Matiə 10:16 - LAWA A BOO SONBORE

¹⁶ Haya! Masɛ n ka diɛ ka sèren bɛ́ woe don ginin bii lɔn. Bɛ lɛ taman yii, ka yiri bɔ ka dinin li ka miɛ̃ bɛ́ yiri boe a din li lon, sɛnɛ, ka goã basiɛ̃-n ka zɛrɛkantoan bɛ́ lɔn, ka baran basaã kɔ wa.

LAWA A BOO SONBORE 2011

¹⁶ Haya! Masɛ n ka diɛ ka sèren bɛ́ woe don ginin bii lɔn. Bɛ lɛ taman yii, ka yiri bɔ ka dinin li ka miɛ̃ bɛ́ yiri boe a din li lon, sɛnɛ, ka goã basiɛ̃-n ka zɛrɛkantoan bɛ́ lɔn, ka baran basaã kɔ wa.

Matiə 10:16 ပူးပေါင်းရင်းမြစ်များ

Siin Giala 3:1

Dɛnaa Lawa don mànan mɛnɛn tumaa zɛnaa, miɛ̃ yiri goã wooro, á la ǹ tumaa nɛ. Á nɔ̀n da lɔ la kɛnɛn: «Lawa pɛ ka nɛ sonbore, mà ka baran dù gɔrɔ lɛ a da nɛ kɔ́n bii wa?»

Siin Giala 3:13

Dɛnaa Lawa pɛ lɔ lɛ nɛ: «Wàa na á baa ń kɛ zɛnaa?» Lɔ lɛ ná a lɛ si: «Miɛ̃ na á ma bebele, má da nɛ lɛ bii.»

Nehemii 4:13

Má tɔ́n pɛ goledɛnan lɛn manɛ kəni, ka sii yɔrɔ-bɔlen laanka zaman gialakun lɛ nɛ: «Di lɛ pàã á gole, wɔ n wɔ́ n pɛsɛ̃ kungɔn lɛ ganaa, wɔ wɔlɔ n lui-n kɔn ganaa.

Zeremii 40:16

Sɛnɛ, Ayikaamu a nɛgiĩ Gedalia Kareyaa a nɛgiĩ Zoanan lɛ si kɛnɛn: «N nyan bɛ zɛnaa wa. N bɛ́ boo mɛn diɛ Isimayeli a paǹ li, soɛ nɛ!»

Ozee 7:11

Efrayimu minin lɛn man ka zɛrɛkantoan bɛ́ lɔn, ǹ ba n sii bebelee la wa, a giala ǹ ba n taasɛ wa. Ǹ nə́ Ezipti minin bii wɔ maǹ da n dɔ ǹsɛn lɛ, ǹ nə́ woo Asiirii gána nɛ.

Matiə 24:25

Masɛ á ke má pɛ ka nɛ bɛ̀ a biikoo baa doe.

Matiə 24:45

Dí-nyali mɛn nə yiridɛnaa lɛa, á n bɔlɔgoondɛnaa dɔ lɛa? Ǹ mɛn bɛ́ a dɛnaagiĩ bɔ a koa ǹ miã dí-nyalin mìi la bɛ̀ a bɛ́ re woe zii ni, mà a ga ǹ walan, bɛ̀ a màn-bii kɔ ǹ la a biikoo li.

Matiə 25:2

Ǹ min sooro n baãnaan lɛa, sooro kɛ dɔ n yiridɛnan lɛa.

Matiə 25:4

Sɛnɛ, min mɛnɛn bɛ́ yiridɛnan lɛa, bɛn nə́ ǹ bólonən goa, ǹ nə́ nyɔɔ kaa nyɔɔ mànan nɛ, ǹ nə́ woo ne.

Matiə 25:9

Yiridɛnan lɛn nə́ tɔ́n pɛ ǹ nɛ: «Aba, nyɔɔ mɛn bɛ́ wɔsɛn lon, a ba wɔsɛn boe, a yɛ a ka dɔn bɔ wa. Á soɛ ka wo nyɔɔ-sãlin li, ka nyɔɔ pii ka dinin wɔ lɛa.»

Luku 10:3

Ka woo kəni, á ke, masɛ n ka diɛ ka sère nɛn bɛ́ lɔn don ginin bii.

Luku 21:15

A giala, masɛ dinmaa lɛ n die boo koe ka la, kaa zɔ́ɔ kɔ́n ná a ba boe la a bɛ liere kɔ wa, masɛ n die yiridɛnaabaa dɔ koe ka la, kaa zɔ́ɔ kɔ́n ná a ba boe la a kaa boo kìi yiɛ wa.

Nya ǹ dín 20:29

Ma á doɛ̃, máa maa woo kio, minin tá re die, baraa ka don ginin bɛ́ lɔn, ǹ tá re we ka bii, ǹ Lawa a minin lɛn sasawaa.

Korɛnti1 14:20

Ma dɔɔ̃nɔn lɛn, sii-doɛ̃ wɔ paǹ li, ka baran n dinin baa nɛnyaanan lɛa wa. Ka goã nɛnyaanan lɛa sii bɔnɛɛ wɔ paǹ li, sɛnɛ, sii-doɛ̃ wɔ paǹ li, ka toa ka goã min golen lɛa.

Korɛnti2 1:12

Ma á boe la man din laakalaa ka màn kɔ́n nɛ. Bɛa màn lɛ á ke: Ma gɔ́ɔ̃gɔ́ɔ̃ ǹ taasiɛ ǹ nyɛɛ ma nɛ, mà má tɔ wɔ kanaa kɛ nɛ, sanparɛ kasɛn wɔ paǹ li, ka gɔ́ɔ̃ fubaa nɛ, ka Lawa a *yoreenbaa nɛ. Ma bie má zɛnaa ka minbuiinin sii-doɛ̃-n wa. Man má zɛnaa ka Lawa a bǐɛ̃baa barka nɛ.

Korɛnti2 11:14

Bɛ kɔ́n ba min tɔwɛɛ wa, a giala, *Sɛtaan dinmaa á boe la, a n din baa lon a dia dí-a wole tɛ fúludɛnaa lɛa.

Korɛnti2 11:3

Sɛnɛ, nyɛ́ɛ tá ma ganaa, máa ka yiri á die ziziɛ̃, ka miɛ̃ bɛ́ á Ɛvu yiri sã ka soɛ-n lɔn. Doa-kɔn sonbore *yoreen mɛn bɛ́ ka bii ka Krita nɛ, ma ba li máa ka n na, ka n bɔ bɛ ganaa wa.

Korɛnti2 8:20

Wɔsɛn mɛnɛn bɛ́ bɛa wɔrɔ gole kɛ a tamaalin lɛa, wɔ ǹ yiri boe wɔ dinin li, wáa wɔ nyan tɔ pɔpɔsiɛ kɔ́n yɛ a gɔ́ɔ̃-n wa.

Filipi minin 2:15

Ka zɛnaa miɛ̃, ń giɛ ka á goɛ̃ *yoreen ne, zɛ̀rɛ baãnaan lɛa, ka goã Lawa a nɛnyaanan lɛa, sɔ̀n ná a ba ka ganaa, kanaa min kɔkɔrɔ babaraan kɛn bii wa. Ka doamaa nɛ ka wɔlɔ fúlu bɔ ǹ bii, ka bólonən bɛ́ lɔn,

Kolɔɔsi minin 1:9

Bɛ lɛ nɛ, a kũ boo kɛ lɛ a miɛ pinaa ganaa kaa wɔ gɔn la, wɔ ǹ Lawa nyankoe kaa lɛa biikoo tumaa li. Wɔ ǹ Lawa nyankoe wáa a sii-doɛ̃ kɔ ka la parsiini, a yiri kɔɔ̃n kɔ ka la, a din a Yiri Fu barka nɛ, a toa ka a din dùũ siin dɔ̃.

Kolɔɔsi minin 4:5

Ka tɔ wɔ ka sii-doɛ̃ nɛ, Lawa-nyankɔle baãnaan wɔ a paǹ li. Ka dɔ biikoo sonbore gogoonmaa ganaa.

Tesaloniki1 2:10

Wɔ giã ǹ gɔn mɛn wɔ ka goleemali wolen bii, sɔnbɔraanɛ, pepere, sã ná a ba a-n wa, ka dinin laanka Lawa n bɛa siéren lɛa.

Tesaloniki1 5:22

Ka n bɔ sii baraa tɔrɔ tumaa nɛ.