́ goã kɔnboe ka Lawa a foo-yoo kɛ lɛ nɛ, ka gialakunun tumaa wɔ bɛ́ lɔn.

Efɛɛzi minin 3:8

Masɛ n Lawa a zaman kɛ a min bɔnboɛɛnɛn tumaa a boɛɛndɛnaa lɛa. Bɛ tumaa kio, Lawa nə́ n tã la, á lɛ kɔ ma la, ka bɛa bǐɛ̃ kɛ nɛ. Mà ma Krita a màndɛnaa gole gole baa ǹ Boo Tii Kɔɔ̃n kɛ pɛ tɔrɔ kɔsɔn manɛ.

Timote2 1:10

Wɔa Dɛnaa Yezu Krita bɛ́ á daa kanaa kəni, wɔ Lawa a bǐɛ̃baa gole lɛ yɛ. Boo Tii Kɔɔ̃n barka nɛ, wɔ á doɛ̃ wáa Yezu gɛ̀ pàã nya, á toa wɔ nyin nyabaã yɛ.

Ebrəə 11:40

A giala, Lawa na á màn sonbore kɔ́n yɔrɔ bɔ wɔsɛn wɔ lɛa. A goã giɛ li, mà bɛa minin kɛn lɛn nə min lɛ-piɛ̃n baa wɔsɛn baã wa.

Piɛrɛ1 1:10

Lawa bǐɛ̃ mɛn yɔrɔ bɔ á koa ka nɛ, a boo gii-dalin nə́ boo da bɛ wɔ gɔn la. Ǹ nə́ ga kirisibaa kɛ lɛ a sii giala li, ǹ nə́ gɔgɔsɛ mà ǹ na a giala ma.

Samayeli1 2:30

Bɛ lɛ na á toa, Dɛnaa Lawa, Izirayeli a Lawa lɛ n kɛ pii: Sonbore ne, masɛ goã má pɛ máa n kion minin laanka n tɔrɔn tá re dí nyɛɛ masɛ nɛ duduu. Sɛnɛ sisia Dɛnaa Lawa n kɛ pii: Bɛ ba masɛ bǎã-n doo wa. A giala, min mɛnɛn bɛ́ ma guguru koe, man die bɛn guguru koe. Sɛnɛ, min mɛnɛn bɛ́ ma puusə koe, bɛn tá re paan biɛ ma gɔn.