Marki 14:18 - LAWA A BOO SONBORE

¹⁸ Ǹ bɛ́ tán màn bii, Yezu pɛ: «Masɛ n pii ka nɛ, sonbore ne: Ka dinin min goon nə die masɛ we maa zɔ́ɔn gɔn, min mɛn din bɛ́ màn bii kun ka masɛ nɛ.»

LAWA A BOO SONBORE 2011

¹⁸ Ǹ bɛ́ tán màn bii, Yezu pɛ: «Masɛ n pii ka nɛ, sonbore ne: Ka dinin min goon nə die masɛ we maa zɔ́ɔn gɔn, min mɛn din bɛ́ màn bii kun ka masɛ nɛ.»

Marki 14:18 ပူးပေါင်းရင်းမြစ်များ

Loen 41:9

Maǹ pii, mà busu baraa n ke a ganaa dɛ! Mà bɛ̀ kɛ min kũ, a yui doo wa.

Matiə 26:21

Ǹ bɛ́ màn bii, Yezu pɛ ǹ nɛ: «Masɛ n pii ka nɛ, sonbore, ka dinin min goon nə die masɛ we maa zɔ́ɔn gɔn.»

Matiə 5:18

Man pii ka nɛ, sonbore, bɛ̀ lon laanka tán nə papaã duduu wa, landa sɛ́wɔ gɔ́ɔ̃gɔ́ɔ̃ ǹ dí-pɛn kɛn mɛn din bɛ́ ka a diɛ sii li wa, ǹ ba sàabiɛ wa, a boo kɔ́n dɔ a sàabiɛ wa, yǎa a tumaa lɛ piɛ̃.

Matiə 6:16

Bɛ̀ ka n lɛ sɔɔ, ka baran n yɔrɔ kɔsɛ ka gɔ́ɔ̃ tì-an kɛn bɛ́ zɛnɛɛ lɔn wa. Maǹ nə́ n yɔrɔ kɔsɛ, mà min din tumaa dɔ̃ mà ǹsɛn man nə́ n lɛ sɔɔ. Masɛ n pii ka nɛ, sonbore ne, ǹ nə́ ǹ saraa yɛ á nya.

Matiə 6:2

Bɛ̀ ka á doobaan goe ka wɔrɔ nɛ, ka baran n dinin nyaa minin yɔrɔ-a buəbuə, ka gɔ́ɔ̃ tì-an bɛ́ zɛnɛɛ Zuifun lɛsɔkɔn kionən laanka zii giala-an nɛ lɔn wa. Maǹ zɛnɛɛ miɛ̃ mà minin nə ǹsɛn laakalaa. Masɛ n pii ka nɛ, sonbore ne, ká kaa saraa yɛ á nya.

Matiə 6:5

Bɛ̀ ka á Lawa nyankoe, ka nyan nə n baa ka gɔ́ɔ̃ tì-an kɛn bɛ́ lɔn wa. Bɛ̀ ǹ tá lɛsɔkɔn kion hinlaa zii giala-a, golee lon a Lawa nyankɔ lɛ n kɔɔ̃nɛ ǹ ganaa. Maǹ giɛ li mà min din tumaa nə ǹsɛn yɛ. Masɛ n pii ka nɛ, sonbore ne, ǹ nə́ ǹ saraa yɛ á nya.

Marki 10:15

Man pii ka nɛ ka boo taãn nɛ: Bɛ̀ min mɛn lɛ kɔ Lawa a kiibaa ǹ boo kɛ ganaa ka nɛnyaan bɛ́ lɔn wa, bɛa dɛnaa a re we wa.»

Marki 10:29

Yezu tɔ́n pɛ nɛ: «Man pii n ni, sonbore ne: Bɛ̀ min mɛn màn mɛn toa walan masɛ laanka Boo Tii Kɔɔ̃n kɛ taman yii, a kion ne, ǹ dɔɔ̃nɔn nɛ, ǹ dan laanka ǹ di ni, a nɛnyaanan nɛ, hinlaa a wuru ni, bɛ̀ ǹ dɛnaa bɛa mànan kɛn lɛn toa walan,

Marki 14:17

Wasa bɛ́ á mɛ, Yezu daa á dɔ ka a kialandɛnaa fulupaa lɛ nɛ.

Marki 14:19

A kialandɛnan lɛn yɔrɔ kɔsɛ parsiini, ǹ ná a giala kɔ ǹ nə́ nɔ̀n da la gogoon, didie mà táa asɛ bie wa?

Marki 14:25

Masɛ n pii ka nɛ, sonbore ne: Ma a duvɛ̃ mii doo duduu wa, yǎa *Lawa a kiibaa ǹ bǎã nɛ, ma tɔn duvɛ̃ dii mii.»

Marki 14:9

Masɛ n pii ka nɛ sonbore, ka bɛ́ re Boo Tii Kɔɔ̃n pii kanaa paǹ mɛn tumaa nɛ, lɔ kɛ sii mɛn zɛnaa, ǹ tá re bɛ dɔ laakalɛɛ walan, ǹ minin yiri da a sii ni.»

Marki 3:28

«Masɛ n pii ka-n sonbore, minbuiinin sii baraa tumaa á re n toɛ ǹ nɛ, ka ǹ Lawa tɔ ziziɛ̃ ǹ boon dinin tumaa nɛ.

Marki 6:11

Bɛ̀ bǎã mɛn a minin nə́ n piã, mà ka baran n yu ǹsɛn la wa. Bɛ̀ ǹ nə́ n piã, ǹ nə n too kɔ ka lon wa, ka n gòã gusuũ duduu, ka soo ka n bɔ walan: Bɛ n gɔn waa ǹ sii lɛa ǹ wɔ paǹ li.»

Marki 8:12

Yezu piɛ̃ gole baã ka fɔɔ, á pɛ ǹ nɛ: «Wàa na á baa sisia minin kɛn tá zoɛ̃ kaãbaa ǹ sii li? Masɛ n pii ka nɛ sonbore, kaãbaa ǹ sii kɔ́n din ba re n nyɛɛ ka-n wa!»

Marki 9:1

Yezu tɔ́n pɛ ǹ nɛ doo: «Masɛ n pii ka nɛ sonbore, min tɛn tá ka bii kànaa dinin, ǹ tá re goɛ̃ ǹ yii n koo yǎa *Lawa a kiibaa kɛ die ka pàã nɛ, a die ǹ yiɛ.»

Marki 9:41

Min mɛn bɛ́ re mu sii paan din ni kooro a kɔ ka la a giala mà ka ǹ masɛ wɔn lɛa, man pii ka nɛ sonbore ne, ǹ dɛnaa ba re foɛ̃ a saraa li wa.

Luku 11:51

A kũ Abeli a gɛ̀-a a da Zakarii wɔ yaa, ǹ Zakarii mɛn dɛ *wúlu bɔ ǹ bǎã laanka wúlu-bɔlen kɔn yɛ ǹ bǎã bii ni, sonbore, dɔlɔ á die n boe pelo minin kɛn lɛn-a bɛa gɛ̀-dɛ kɛ lɛ tumaa a lɛa.

Luku 22:21

Yezu pɛ: «Sɛnɛ, á ke, min mɛn bɛ́ re masɛ koe maa zɔ́ɔn la, bɛa dɛnaa á ke n gɔn we màn-bii-n kun masɛ nɛ.

Luku 4:24

Yezu wusoo á suusu kɔsɔ da: – Masɛ n pii ka nɛ sonbore, «Lawa a boo gii-dali kɔ́n ba gugurubaa yii a din a kiwi wa.»

Zaã a sɛ́wɔ 1:51

Á tɔ́n pɛ doo: «Ka boo taãn nɛ, masɛ n pii ka nɛ, ka á re lon lɛ buĩ yii, ka Lawa a lon a dia dí-a wolen yɛ dii bɛ̀ ǹ nə́ gisĩ Min a Nɛgiĩ lalan.»

Zaã a sɛ́wɔ 13:18

«Ma bie boo diɛ ka dinin tumaa wɔ gɔn la wa, ma min mɛnɛn bɔ, ma á bɛn doɛ̃. Sɛnɛ, Lawa a boo màn mɛn pɛ, bɛ doamaa nɛ a n zɛnaa; a na á pɛ: "Min mɛn din bɛ́ màn bii kun ka masɛ nɛ, a din lɛ na á n bɔyaa masɛ li."

Zaã a sɛ́wɔ 13:21

Bɛa boon lɛn diɛ kio, Yezu gɔ́ɔ̃ wɔ̃ parsiini, á tɔn pɛ panparanpaa nɛ kɛnɛn: «Man taãn pii ka nɛ: Ka dinin min goon nə die ma we maa zɔ́ɔn gɔn.»

Zaã a sɛ́wɔ 13:22

A kialandɛnan lɛn nə́ ga kɔn ganaa, ǹ dinin ba doɛ̃ a bɛ́ boo diɛ min mɛn wɔ gɔn la wa.

Zaã a sɛ́wɔ 13:38

Yezu pɛ nɛ: «N tá lɛ koe sonbore, mà n tá n din nyin koe masɛ a lɛa? Man taãn pii n ni, koo laan bɛ̀ a wuu pɛ, bɛ̀ n nə́ n piã ka masɛ nɛ, á dɔ gunyin sɔɔ.»

Zaã a sɛ́wɔ 21:18

Man taãn pii n ni: N bɛ́ nɛnyaan lɛa ǹ mɛn waáraa, n din ni n maabɛlɛ yii, bǎã mɛn bɛ́ kɔɔ̃nɛ n ganaa n soo bɛ̀ n wo walan. Sɛnɛ, bɛ̀ n zizi kɔ ǹ mɛn waáraa, n tá re n gɔnɔn goɛ lon, min kɔsɔ n die yii, n bɛ́ n ba li n wo bǎã mɛn nɛ wa, a n kũ a wo n ne walan.»

Zaã a sɛ́wɔ 3:11

Masɛ n pii n ni, sonbore ne: Wɔsɛn bɛ́ màn mɛn doɛ̃, wɔ n boo diɛ bɛ wɔ gɔn la, wɔ bɛ́ wɔ́ màn mɛn yɛ, wɔ n siére biɛ bɛ wɔ gɔn la, sɛnɛ, ka bɛ́ ka a lɛ koe wɔsɛn boo-a wa.

Zaã a sɛ́wɔ 3:3

Yezu tɔ́n pɛ nɛ: «Masɛ n pii n ni, sonbore ne: Bɛ̀ min mɛn bie a wusoo a yɛ wa, ǹ dɛnaa a boe la a *Lawa a kiibaa yɛ wa.»

Zaã a sɛ́wɔ 3:5

Yezu tɔ́n pɛ nɛ: «Masɛ n pii n ni, sonbore ne: Bɛ̀ min mɛn bie a wusoo a yɛ Lawa wɔ baa-n ka mu laanka Yiri Fu pàã-n wa, ǹ dɛnaa a boe la a wɔ Lawa a kiibaa-n wa.

Zaã a sɛ́wɔ 5:19

Yezu wusoo á n lɛ da boo lɛ nɛ, á pɛ ǹ nɛ: «Man taãn pii ka nɛ: Díi bɛ́ dí mɛn tumaa nyɛɛ, a din lɛ nɛ a Nɛgiĩ dɔ á nyɛɛ. A boe la a sii kɔ́n zɛnaa a din ganaa wa.

Zaã a sɛ́wɔ 6:26

Yezu tɔ́n pɛ ǹ nɛ: «Man taãn pii ka nɛ, ka bɛ́ ka buuru sɔ̃ ka kã, bɛ lɛ na á toa, ka tá giɛ masɛ li, a bie ka ka n ka kaãbaa ǹ siin kɛn giala ma wa.

Zaã a sɛ́wɔ 6:32

Yezu tɔ́n pɛ ǹ nɛ: «Man taãn pii ka nɛ, Muizu bie á lon a buuru lɛ kɔ ka la wa, sɛnɛ, masɛ a Díi n lon a buuru taãn koe ka la.

Zaã a sɛ́wɔ 6:47

Masɛ n taãn pii ka nɛ, bɛ̀ min mɛn golee masɛ li, nyin nyabaã n bɛa dɛnaa wɔ lɛa.

Zaã a sɛ́wɔ 6:70

Yezu tɔ́n pɛ ǹ nɛ: «Ka dinin min fulupaa kɛ lɛ, ma din bie má ka yii gɔgɔɔ̃ wa? A laanka bɛ lɛ yii ni, kaa min goon nə *Sɛtaan minbuiin lɛa!»