Marki 6:15 - LAWA A BOO SONBORE

¹⁵ Min tɛn dɔ mà Lawa a boo gii-dali Yilii mɛn doamaa bɛ́ na a daa, mà bɛ lɛ nɛ. Ǹ tɛn dɔ mà a laanka Lawa a lɛlɛ a boo gii-dalin kɛn lɛn man goon.

LAWA A BOO SONBORE 2011

¹⁵ Min tɛn dɔ mà Lawa a boo gii-dali Yilii mɛn doamaa bɛ́ na a daa, mà bɛ lɛ nɛ. Ǹ tɛn dɔ mà a laanka Lawa a lɛlɛ a boo gii-dalin kɛn lɛn man goon.

Marki 6:15 ပူးပေါင်းရင်းမြစ်များ

Matiə 16:14

Ǹ nə́ tɔ́n pɛ: «Min tɛn mà Zaã, *batɛmu-dali ni, ǹ tɛn mà Lawa a boo gii-dali gole Yilii ni, ǹ tɛn dɔ n pii doo, mà Lawa a boo gii-dali Zeremii ni hinlaa Lawa a boo gii-dali kɛ lɛ kɔ́n nɛ.»

Matiə 21:11

Zaman lɛ pɛ: «Nazarɛtin Yezu, Lawa a boo gii-dali ni, Galilee gána nɛ.»

Marki 6:16

Erɔdi bɛ́ á bɛ ma ǹ mɛn waáraa, á tɔ́n pɛ mà asɛ pɛ, mà ǹ ZAÃ mɛn lɛ mìi kuru lɛlɛ, mà a din lɛ nɛ, mà a yii na á wusoo á kaa.

Marki 8:28

Ǹ ná a lɛ si: «Min tɛn nə pii mà ma n ZAÃ lɛa, min mɛn bɛ́ á goã *batɛmu diɛ minin ganaa. Ǹ tɛn nə pii mà ma n Lawa a boo gii-dali gole Yilii lɛa. Ǹ tɛn dɔ n pii mà ma n Lawa a boo gii-dalin kɛn kɔ́n lɛa.»

Luku 1:17

Á re die Dɛnaa nyɛɛnɛ, a na a daa boo pɛ. Á re die ka Lawa a Yiri Fu pàã-n a lon, ka Lawa a boo gii-dali Yilii bɛ́ á goã lɔn. Á die díin laanka nɛn kiɛ kun. Á die toɛ, min mɛnɛn nə n piã lɛlɛ ka Lawa nɛ, bɛn nə wusoo, ǹ da a ganaa, màn mɛn bɛ́ toɛ, Lawa din tɔrɔ mɛn bɔ, bɛ nə n yɔrɔ bɔ, a n yii da Dɛnaa lɛ la.»

Luku 7:16

Nyɛ́ɛ min tumaa kũ, ǹ nə́ goã Lawa tɔ boe bɛ̀ ǹ nə́ pii: «Lawa a boo gii-dali gole na á bɔ wɔsɛn bii. Lawa na á daa n dɔ a din a tɔrɔ boe kɛ lɛ.»

Luku 7:39

Fariziɛ̃n giĩ lɛ á Yezu bíi màn bii-a, a bɛ́ á sii kɛ yɛ, á pɛ a din gɔ́ɔ̃-n kɛnɛn: «Bɛ̀ giĩ kɛ n Lawa a boo gii-dali lɛa sonbore, lɔ ke n gɔn diɛ a ganaa, bɛ̀ á dɔ̃ a bɛ́ màn mɛn lɛa, bɛa lɔ kɔrɔ kɛ lɛɛ!»

Luku 9:19

Ǹ ná a lɛ si: «Min tɛnɛn mà ZAÃ mɛn bɛ́ á goã *batɛmu diɛ minin ganaa. Gialakunun dɔn mà Lawa a boo gii-dali gole Yilii ni, kɔsɔn dɔn mà a n lɛlɛ a Lawa a boo gii-dali lɛ goon lɛa, a yii kaa á n bɔ geren bii.»

Luku 9:8

Ǹ tɛnɛn man nə́ goã pii mà Lawa a boo gii-dali Yilii na á bɔ lon á daa. Gialakunun dɔn mà lɛlɛ a Lawa a boo gii-dali lɛ goon yii na á kaa á n bɔ geren bii.

Zaã a sɛ́wɔ 1:21

Ǹ nə́ tɔ́n nɔ̀n da la: «Die n ka nsɛ nɛ? Ma n Lawa a boo gii-dali gole Yilii lɛa?» Á tɔ́n pɛ ǹ nɛ: «Yilii bie ka masɛ-n wa.» «Minin bɛ́ n yii diɛ Lawa a boo gii-dali mɛn la, ma n bɛ lɛa ya?» ZAÃ mà haayii.

Zaã a sɛ́wɔ 1:25

Ǹ nə́ wusoo ǹ nə́ nɔ̀n da la kɛnɛn doo: «N bɛ́ n bie Minin Nyin-sili lɛ lɛa wa, Yilii bɛ́ a bie n nə́ wa, minin bɛ́ n yii diɛ Lawa a boo gii-dali mɛn la, bɛ dɔ bɛ́ a bie n nə́ wa, sɛnɛ, wàa na á baa n tá *batɛmu diɛ minin ganaa?»

Zaã a sɛ́wɔ 6:14

Minin bɛ́ ǹ nə́ bɛa kaãbaa ǹ sii kɛ lɛ yɛ á n zɛnaa, ǹ nə́ tɔ́n pɛ: «Lawa a boo gii-dali mɛn doamaa bɛ́ a da kanaa gɔ́ɔ̃ nɛ, a din lɛ n ka kɛ-n sonbore!»

Zaã a sɛ́wɔ 7:40

Min mɛnɛn nə n too kɔ bɛa boon lɛn ganaa zaman lɛ bii, ǹ tɛn na á goã pii mà sonbore pɛ á soɛ, mà Lawa a boo gii-dali mɛn bɛ́ ǹsɛn tá n yii diɛ la, mà a din nə ke!

Zaã a sɛ́wɔ 9:17

Fariziɛ̃n nə́ wusoo ǹ nə́ nɔ̀n da yii tere-a zizi lɛ la kɛnɛn: «A bɛ́ á n dɔ yiin bũ, man wàa mɛn boo diɛ a wɔ gɔn la?» Á tɔ́n pɛ ǹ nɛ mà Lawa a boo gii-dali ni.