Marki 16:19 - LAWA A BOO SONBORE

¹⁹ Wɔa Dɛnaa Yezu bɛ́ á boo da á nya ǹ mɛn waáraa, Lawa saa á woo-n lon ne, á woo giã a din gusin.

LAWA A BOO SONBORE 2011

¹⁹ Wɔa Dɛnaa Yezu bɛ́ á boo da á nya ǹ mɛn waáraa, Lawa saa á woo-n lon ne, á woo giã a din gusin.

Marki 16:19 ပူးပေါင်းရင်းမြစ်များ

Loen 110:1

Davida a loe goon ne. LOE ne. Dɛnaa Lawa na á pɛ maa dɛnaa lɛ nɛ kɛnɛn: Giã ma gusin, yǎa ma gɔ̀lɔ̀baa lɛ piɛ̃ koe n la, n zɔ́ɔn la, ǹ die kiɛ tán n gòãn giulun.

Marki 16:20

A kialandɛnan nə́ woo Boo Tii Kɔɔ̃n pɛ bǎã yii tumaa nɛ. Wɔa Dɛnaa goã dí nyɛɛ kunun ǹ ni, bɛ̀ a nyaa ka kaãbaa ǹ siin ni, mà ǹ bɛ́ boo mɛn diɛ mà taãn nɛ.]

Luku 22:69

Sɛnɛ, a kũ sisia ganaa, Min a Nɛgiĩ tá re giɛ̃ Lawa Pàãdɛnaa gusin.»

Luku 9:51

Yezu a woo a bɔ kanaa waáraa bɛ́ doe, á n foo taã á zii kũ á n woe Zeruzalɛmu.

Zaã a sɛ́wɔ 13:1

*Kiɛ̃mala ǹ zɔ́n laan bɛ̀ á dɔ, Yezu dɔ̃ mà asɛ a biikoo dɔ, a n bɔ kanaa kɛ gɔ́ɔ̃ nɛ, a wo ǹ Di Lawa li. A goã a wɔn mɛnɛn lɛn narɛ kanaa lɛ gɔ́ɔ̃ nɛ biikoo tumaa waáraa, á wusoo á bɛn narɛ doo yǎa a dan ganaa.

Zaã a sɛ́wɔ 16:28

Man má bɔ maa Díi li má daa kanaa gɔ́ɔ̃ nɛ. Sisia, ma nə n boe kanaa gɔ́ɔ̃ nɛ ma á woe maa Díi li.»

Zaã a sɛ́wɔ 17:13

«Sisia, man woe n din li. Ma bɛ́ kanaa bɔrɔ, man boon kɛn pii ǹ ni, màn mɛn bɛ́ toɛ, nyɛnyɛɛ mɛn bɛ́ masɛ lon, bɛ lɛ-piɛ̃ yɛ ǹ dɔn lon.

Zaã a sɛ́wɔ 20:17

Yezu tɔ́n pɛ nɛ: «N baran n gɔn paraa masɛ ganaa wa! A giala, ma bie zii la woe maa Díi li bɔrɔ wa. Sɛnɛ, wo pɛ ma dɔɔ̃nɔn manɛ mà ma á re dii ma wo maa Díi li kəni, ǹ mɛn lɛ bɛ́ ka dɔn Díi lɛa, ma á re woe Lawa li kəni, ǹ mɛn lɛ bɛ́ ka dɔn Lawa lɛa.»

Zaã a sɛ́wɔ 21:15

Ǹ bɛ́ ǹ nə́ màn bii ǹ nə́ nya, Yezu pɛ Piɛrɛ nɛ: «ZAÃ a nɛgiĩ Simɔn, n tá masɛ narɛ á la kɛn manɛ?» A ná a lɛ si: «Hiĩ, Dɛnaa, n din tá doɛ̃ mà ma tá n narɛ.» Yezu tɔ́n pɛ nɛ: «Ga maa sère nɛn lɛn walan.»

Zaã a sɛ́wɔ 21:22

Yezu tɔ́n na a lɛ si: «Bɛ̀ masɛ tá li mà a goã a yii n koo yǎa masɛ wusii die, n wàa mɛn sii na a nɛ? Yǎa nsɛ kɔ ma kio lɛ!»

Zaã a sɛ́wɔ 6:62

Bɛ̀ ka Min a Nɛgiĩ yɛ dii a lɛlɛ a giã ǹ bǎã-n dɔn, ka tɔn nə n baa lɔn?

Nya ǹ dín 2:33

Lawa saa á da gugurubaa ǹ bǎã nɛ a din gusin. A Díi nə n lɛ kɔ la ka Yiri Fu mɛn nɛ, á bɛ kɔ la á dia wɔ la. Ka yii bɛ́ sii mɛn tumaa ganaa, ka nə ǹ mɛn tumaa dɔ miɛ, a din Yiri Fu lɛ a dí ni.

Nya ǹ dín 3:21

Yezu lɛ doamaa nɛ a goã lon Lawa a piɛ, yǎa Lawa din nə wusii a màn tumaa biɛ dii lɛa, ká a bɛ́ á wɔ a boo gii-dali sonboren lɛ-n, ǹ nə́ saa lɛlɛ ǹ nə́ pɛ haalɛ bibi lɔn.

Rɔmu minin 8:34

Die n boe la kəni, a dɔlɔ da ǹ mìi ni? Min kɔ́n, a giala, Yezu Krita na á gã, ka bɛ dɔ nɛ a yii kaa, á giã-n Lawa gusin, á n Lawa nyankoe wɔ a lɛa.

Kolɔɔsi minin 3:1

Haya, ka laanka *Krita yii bɛ́ á kaa kun, ka toa ka ga lon mànan li, Krita din bɛ́ giã-n bǎã mɛn nɛ, Lawa gusin.

Timote1 3:16

Sonbore ne, sii-durii mɛn bɛ́ wɔa golee Yezu li ǹ sii lɛa, á n nyaa, bɛ á gole á la yii ni: Á n din baa minbuiin nɛ lɛa, á daa, Lawa Yiri ná a peperebaa nyaa, Lon a dia dí-a wolen nə́ yɛ miɛ̃. A boo nə́ n kalaa tɔrɔn bii, kanaa minin nə́ golee li, Lawa tɔ́n saa á woo-n lon.

Ebrəə 1:3

Bɛa Nɛgiĩ kɛ lɛ n Lawa a gugurubaa tɛ-pɛle kɛ nyɛɛ, a din nə Lawa a Lawabaa nyɛɛ taãn-taãnɛ. A din nə kanaa kɛ kuĩ á golee ne, ka a boo pàãdɛnaa kɛ barka nɛ. A bɛ́ á kanaa minin sii baraa pii á nya ǹ mɛn waáraa, á woo giã Lawa pàãdɛnaa gusin lon.

Ebrəə 12:2

Ka daa wɔ ga Yezu ganaa, a din nə golee Lawa li lɛ a giala-kɔle laanka a lɛ pã wole lɛa wɔ foo ne. Nyɛnyɛɛ mɛn bɛ́ koa-n nɛ, á n yii doa bɛ la, á gɛ̀ wɔ gɔn ganaa kɛ si a ganaa, a ga-a sìi lɛa wa. Bɛ kio, á giã gugurubaa ǹ bǎã nɛ Lawa a kii dankan gusin.

Ebrəə 4:14

Wúlu-bɔlen kiã gole gole tá wɔ lon, á lon bii kuru á kiɛ̃ yǎa Lawa yɔrɔ-a: Lawa a Nɛgiĩ Yezu lɛ nɛ. Bɛ lɛ nɛ, wɔ bɛ́ pii wáa wɔ lɛ kɔ goleemali mɛn ganaa, ka daa wɔ n gɔn paraa bɛ ganaa parsiini.

Ebrəə 6:20

Yezu na á woo walan, wɔ nyɛɛnɛ, wɔ dinin lɛa. A din na á wúlu-bɔlen kiã baa yǎa duduu, a ná a lɛa ka Mɛlkizedɛki bɛ́ lɔn.

Ebrəə 7:26

Wɔ laadoo bɛ́ wúlu-bɔlen kiã mɛn ganaa, bɛ n ka Yezu ni. A n siĩni; zɛ̀rɛ laanka sii baraa kɔ́n ba a ganaa wa. A sii kɔ́n dɔ ba kun ka sii baraa-zɛnaalin wɔ-n wa. Lawa saa lon a ná a gole kɔ, á la lon màn tumaa nɛ.

Ebrəə 8:1

Ma bɛ́ boo mɛn diɛ, a gugurubaa ǹ bǎã n ka kɛ nɛ: Bɛa wúlu-bɔlen kiã kɛ lɛ tɔrɔ n wɔ lon, á n giã-n Lawa gole siĩn kɛ a kii dankan gusin lon gɔ́ɔ̃ nɛ.

Ebrəə 9:24

Sonbore, Krita bie á wɔ minbuiinin bǎã sonbore zɛnaa kɛ-n wa, bɛa minbuiinin wɔ a zɛnaa kɛ lɛ na á goã a taãn kɛ nyín kooro lɛa. Sɛnɛ, a na á wɔ lon dinmaa gɔ́ɔ̃ nɛ, màn mɛn bɛ́ toɛ, a n din nyaa kanna Lawa yɔrɔ-a wɔsɛn lɛa.

Piɛrɛ1 3:22

Yezu Krita lɛ woo lon dɔn, á giã-n Lawa gusin. Lon a dia dí-a wolen ne, ka lon màn goledɛnan laanka a pàãdɛnan tumaa na a din lɛ bɔlɔ sii.