Matiə 10:17 - LAWA A BOO SONBORE

¹⁷ Ka yiri bɔ dɛ, a giala minin tá re ka kuĩ, ǹ wo ka kɔ kiri-kurulin la, bɛn nə ka duwəə ka sɛ̌n nɛ ǹ lɛsɔkɔn kionən ne.

LAWA A BOO SONBORE 2011

¹⁷ Ka yiri bɔ dɛ, a giala minin tá re ka kuĩ, ǹ wo ka kɔ kiri-kurulin la, bɛn nə ka duwəə ka sɛ̌n nɛ ǹ lɛsɔkɔn kionən ne.

Matiə 10:17 ပူးပေါင်းရင်းမြစ်များ

Misee 7:5

Ka nyan nə n foo doa kaa tá-kun wolen ganaa doo wa, ka nyan nə n kaa kaa giaáran nɛ doo wa. Haalɛ n din gòã li ǹ lɔ ke, bɛ̀ n tá a yɔrɔ-a, toa n yiri yɛ n da ǹ boo li.

Matiə 10:18

Masɛ tɔ taman yii, ǹ tá re woe ka nɛ tɔrɔ kɔsɔn pàãdɛnan laanka kiin yɔrɔ-a ka n bɔlɔ pɛ. Bɛ lɛ n die toɛ ka siére baa bɛn laanka ǹ minin yɔrɔ-a.

Matiə 20:19

Ǹ tá re ma koe tɔrɔ kɔsɔn la. Bɛn tá re yaa we ma ganaa, ǹ ma duwəə ka sɛ̌n nɛ, ǹ ma dere gɔn ganaa. Ma a gɛ̀ lɛawaa sɔɔ, ma yii á die kiɛ.»

Matiə 23:34

Bɛ lɛ na á toa, ka n too kɔ: Man die Lawa a boo gii-dalin laanka yiridɛnan diɛ ka la ka Lawa a boo-dɔ̃lin ni. Ka tá re ǹ tɛn dii ǹ gã, ka ǹ tɛn dere gɔn ganaa, ka á re ǹ tɛn duduwii ka sɔsɔrɔ nɛ kaa lɛsɔkɔn kionən ne, ka ǹ tɛn loo ka kiwin kakaa kɔn la ǹ nɛ, ka fuu nyaa ǹ yii ni.

Matiə 26:59

Lawa a wúlu-bɔlen goledɛnan laanka kiri-kurulin gialakunun tumaa ga Yezu biɛ kɔ ǹ gɔn li, haalɛ ta a din ni kɔkɔrɔ lɔn, màn mɛn bɛ́ toɛ, ǹ dɛ a gã.

Matiə 5:22

Sɛnɛ, masɛ n pii ka nɛ, bɛ̀ min mɛn foo yoo ǹ miã li, ka doamaa nɛ ka dɔlɔ bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «N là banban,» ka doamaa nɛ ka dɔlɔ gole bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «Gàãnaa nə n nɛ!» ka doamaa nɛ ka bɛa dɛnaa da bɔ̀nbaa ǹ tɛ gole ne.

Marki 13:12

Minin tá re ǹ dinin dɔɔ̃nɔn koe pàã gɛ̀ la, díin tá re zɛnɛɛ ǹ nɛnyaanan man miɛ̃. Nɛnyaanan tá re n bɔyɛɛ ǹ yɛ wolen li, ǹ nə ǹ kɔ pàã gɛ̀ la.

Marki 13:9

«Sɛnɛ, kasɛn nə yiri bɔ ka dinin li. A giala, minin tá re ka kuĩ ǹ wo kiri wɔ ka ganaa Zuifun lɛsɔkɔn kionən gɔ́ɔ̃ nɛ, ǹ ka duduwəə. Ǹ tá re woe ka nɛ pàãdɛnan laanka kiin yɔrɔ-a masɛ tɔ taman yii, bɛ lɛ n die toɛ ka masɛ boo da ǹ yɔrɔ-a.

Luku 12:11

«Bɛ̀ ǹ nə́ ka kũ ǹ nə́ woo ka nɛ lɛsɔkɔn kionən ne, ǹ nə́ die kiri kuri ka la, hinlaa nyɛɛnaandɛnan kɔsɔn li ka pàã mìilan dɛnan nɛ, ka baran n gɔ́ɔ̃ bii ka ka bɔ ǹ gɔn nɛ wa, ka baran n gɔ́ɔ̃ bii ka kaa da ǹ boo dɔ-n wa.

Zaã a sɛ́wɔ 11:47

Lawa a wúlu-bɔlen goledɛnan laanka Fariziɛ̃n nə́ woo kɔn yɛ, ǹ nə́ pɛ mà ǹsɛn man die wàa zɛnɛɛ? Mà giĩ lɛ á ke kaãbaa ǹ sii gigiã zɛnɛɛ!

Zaã a sɛ́wɔ 16:2

Ǹ tá re ka lui ǹ ka bɔ lɛsɔkɔn kionən ne. Biikoo kɔ́n tá re die dinin, min mɛnɛn bɛ́ ka dii ka gã, bɛa minin lɛn tá re taasɛ, mà ǹsɛn man dí nyɛɛ Lawa nɛ bɛa yɔrɔ kɛ lɛ la.

Nya ǹ dín 17:14

Fufuu fufuu gɔrɔ, dɔɔ̃n Lawa-nyankɔlen lɛn nə́ Pooli bɔ ǹ nə́ dia yaa tà lɛ-a, sɛnɛ, Silaasi laanka Timote sɛ goã.

Nya ǹ dín 22:19

Má pɛ: «Dɛnaa, táa ǹ nə́ dɔ̃ mà masɛ din nə má goã woe lɛsɔkɔn kionən ne, min mɛnɛn bɛ́ ǹ nə́ golee n din li, bɛ̀ ma bɛn kũ má ǹ zũzũ kòso-n, ma ǹ dɛ ka bàlà nɛ.

Nya ǹ dín 26:11

Man má goã we lɛsɔkɔn kionən ne gunyin damata, bɛ̀ ma Lawa a minin lɛn nɔmaa, man má goã giɛ li, ǹ nə n piã ka ǹ golee Lawa li ni. Maa foo-yoo lɛ bɛ́ á gole kɔ á la yii ni, má goã ǹ kio lui yǎa kiwi kɔsɔn nɛ, ma nə́ ǹ nɔmiɛ.

Nya ǹ dín 9:2

mà bɛ sɛ́wɔn kɔ asɛ la. Sɛ́wɔn mɛnɛn bɛ́ zii koe asɛ la, asɛ wɔ Damaasi kiwi a Zuifun lɛsɔkɔn kionən ne, màn mɛn bɛ́ toɛ, bɛ̀ asɛ woo minin yaa, giĩn ni ka lɔn nɛ, ǹ nə́ koe kɛa zii kɛ lɛ, asɛ nə ǹ kũ a ǹ yii, a da ǹ nɛ Zeruzalɛmu.

Filipi minin 3:2

Min mɛnɛn bɛ́ sii bɔnɛɛ zɛnɛɛ, ka n yiri kɔ ǹ li, bɛa ginin kɛn, ǹsɛn mɛnɛn bɛ́ zoɛ̃ mà yǎa ǹsɛn nə màn kuri gɔ̀nɔn ganaa!

Timote2 4:15

N dɔ yiri bɔ li, a giala, á wɔa da ǹ boon liere kɔ parsiini.

Ebrəə 11:36

Gialakunun dɔn nə́ nɔmaa da-yaa lɛa gɔn, ka sɛ̌n nɛ, ka fɔlɔ biɛn kaamaa nɛ, ka da kòso-n ne.