Marki 8:38 - LAWA A BOO SONBORE

³⁸ Pelo minin mɛnɛn bɛ́ ǹ nə́ n piã ka Lawa nɛ, ǹ nə́ sii baraa zɛnɛɛ, bɛ̀ min mɛn sìi kɔ bɛn yɔrɔ-a a ná a masɛ boo da wa, a masɛ a boo kɛ lɛ dɔ pɛ wa, Min a Nɛgiĩ bɛ́ re boe lon ǹ mɛn pinaa a daa, kun ka lon a dia dí-a wole sonboren ne, ǹ Di a gugurubaa a siĩnbaa kɛ nɛ, a dɔ á die sìi koe a bɛa dɛnaa bíi mà asɛ a kialandɛnaa.»

LAWA A BOO SONBORE 2011

³⁸ Pelo minin mɛnɛn bɛ́ ǹ nə́ n piã ka Lawa nɛ, ǹ nə́ sii baraa zɛnɛɛ, bɛ̀ min mɛn sìi kɔ bɛn yɔrɔ-a a ná a masɛ boo da wa, a masɛ a boo kɛ lɛ dɔ pɛ wa, Min a Nɛgiĩ bɛ́ re boe lon ǹ mɛn pinaa a daa, kun ka lon a dia dí-a wole sonboren ne, ǹ Di a gugurubaa a siĩnbaa kɛ nɛ, a dɔ á die sìi koe a bɛa dɛnaa bíi mà asɛ a kialandɛnaa.»

Marki 8:38 ပူးပေါင်းရင်းမြစ်များ

Zakarii 14:5

Bɛa nyankɔrɔ lɛ kɛ lɛ kelen lɛn bii ni, ka n die baa sii ka bɔ ka bɛ lɛ nɛ, a giala, a n woe yǎa Asali. Ka n die baa sii, ka ka digolon wɔ bɛ́ lɔn, Zudaan kii Oziasi a waáraa, tán a bìn diɛ pinaa. A da yaa, Dɛnaa Lawa, maa Lawa n die die ka a lon a dia dí-a wolen kɛn tumaa nɛ.

Matiə 12:39

Yezu tɔ́n pɛ ǹ nɛ: – Pelo min babaraan, Lawa bɔlɔ tii wolen kɛn man giɛ kaãbaa ǹ sii li! Kaãbaa ǹ sii kɔ́n ba re n nyɛɛ ka nɛ, a kiɛ̃ Lawa a boo gii-dali Zonaasi wɔ kɛ la wa.

Matiə 13:41

Masɛ Min a Nɛgiĩ á re maa dia dí-a wolen diɛ. Min mɛnɛn dinin tumaa bɛ́ sii baraa zɛnɛɛ, ǹ nə́ ǹ miãn dɔn nyanɛɛ ǹ kiɛ a nɛ, ǹ tá re bɛn wɛɛ ǹ nə ǹ bɔ Lawa a kiibaa ǹ bǎã lɛ nɛ,

Matiə 16:27

A giala, Min a Nɛgiĩ tá re die ka ǹ Di a gugurubaa kɛ nɛ kun ka lon a dia dí-a wolen ne. Bɛa biikoo li ma á re didie sarɛɛ a kɔnpɛ ka a nya ǹ dí ni.

Matiə 16:28

Masɛ n pii ka nɛ, sonbore, kasɛn mɛnɛn bɛ́ kànaa, ka tɛnɛn yii á die Min a Nɛgiĩ yii die kii lɛa ka tɔn gã.»

Matiə 16:4

Pelo min babaraan, Lawa bɔlɔ tii wolen kɛn ka n giɛ kaãbaa ǹ sii li! Kaãbaa ǹ sii kɔ́n ba re n nyɛɛ ka nɛ, a kiɛ̃ Lawa a boo gii-dali Zonaasi wɔ kɛ la wa. Bɛ kio, á kiɛ̃ á ǹ toa walan.»

Matiə 24:30

Bɛa biikoo li, Min a Nɛgiĩ a daa a sii a kɔnbɔ á die soe lon. Kanaa a tɔrɔn tumaa á re n lala diɛ. N tá re Min a Nɛgiĩ yii labaran la, ka pàã gole laanka gugurubaa gole ne.

Matiə 25:31

Bɛ̀ Min a Nɛgiĩ daa ka a kiibaa nɛ, kun ka lon a dia dí-a wolen tumaa nɛ ǹ mɛn pinaa, á die giɛ̃ a kii dankan gole la.

Matiə 26:64

Yezu tɔ́n pɛ nɛ: «Ka n pɛ lɔn. Sɛnɛ, masɛ n pii ka nɛ: A saa sisia ganaa, ka á re Min a Nɛgiĩ yii giã-n tán Lawa Pàãyiidɛnaa gusin, ka á re masɛ yii dɔn die lon a labaran la.»

Matiə 8:20

Yezu tɔ́n pɛ nɛ: «Tolokan yalan tan, bàanan kii tan, sɛnɛ, bǎã kɔ́n ba Min a Nɛgiĩ lon á n mìi susui a-n wa.»

Marki 13:26

Bɛa biikoo li, ka á re Min a Nɛgiĩ yii die labaran bii, ka pàã gole ne, ka gugurubaa nɛ.

Marki 14:62

Yezu tɔ́n pɛ: «Hiĩ, masɛ n bɛ lɛ lɛa. Ka á re Min a Nɛgiĩ yii giã-n tán Lawa Pàãyiidɛnaa gusin. Ka á re yii dɔn lon a labaran bii die.»

Marki 8:37

Bɛ̀ min mɛn nyin papaã, a n die wàa koe Lawa la, a tɔn wusoo a yɛ?

Luku 19:26

Kii lɛ mà asɛ n pii ǹ ni: Màn bɛ́ min mɛn lon, kɔsɔ á re n diɛ bɛa dɛnaa wɔ li. Sɛnɛ, a bɛ́ a ba min mɛn lon wa, ta a boɛɛn mɛn dɔ din na a tan, ǹ tá re bɛ lɛ dɔ din sii la.

Luku 9:26

Bɛ lɛ nɛ, min mɛn bɛ́ sìi koe masɛ tɔ pɛ ganaa kanaa, a n sìi koe masɛ a boo kɛ lɛ dɔ a pɛ ganaa, Min a Nɛgiĩ bɛ́ re die ǹ mɛn pinaa, ma din laanka maa Díi a gugurubaa kɛ nɛ, kun ka lon a dia dí-a wole sonboren kɛn nɛ, ma dɔ á re sìi koe bɛa dɛnaa ganaa.

Zaã a sɛ́wɔ 1:14

Bɛa Boo kɛ lɛ na á n baa minbuiin nɛ lɛa, á giã wɔ bii. Wɔ́ a gugurubaa yɛ, Díi Lawa din bɛ́ á gugurubaa mɛn kɔ a Nɛgiĩ goon toto la. Bǐɛ̃baa laanka sonborebaa tá a lon parsiini.

Zaã a sɛ́wɔ 1:51

Á tɔ́n pɛ doo: «Ka boo taãn nɛ, masɛ n pii ka nɛ, ka á re lon lɛ buĩ yii, ka Lawa a lon a dia dí-a wolen yɛ dii bɛ̀ ǹ nə́ gisĩ Min a Nɛgiĩ lalan.»

Zaã a sɛ́wɔ 12:34

Zaman lɛ tɔ́n pɛ Yezu ni: «Wɔ́ yɛ dí-pɛn sɛ́wɔ nɛ, mà Minin Nyin-sili lɛ n die goɛ̃ a yii n koo miɛ̃ a ná a ba giɛ̃ wa. Wàa na á baa nsɛ dɔ á pii, mà yǎa ǹ Min a Nɛgiĩ siɛ lon? Bɛa Min a Nɛgiĩ lɛ, die n ka bɛ nɛ?»

Zaã a sɛ́wɔ 5:27

A din na á kiri wɔ ǹ pàã kɔ la, a giala, a n Min a Nɛgiĩ lɛa.

Nya ǹ dín 10:22

Minin lɛn ná a lɛ si: «Wɔsɛn lɛn man wɔ́ daa Kɔrnɛyi a dí ganaa, Kɔrnɛyi mɛn bɛ́ sɔraasin goledɛnaa lɛa, a n pepere, a n Lawa guguru koe kun ka Zuifun ni, a tɔ sonbore dɔ n boe ne ǹ tumaa bii. Lawa a lon a dia dí-a wole goon na á nyaa Kɔrnɛyi ni, mà a doamaa nɛ a lɛ dia Piɛrɛ la a kion, siin mɛnɛn nə n zɛnaa, á die n too koe bɛn li Piɛrɛ lɛ lon.»

Nya ǹ dín 5:41

Dia dí-a wolen lɛn nə́ n bɔ kiri-wɔlen lɛn li ǹ nə́ woo. Ǹ foo goã kɔɔ̃n parsiini, a giala, Lawa ga ǹ ganaa, mà ǹ doamaa nɛ, ǹ fuu yɛ Yezu tɔ kɛ a lɛa.

Rɔmu minin 1:16

Maa sìi koe ka Lawa a Boo Tii Kɔɔ̃n pɛ kɛ-n wa. A giala, Lawa pàã n dí nyɛɛ a nɛ, á kirisibaa koe a goleemali wolen tumaa la: Bibinaa nɛ Zuifun manɛ, bɛ kio tɔrɔ kɔsɔn mɛnɛn bɛ́, ǹ ba Zuifun lɛa wa.

Galaasi minin 6:14

Masɛ yii li, din laakalaa ǹ mìi kɔsɔ banban, á kiɛ̃ wɔa Dɛnaa Yezu Krita a dere ǹ gɔn kɛ la wa. Bɛ lɛ pàã ganaa, kanaa gã masɛ yii li, masɛ dɔ gã kanaa yii li.

Timəə dí-pɛn 33:2

A na á pɛ kɛnɛn: «Dɛnaa Lawa bɔ Sinayii kele la á daa, a na á n toa Seyiiri gána nɛ á daa ǹ lɛa, ka wasa bɛ́ lɔn, á n toa Paran kele la, á wasa kaa a minin lɛn ganaa. Á daa a minin li, kun ka lon a dia dí-a wole duu damata nɛ, ka a dí-pɛ tɛdɛnaa kɛ nɛ a gɔn.

Tesaloniki1 2:19

A giala, ka dinin lɛn man wɔ foo-doa-n màn lɛa, kaa sii n nyɛnyɛɛ diɛ wɔ ganaa, kaa sii n die toɛ wɔ n dinin laakalaa wɔa Dɛnaa Yezu yɔrɔ-a a daa biikoo li.

Tesaloniki1 3:13

A die a ka foo taã, màn mɛn bɛ́ toɛ, wɔa Dɛnaa Yezu a daa pinaa kun ka a wɔn nɛ, ka boo la ka golee Díi Lawa yɔrɔ-a *yoreen ne, kaa sii lɛ n piɛ̃ nɛ.

Timote2 1:12

Bɛ lɛ na á toa, ma á nɔmaan kɛn sii ma ganaa. Sɛnɛ, bɛa ma foo biɛ niɛ̃ wa, a giala, ma bɛ́ má n foo doa min mɛn ganaa, ma á bɛ doɛ̃. A boo mɛn koa ma li, má waa la dɔn, máa pàã tá a lon, a bɛ tamaa yǎa a din a daa pinaa.

Timote2 1:16

Dɛnaa die a na a makara-doɛ̃ nyaa Onezifɔɔrɔ a kion minin manɛ, a giala, á goã bɛ̀ a da bɔ ma li, a ma foo taã. Maa da-kòso-n kɛ sìi da a ganaa wa.

Timote2 1:8

Bɛ lɛ taman yii, n doa n siére pɛ Dɛnaa wɔ gɔn la, n baran sìi kɔ wa. Masɛ mɛn dɔ bɛ́ kòso nɛ lɛa a din lɛ taman yii, ma dɔ a sii baran sìi da n ganaa wa. Sɛnɛ, lɛ kɔ nɔmaa ganaa ka masɛ bɛ́ lɔn, Boo Tii Kɔɔ̃n kɛ a lɛa, Lawa á die a sii simaganaa ǹ pàã koe n la.

Ebrəə 11:16

Sonbore, maǹ nə́ goã giɛ dikion li, màn mɛn bɛ́ soɛ ǹ miãn manɛ, bɛ giala, mà lon wɔ ke. Bɛ lɛ nɛ, bɛ̀ bɛa minin kɛn lɛn tá Lawa bíi, mà ǹsɛn Lawa, a ba sìi lɛa a ganaa wa. Á kiwi zɛnaa ǹ nɛ dinin.

Ebrəə 11:26

Lawa bɛ́ re a din a min mɛn boe diɛ, Muizu ga a ganaa, mà asɛ tɔ ziziɛ̃ bɛa lɛa, mà bɛ á naforo gole lɛa á la Ezipti gána a naforon kɛn manɛ, a giala, a yii na á goã doa-n saraa kɛ la.

Ebrəə 13:13

Ka daa wɔ dɔn nə soo, wɔ wo a li kiwi lɛ kio, wɔ dɔn na a din sìi kɛ lɛ si wɔ ganaa.

Zaaki 4:4

Ka min naarɛn kɛn! Ka a doɛ̃ mà bɛ̀ min kanaa baa giaára lɛa, mà a na á Lawa baa zɔ́ɔ wa? Min mɛn bɛ́ giɛ li mà a kanaa a giaára baa sɛn, bɛa dɛnaa nə n din biɛ Lawa a zɔ́ɔ lɛa.

Zaã1 2:23

A giala, bɛ̀ min mɛn Nɛgiĩ tii, a na á Díi dɔ tii miɛ̃. Bɛ̀ min tá Nɛgiĩ lɛ doɛ̃, a n Díi dɔ doɛ̃ miɛ̃.

Zaã1 2:28

A bɛ́ miɛ̃ kəni, maa nɛnyaanan lɛn, ka toa ka goã kun ka Krita nɛ, ń giɛ, wɔ á goɛ̃ piɛ̃-n ka foo-doa nɛ, a din-nyaa biikoo li, sìi baran wɔ kũ a daa pinaa, wɔ wɔlɔ lui a ganaa wa.

Sii-nyaan 14:10

bɛa dɛnaa á re Lawa a foo yoo ǹ duvɛ̃ mii, ǹ mɛn lɛ bɛ́ Lawa a foo yoo gole paan kɛ nɛ, á re fuu yii kiribi tɛ kɛ nɛ, lon a dia dí-a wole sonboren kɛn laanka Sère Nɛ kɛ yɔrɔ-a.