Matiə 10:18 - LAWA A BOO SONBORE

¹⁸ Masɛ tɔ taman yii, ǹ tá re woe ka nɛ tɔrɔ kɔsɔn pàãdɛnan laanka kiin yɔrɔ-a ka n bɔlɔ pɛ. Bɛ lɛ n die toɛ ka siére baa bɛn laanka ǹ minin yɔrɔ-a.

LAWA A BOO SONBORE 2011

¹⁸ Masɛ tɔ taman yii, ǹ tá re woe ka nɛ tɔrɔ kɔsɔn pàãdɛnan laanka kiin yɔrɔ-a ka n bɔlɔ pɛ. Bɛ lɛ n die toɛ ka siére baa bɛn laanka ǹ minin yɔrɔ-a.

Matiə 10:18 ပူးပေါင်းရင်းမြစ်များ

Loen 119:46

Ma á re n gɔn waa ma-n boon kɛn diɛ kiin yɔrɔ-a. Ma a re bɛa sìi koe wa.

Matiə 10:17

Ka yiri bɔ dɛ, a giala minin tá re ka kuĩ, ǹ wo ka kɔ kiri-kurulin la, bɛn nə ka duwəə ka sɛ̌n nɛ ǹ lɛsɔkɔn kionən ne.

Matiə 10:19

Bɛ̀ ǹ tá woe ka nɛ kiri kuru ǹ bǎã nɛ, ka baran ǹ gɔ́ɔ̃ bii ka kaa da ǹ boo-n wa, ka baran ǹ gɔ́ɔ̃ bii ka a da ǹ gɔn dɔ-n wa. Ka doamaa bɛ́ nɛ ka boon mɛnɛn da, Lawa á re bɛa boon lɛn koe ka la a din biikoo kɛ lɛ li.

Matiə 8:4

Bɛ kio, Yezu tɔ́n pɛ nɛ: «N too kɔ doɛ̃, n nyan toa n kɛ laakalaa min kɔ́n yii-n wa. Wo n din nya wúlu-bɔle ne, bɛ ga n ganaa bɔrɔ, bɛ kio, Lawa wúlu mɛn boo da Muizu ni, n bɛ lɛ bɔ n nyaa min din tumaa nɛ mà n busu nya.»

Marki 13:9

«Sɛnɛ, kasɛn nə yiri bɔ ka dinin li. A giala, minin tá re ka kuĩ ǹ wo kiri wɔ ka ganaa Zuifun lɛsɔkɔn kionən gɔ́ɔ̃ nɛ, ǹ ka duduwəə. Ǹ tá re woe ka nɛ pàãdɛnan laanka kiin yɔrɔ-a masɛ tɔ taman yii, bɛ lɛ n die toɛ ka masɛ boo da ǹ yɔrɔ-a.

Timote2 1:8

Bɛ lɛ taman yii, n doa n siére pɛ Dɛnaa wɔ gɔn la, n baran sìi kɔ wa. Masɛ mɛn dɔ bɛ́ kòso nɛ lɛa a din lɛ taman yii, ma dɔ a sii baran sìi da n ganaa wa. Sɛnɛ, lɛ kɔ nɔmaa ganaa ka masɛ bɛ́ lɔn, Boo Tii Kɔɔ̃n kɛ a lɛa, Lawa á die a sii simaganaa ǹ pàã koe n la.

Sii-nyaan 1:9

Masɛ Zaã, man ka dɔɔ̃n lɛa, man kun ka nɛ kaa fuun gɔ́ɔ̃ nɛ, ma nə́ n yii diɛ *Lawa a kiibaa kɛ a daa la, ma nə foo kuĩ, a giala man doa kɔn Yezu ni kun ka nɛ. Man gùli lɛa Patmɔsi gána nɛ, mu nə ǹ mɛn lɛ da bii, a giala mà man Lawa a boo diɛ, ka taãn pɛ kɛ nɛ Yezu nyaa ma nɛ.

Sii-nyaan 11:7

Sɛnɛ, bɛ̀ ǹ nə́ ǹ siérebaa ǹ dí pɛ ǹ nə́ nya, Tɔɔ mɛn soo nɔmaa ǹ nyankɔrɔ zuzulu ni, bɛ á re zia biɛ ǹ ganaa, á re boe ǹ la a ǹ dɛ ǹ gã.

Sii-nyaan 6:9

Sère Nɛ lɛ bɛ́ á sɛ́wɔ lɛ tã ǹ bǎã lɛ a soorobaa ǹ wɔ bũ, min mɛnɛn bɛ́ ǹ nə́ ǹ dɛ, ǹ Lawa a boo diɛ a lɛa, ka ǹ siérebaa ka peperebaa-n a lɛa nɛ, má ǹ telenboenən yɛ Lawa a *wúlu bɔ ǹ bǎã giulun.